#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دوزات يديها على فمها بمعنى صافي سديتو خلاتو كايهضر بوحدو ...
بهاء : من هادشي كامل شوفي من ايمتا وحنا مقدرين لبعضياتنا من قبل ما نتزادو .. الامهات ديالنا توحمو على الكبدة بجوج ...
هادية : ههههه هادشي كايعني بلي الكبدة لذيذة ماشي انا وياك خلاقينا لبعضياتنا ..
بهاء : لا ما يمكنش ..
هادية : ههههههه و لي بان ليك .. نتا تعرف ..
بهاء : الا لواه ...
هادية : (حطات يديها على خدها وتنهدات بحب) ولكن عرفتي اش ؟
بهاء : اش ؟
هادية : من نهار تواعدنا بالزواج وانا كانفكر فكيفاش غادي نكونو وحنا مزوجين !
بهاء : والحقيقة ؟
هادية : احساس حسن من لي تخايلت ... ياك بعدا ما كانحلمش ..
دار لعندها جلس حداها ... شد فيديها باسها وتبسم ..
بهاء : لا فايقين، وعايشين الحلم بجوج ...
زادت قربات ليه اكثر .. عينيها على ملامح وجهو كايدورو وكايعاودو يستقرو وسط عينيه ... تخالطو انفاسهم، الرعدة فيها و الخلعة متملكاها كثر من اي مرة قبل ولكن واعدات راسها باش تحقق ليه امنيتو وتوريه هادية لي خلاتو يذكرها فكل مرة ..
شدات فتريكوه وقربات ليه مغمضة عينيها حطات شفايفها على شفايفو مخلياه يتبسم ... جمدات فبلاصتها منين كاع ما حساتو تحرك ... وهي تحل عينيها كان كايشوف فيها وعلى شفايفو تبسيمة ...
هادية : (بارتباك) م مالك ؟
بهاء : (باس شفايفها بخفة) مخليك ديري اش بغيتي على راحتك ..
هادية : ولكن !
بهاء : (نفا براسو) ولا ما يمكنش ! بداي وكملي .. ما صعيبة غا البدية ...
هادية : ولا بهاء !
هزها بالزربة جلسها فوق رجليه وهو مدور عليها يديه ...
بهاء : ولا ا هادية .. ترخاي، خوذي نفس و سيري بلا ما تخممي ...
هادية : راه ما كانعرفش ..
بهاء : وهانا كانعلمك ..
هادية : كان ضروري زعما دابا ؟
بهاء : وايمتا ؟ ايلا ولفتيها ما غاديش تبقاي كاع
هادية : (قاطعاتو) لا كنت غادي نتعلم ..
بهاء : وهانا كانعلمك دابا النيت .. وشنو حسن من انك تبداي معلمة ...
هادية : (دوزات لسانها على شفايفها) ولكن ..
بهاء : (بلع ريقو) ولكن ما عليش نتعلمو من بعد ...
قرب ليها كثر وحط شفايفو على ديالها مخليها تبتاسم هي هاد المرة ، غمضات عينيها و رخات راسها غادية معاه فالخط ومسايراه حتى قطعها ...
بهاء : هاد المرة دازت ...
هادية : (تزنكو خدودها) هههههه واش غا نديرو النوبة !
بهاء : تبوسيني ماشي هي نبوسك ماشي تباوسنا !
هادية : (خرجات عينيها) لا والله حتى خاصنا نوضو نصليو ..
بهاء : (تبسم) واخا الالا غير كولي ونوضو ..
هادية : و مخلية البلاصة ليك ..
بهاء : كاتردي ليا الصرف !
هادية : لا ديال بالصح ما فياش الجوع ...
بهاء : تمام .. تسناي نغطي هادشي ونوضو ...
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
