#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
شاف فسيزار و بزاف ديال العتاب عندو ليه، بزاف ما يتقال و شلا هضور خاصو يسمعهم، ولكن حيت نسيبو وكبر منو عليه بالوقر يسكت و يخليها فنفسو ....
ارون : يمكن السي سيزار شاف راسو عطا لبنتو كلشي و ما خلاها محتاجة والو، ولكن هو غفل على الساس، كان خاصو يفرض عليكم احترامها ... هو لي غلط وماشي ساندي، هو لي خ*ان و هو لي شاف فمرا غير مكم ... علاش تحاسبوها هي ؟ متفهم الصدمة، ومتفهم انو صعيب تتقبلوها ولكن ماشي سمحتو لباكم، و كملتو معاه بحال ايلا حتى حاجة ما وقعات و تبردو غدايدكم فمراتي .. هي ماشي حيط قصير لي جا يزطم عليه، ما بقيتوش غادي تقدرو حتى توقفو قدامو .. فالتلفون تسمموها، و نتوما كاتشوفو فيها مقهورة كاتزيدو على ما بيها، زدتو فيه وبلا قياس، (هزهز راسو) عيقتو و نتوما محملين لوحدة بريئة ذنب هي ما عندها دخل فيه ... حتى واحد فينا ما كايختار والديه، و الملام فهادشي هوما الكبار، بغيتو ولا كرهتو راها ختكم، دمكم و دمها واحد ... كنيتكم وحدة ، و باكم واحد ، هادشي حتى واحد ما يقدر يبدلو مع الاسف ...
ساندية : (دموعها على خدها و هي مزيرة ليه على يديه خايفة لا تنوض شي مدابزة بينو و بين خوتها) ارون باركة ..
ارون : (شاف فساندية) حتى لايمتا ؟
سيزار : عندو الصح ا ساندية ، حتى لايمتا ! شبت وانا كانعاود نفس الهضرة، يمكن ايلا قالها هو بطريقتو تدخل لعقلهم ... الغلطة كانت ديالي انا .. ماشي نتي لي خاصك تحملي عواقبها.
ساندية : مسحات دموعها بكفها) واخا هكاك انا كانبقى غلطة .
سيزار : (نطق بحزم) لا، الغلطة هي خنت مر*اتي ... اما نتي كنتي احسن حاجة وقعات ليا فحياتي، (شاف فيهم و نطق بالفلبينية) انا قلبي دق لفايزة، ليلى على راسي وعيني .. مراتي و مت ولادي ولكن فايزة فقلبي حتى نموت ... كانعتارف بلي داكشي لي درت ما كايدارش و ممتن ليماكم حيت سمحات ليا وما فرتكاتش عشنا ... ولكن ما تحاسبوش بنتي فبلاصتي ... عمركم عصيتو ليا شي امر جات حتى ليها هي و عواجت الكفة، عفاكم ، ما تحملوهاش ذنب هي ما عندها حتى دخل فيه، انا سبب كلشي، انا السبب باش هي كاينة فهاد الدنيا ... انا باها، وانا لي رغبت و زاوݣت باش تتولد .. نزلت على ركابيا وطلبت فايزة ... ماشي باش تجي لهاد الدنيا و تمرمدوها .. ثلاتين عام وهي صابرة و عمرها خرجات كلام العيب...
اندرو : غادي نسكت حيت نتا مريض...
سيزار : طلب منها السماحة هي وراجلها .
ليلى : (غوتات) سيزار !
سيزار : (بحزم و صوت اعلى) ليلى ...
ليلى : (مسحات دموعها) ماشي هنتيني قدام ولادي وعيالاتهم و تزيد حتى ببكري ... ما غادي يطلب والو ...
ساندية : (بعصبية) انا لي ما بغيت والو ... ارون ياله بحالنا ...
ارون : ساندي
ساندية : (قاطعاتو بترجي) ارون عفاك .. خلينا نمشيو من هنا الموضوع خدا كبر من حجمو .. صافي على راحتهم .. (حنات راسها ليهم و لوحات لباها) نهاركم مبروك .. سمحو لينا على هاد الهضرة ..
ليلى : دابا منين تزوجتي تقدري تشوفي حياتك بعيد علينا ...
ساندية : ما غادي يفرقني عليكم غا المو*ت .. والحمدلله ما حد بابا بعمرو .. مزال غادي تشوفيني فحياتك ..
اندرو : الباب كاتعرفيها فين جات ..
أنت تقرأ
LET IT SNOW (بالدارجة المغربية)
Romans#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
