#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
شاف فيها باندهاش و بقا غير كايرمش و هي بقات محافظة على ملامحها الصارمة ... هز تلفونو قدام عينيها و دوز الخط لشي رقم و حطو فوذنيه ...
صونا التلفون فصاكها لي معلقة فكتافها، خرجاتو و شافت سميتو وهي حابسة الضحكة بالسيف، حولات انظارها بينو وبين التلفون و هزات كتافها مجاوبة ...
هادية : الو !
بهاء : (تبسم) هاه، مولات الشي فينك ..
هادية : بهاء !
بهاء : نعم ا مولات الشي، ياك نتي بعدا هادي ماشي بدلوك ليا ..
هادية : (ضحكات) وصافي ضحكنا معاك ما تهجروش لينا.
بهاء : انا تقولي ليا شكرا على المجاملة ، خديت قرن وانا كانتعلم نغازلك كيف الخلق ..
هادية : اسيدي انا ماشي كيف الخلق، انا بغيت بهاء ديالي لي كايقيل ينقط عليا بنويطاتو ، هادشي ما نافعش معاي
بهاء : ايه ما طلبتي غير الموجود
هادية : مزيان هاكا .. رتاحيت و حبيت امول الشي
قطع عليها و خنزر فيها ...
بهاء : سبحان لي خلقك، كانشوف حتى نعيا و نقول سبحان الله
هادية : مزيان، على الاقل نافعاك فشي حاجة ، مخلياك كاتسبح و تقرب من الله ، اش خصك ..
بهاء : والو !
هادية : (قربات منو و غمزات) الرضوات ...
غفلها و دور يديها على خصرها مقربها منو ... و السربايا كايشوفو ...
هادية : (بتعلتم) بهاء نعل الشيطان !
بهاء : الله ينعلو و يخزيه ...
هادية : و طلق مني ..
بهاء : تعاودي تتقلبي عليا ؟
هادية : ايلا قلبتي عليا علاش لا ...
بهاء : ياك !
هادية : ايااه ...
حنحن من وراه حبيب خلا عينيها يخرجو و فالحظة لي تشتت فيها بهاء تفكات من قبضتو و وقفات و وجها فالارض... و هو بلا ما يعقب دخل فالموضوع نيشان ..
حبيب : ساندية تعطلات قسمين ... عيطي سولي فيها.
هادية : و واخا ..
****
كايشوف فيها دبلانة ، عينيها معمرين بالدموع و لكن ما راضياش تخسر ماكياجها و نهارها ...
ارون : ماشي مجبرة ندخلو ولا نتزوجو فوضع بحال هذا !
ساندية : (نفات براسها) الا، غادي ندخلو ضاحكين، و غادي نتزوجو و نشطو مع حبابنا و منين يجي وقتنا غادي نمشيو ... شنو عندي ما ندير من غير نمشي نتسنا فالمطار ؟ والو (تنهدات و خرجات نفس مزيرها فصدرها) ارون خلينا ندوزو نهارنا كيف تمنينا و احسن، وبابا ان شاء الله غادي يولي بيخير، انا كانبكي دابا غير حيت خبا عليا وصافي، اما متأكدة و يقيني بربي عمرو خيبني ، غادي ينجيه ليا و يخرجو من العمليات بيخير و على خير ..
ارون : (طبطب على يديها) معاك فلي بغيتيها .
ساندية : ياله نمشيو غادي نشطنوهم (شافت فتلفونها لي كان كايفيبري بين يديها) هاه شفتي ها هادية بدات كاتصوني.
ارون : (باس جبهتها) نزلو ؟
ساندية : نزلو .
أنت تقرأ
LET IT SNOW (بالدارجة المغربية)
عاطفية#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
