#الفـــصــل_الثاني : #خريف_العشق 🍂
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دق فالباب ، دخل لعندها و بين يديه جوج كيسان ديال القهوة .... تبسم ليها و حط الكاس قدامها ...
هادية : شكرا !
ايمن : كي بقيتي مزيان ؟
هادية : الحمدلله بخير ، يسول فيك الخير
ايمن : الله يديمها ..
هادية : امين ، شكرا (خدات كاسها ارتشفات منو شوية) بغيتي شي حاجة ؟
ايمن : (هزهز راسو و تبسم) اش كايبان ليك فعلاقة عن بعد !
هادية : (هزات كتافها) من اينا ناحية ؟
ايمن : زعما واش تقدر تنجح ؟
هادية : (تنهدات كاترتب كلماتها فراسها) عن بعد ماشي هي لي كاتحكم فنجاح و لا فشل العلاقة .... لي كاتحكم فيها هو الوفاء و الثقة بين الجوج...
ايمن : و نتي تقدري عليها ؟ يعني ايلا عرض عليك ديك بنادم لي نتي معاه تكونو فعلاقة عن بعد .. لمدة غير محددة اش غادي ديري .
هادية : واش البعد هو لي كايتحكم فالمشاعر ؟
ايمن : الا
هادية : يعني !
ايمن : (هزهز راسو) همم وصلات الفكرة
هادية : (تبسمات) فرحت ..
ايمن : واخا نسول حاجة اخرى ؟
هادية : تفضل !
ايمن : علاش ما عندكش معاي ؟
هادية : (متقات فمها بعدم اهتمام) و شكون قال هادشي ثاني !
ايمن : (عينو عليها) تصرفاتك ...
هادية : (بصراحة هزات كتافها و نطقات) ما عندي معاك حتى شي حاجة شخصية و لكن ايلا جاوك تصرفاتي ماشي هوما هادوك ، بغيت نقولك سمحلي .... و كلشي غير حيت جيتني ففترة ما رانيش مستقرة فيها ، نفسيتي مدعدعة و الرواين فوق مخي ما غاديش نقدر نساير هضرتك ، تصرفاتك ، تعاملك معاي و اي حاجة كاتجي منك كاتخليني نفقد اعصابي ..
ايمن : و علاش زعما !
هادية : (صغرات عينيها فيه) كاتعامل معاي بحال ايلا كاتعرفني !
ايمن : و علاش ماشي هاكا كاتعاملي نتي ؟
هادية : الا ... ماشي هاكا الناس كايتعاملو مع شي حد اول مرة كايتلاقاوه ...
ايمن : و ما كاينش استثناءات ..؟
هادية : (تنهدات) ديك الاستثناءات هوما لي خلاوني ندير حدود مع الغريب ...
ايمن : اها ، (حنحن) و دابا زعما ما يمكنش لينا نبداو من الاول بحال ايلا حتى حاجة ما وقعات ، الجو ما متوترش ... و انا وياك اول مرة نتلاقاو ..
هادية : (بنفس طريقته) و علاش زعما ؟
ايمن : (مد يديه) بغيت نوليو صحاب ... عطيني فرصة غادي نعجبك ..
هادية : (علات حجبانها مستغربة) عجيب ..
ايمن : غادي تخليني منشور هاكا ؟
هادية : (بتردد) فحدود !
ايمن : (تبسم) فحدود، (غمزها) حتى تحيديهم نتي !
هادية : ههههههه لا حول ..
ايمن : نيتي شريفة تخافيش ...
مدات يديها سلمات عليه و تبسمات ليه دايرة معاه الصواب ....
ايمن : شكرا !
هادية : عفوا ...
ايمن : انا ايمن ! ثلاتين عام ...
هادية : و انا هادية تمنية و عشرين !
ايمن : مزوجة، مخطوبة، مادة يديك للحنة ؟
هادية : (علات حجبانها) قلنا فحدود .. انا وياك خدامين مع بعضياتنا ، و بالاحرى انا خدامة عندك ... هادشي ما كايهمش !
ايمن : بالصح ، يمكن مع الوقت نعرف ...
هادية : (شافت فساعتها متهربة من الجواب) قرب وقت البرنامح ...
ايمن : (ضحك حتى بانت الغمازة لي جنب فمو حيت كاتمعني ليه باش يخرج) واخا الالا ... شكرا حيت عطيتيني فرصة نتعرفو على بعضياتنا
هادية : العفو ..
ايمن : ممكن ننضم ليك ؟
هادية : (هزات كتافها) مرحبا ...
أنت تقرأ
LET IT SNOW (بالدارجة المغربية)
عاطفية#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
