#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
تعشات العشية و جا الوقت باش تمشي هادية لخدمتها، يوقع لي يوقع ما تقدرش تتخلى عليها و لا تغيب ، حيت داك الاجواء هوما لي كايخليوها واقفة و حاسة براسها قادة تحل اي مشكيل فيك يا دنيا ... نزلات للتحت فين كان بهاء كايتسناها ، طلعات حداه و تبسمات ليه ...
هادية : هانا جيت
بهاء : (ديمارا) مرحبا بمولات الشي (قرب لعندها باس خدها) توحشتك
هادية : (تزنكات و معدتها لا اراديا دخلات و خرجات) ا دغيا لحقتي ، غير فالصبح تشاوفنا ..
بهاء : (قاطعها) هاديك شوفة و هادشي شوفة !
هادية : لواه ..
بهاء :. و الله ..
هادية : هههه واخا ممكن ندوز ليك هاد توحشتك، و لكن بلا بوسان الله يحفظك
بهاء : (بطفولية) و علاش ؟
هادية : (خرجات عينيها فيه) عيييب ..
بهاء : وايلي ..
هادية : (بنفس طريقتو) و الله
حيد السمطة و تقابل معاها ، مد يديه دارها ورا ظهرها مقربها ليه كثر و شاف ليها فعينيها...
بهاء : عاودي اش قلتي !
هادية : (بتردد) ع عيب
بهاء : (باسها ثاني) و دابا !
هادية : بهاء هدا ..
بهاء : (باسها ثاني) و دابا ، باقي ؟
هادية : (ضحكات) بهاء باركة ...
بهاء : (باسها) و غير شوفي و كان باقي عيب ..
هادية : و هنينا .. اويلي حشم ..
بهاء : واش حنا (عض على شنافتو) يعلم الله لين وصلنا و باقي كاتقولي ليا عيب ..
هادية : (بلعات ريقها حشمانة و نطقات بهمس) لين وصلنا ؟
بهاء : (بهمس حتى هو) للفراش ...
هادية : (خرجات عينيها و دارت يديها على فمها) اويلي ؟ (شافت فيه كان كايهزهز راسو و هي تنطق بتردد محاولة ترقع) و و م كنتش فوعي ساعتها و راه عيب (هزهزات راسها) منين تعقد عليا العيب و العار ايلا قلت ليك حبس
بهاء : لا ديك الساعة ماشي لخاطرك النيت ، تقوليلي حبس ننن
هادية : (قاطعاتو) ششش تهدن، مزال ما وصلنا لوالو ... من هنا لتماك حنين كريم ، اما دابا ياله نمشيو نخدمو على راسنا..
بهاء : (تنهد و خطف بوسة بالخف) واخا الالا
هادية : و باركة
بهاء : و حلوة ، لا تقاومين ..
هادية : دوخ بهاد الهضرة على شي حد ما عندوش مبادئ ..
بهاء : (بسخرية) واخا ا مولات الشي ..
هادية : مشينا ؟
بهاء : على بركة الله ...
تيسرو على الله غاديين لخدمتهم و هوما كايهضرو من هنا للهنا، باغي يخرجها من أزمتها و الصدمة لي تلقات ليها فالصبح ... و هي عارفة قصدو و مسايراه .... وصلو للاذاعة و فالدخلة تلاقاو بأيمن..
هادية : هاي، عاش من شافك !
ايمن : (سلم عليهم) خليت بلاصتي ياك !
هادية : غبرتي...
ايمن : مشنا نرغبو و نزاوكو ..
هادية : و النتيجة !
ايمن : هاني حداك بوحدي
هادية : (تبسمات) و غير صبر ، غير حاول و ما تستسلمش و ان شاء الله غادي يرجعو المياه لمجاريها
ايمن : على الله .. انا كانتمنى ..
هادية : ان شاء الله ..
بهاء : غير زيد وريها الاصرار ..
ايمن : باقي ليا غا قلبي نجبدو و نوريه ليها ..
بهاء : و لي دار الذنب يستاهل العقوبة ..
هادية : هنيه، خاصو تشجيع ايلا غير تبقا تحبط فيه بناقص..
بهاء : ياك ، دابا هو خاصو التشجيع و انا ختك خايدة تقولي سرك ...
هادية : واش ربع سنين لي تمرمردها هو هي جوج السيمانات ديالك ، كاتفلى على الوقت ؟
بهاء : بالصح عندك الصح ..
هادية : و زايدون بجوجهم غلطو واخا انا ضد الخ*يانة منين اكتاشفت بلي كانو مفارقين سرطتها ... (دارت شافت فيه كاتهضر بالشوية و هي مزيرة على سنانها زعما ما يسمعش ايمن) واش هي قلت ليك كانبغيك و نتا تقولي لا ا هادية انا غير بغيت نعلمك بلي مسافر
بهاء : صافي (ضرب على فمو) هاك ا فمي ..
هادية : و ما تبقاش تقارن و شكرا
بهاء : تبنا الى الله ...
ايمن : لهلا يخطيك اودي ا هادية
هادية : (تبسمات ليه بلباقة و شافت فبهاء مخنزرة غير بالضحك) ندخلو ؟
بهاء : (هزهز راسو) ياله الالا على انا نقدر ؟
أنت تقرأ
LET IT SNOW (بالدارجة المغربية)
Lãng mạn#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
