#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
نهار على نهار كاتزيد تغرق فيه، و ما كاتقدرش تتحكم فراسها، مع هي مطلوقة مع عائلتها كاتبقا غير كاتسرسب ... و كاتفضل يعرفو اش كاين دابا حسن ما تقولها وسط شي مجمع ولا يحصلو عليها شي حاجة ما غاديش تخرج العاقبة سليمة ... بهاء ما مرة ما جوج فتح ليها المجال باش تهضر وهي كاتلقى ليها تصريفة ، بالحق سؤالو المباشر وشوفتو ليها ما قداتش تزيد تسكت ...
هزهزات راسها بمعنى واخا هاني غادي نهضر، خدات نفس استجمعات فيه شجاعتها، غمضات عينيها مزيرة عليهم ونطقات بالزربة...
ميسان : انا كانبغي حبيب !
حطات يديها بجوج على فمها وخرجات عينيها ما متيقاش اش خرجات ...
ميسان : اويلي..
بهاء : اويلي !
بنفس طريقتها نطق وهو مصدوم من شنو كايسمعو وذنيه ... بلعات ريقها و قلبها كايضرب بالجهد لدرجة قادرين يسمعوه وسط السهات لي ساد فالبيت فجأة .
ميسان : ولاد اثير سحرو لينا ! لا راه ما يمكنش انا خاصني نمشي نعس .. تصبحو على خير ..
عثمان : وقفي فبلاصتك !
جمدات فبلاصتها وهي غا تسخف بقوة الحشمة لي نزلات عليها ...
ميسان : عفاكم نساو وحتى انا غا نسا ...
عثمان : واش دخول الحمام بحال خروجو ؟
ميسان : عثمان! عفاك والله تا نسا !
عثمان : واش عارفة شنو هو البغو ولا غا مدرمة!
ميسان : (دلات شفتها التحتية طالبة على السلاك) ما عرفتش !
عثمان : وباش عرفتي راسك كاتبغيه !
ميسان : منين كانشوفو قلبي كايبقى يضرب (بلعات ريقها) و كانبقى نفكر فيه فاش كايكون بعيد .. هادشي لي كاين صافي .. ب ب بحالكم
عثمان : ا سبحان الله
ميسان : خليني نمشي ..
عثمان : (ضحك) ودابا علاش شاداك البكية ؟ شنو زعما حنا جايين من الفضاء ! جبد ابهاء ديك السمطة نعلقو حبها بيها !
ميسان : و حشمانة منكم !
عثمان : علاش ؟ (تنهد) مــا كانقدرو نتحكمو بقلبنا !
ميسان : ولكن باقي الحال
عثمان : فهادي عندك عندك الصح !
ميسان : (تنهدات) انا حاولت والله .. ولكن ما بغاش يخرج من عقلي
بهاء : حيت حنين بلا قياس ؟
ميسان : (نفات براسها) ما عرفتش ... كاع داكشي لي فيه راه مدفق عليا ... غا جيت وطحت كي ال*ح*مارة فالتبن ...
بهاء : (تبسم) فهادي عندك الصح !
ميسان : ما غا تقولو والو !
ضرب يد بيد مفقوص و حاس بالشمتة ...
بهاء : انا بغيت ليه ختو، ناضت ختي بغاتو .. (بسخرية) ما كذبوش منين قالو الغذر كايجي غير من القريب ...
ميسان : (تبسمات) بحال ايلا غذا غا نكتب عليه، راه غا مشاعر، ما كانظنش متبادلة و مع الوقت غادي تبرد وتبخر
بهاء : احسن .. حيت انا ما نقدرش نشوفك معاه و نضحك ..
عثمان : و كيما درتي ايدي تودي .. شكون لي كايقيل يغدد فيه و يغيرو ؟
بهاء : يا ريي ما يكونش داكشي (شاف فميسان) نخاف ندعي تتقبل وتولي نتي هي الجزء الثاني ديال البرتقالة المرة ... (تنهد) الله يدير لي فيها الخير
عثمان : نوصي ولا الخبار فراسك .
أنت تقرأ
LET IT SNOW (بالدارجة المغربية)
Romantik#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
