#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
•~•أصبحنا وأصبح الملك لله•~•
وصبح صباح جديد ✨
نهار مميز عند البعض و روتيني عند البعض ... ولكن كاتبقى كلمة الحمدلله على كل حال فوق شفايف كلشي ...
ناعسين فحضن بعضياتهم حتى كايصوني التلفون ... دارت على جنبها، هزات التلفون وهي مخلية عينيها مسدودين ما باغاش يطير ليها النعاس، جاوبات بلا ما تشوف شكون وحطاتو على وذنيها ..
ساندية : الو !
- مادام ساندية سمحي لي ياكما فيقتك ؟
ساندية : لا ماشي مشكيل، ياك لاباس ؟
- (حنحنات) وصل السطوك اليوم وبغيت نعلمك ..
ساندية : واش دابا ولاو خدامين برشوقهم
- والله ما فهمت، يجيو وقت بغاو ويغبرو وقت بغاو
ساندية : قولهم يردوه انا ما محتاجاش ..
- واخا ..
ساندية : ولا عرفتي شنو ...
سكتات كاتخمم والثانية كاتسنى جوابها ...
ساندية : غير خوديه حتى نعيط انا و نساليو هاد الحريرة من الجدر .
- اوك مدام ..
ساندية : بلاتي شوية و ندوز ...
- okay، صباحك مبروك
ساندية : صباحك مبروك ..
قطعات وردات التلفون فبلاصتو وهي كاتنهد، عندها غير الاحد تشهات تصبح ناعسة فيه و ما خلاوهاش ... حكات عويناتها و دارت تاني مقابلة مع ارون .... تبسمات بلا هواها و زادت تنخششات فيه ..
ساندية : كان خاصني نشوفك عاد نجاوب ..
ناضت تكسلات، طبعات قبلة على خدو وجات خارجة من الفراش حتى كايوقفها صوتو المبحبح ...
ارون : زيدي وحدة اخرى ...
تبسمات ودارت كاتشوف فيه، غمزها ودور ليها خدو الثاني .. وحتى هي بلا عكز عليها رجعات لعندو و باست خدو ..
ساندية : هاكا مزيان !
ارون : شوفي نتي ...
تبسمات وحطات يديها على دقنو متبتة وجهو بشدتها ونزلات لعند شفايفو مقبلاهم بحب ...
ساندية : هاكا احسن !
ارون : (عض على شفتو وهزهز راسو) بلا قياس ...
مد يديه لعنقها كايدوز صبعو عليه مرورا بكتفها ... ونزل حتى وصل ليديها شدها وباسها .
ارون : صباح الخير
ساندية : صباح النور...
ارون : نعستي مزيان ؟
ساندية : بيخير الحمدلله، ونتا ؟
ارون : نتي حداي وما بغتينيش نعس مزيان ؟
ساندية : (تبسمات) الحمدلله .
جرها لعندو وهي كادوز يديها على صدرو ...
ارون : عيطو من الخدمة ؟
ساندية : (هزهزات راسها) اه، خاصني نمشي نشوف ديك الروينة لي داير لي ديك خونا، كايجيب السلعة بلا ما نطلبها .. ومنين نعطل عليه ما نلقاهش
ارون : مرونينك !
ساندية : بزاف ، (بعصبية) ولاو كايزيدوني الهم وصافي، شحال هادي كنت خدامة حيت انا باغا نخدم ودابا خدامة حيت هوما باغييني نخدم ... كلشي دايرينو برشوقهم وانا لي خاصني نمشي على موودهم، كون بغيت هاكا كون راني خاشية راسي فشي شركة ... او لا ؟
أنت تقرأ
LET IT SNOW (بالدارجة المغربية)
Lãng mạn#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
