#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
فالجهة الثانية، حتى هوما الدنيا بدات كاتعمر فالدار عندهم من قبل صحاب واسرة هادية الصغيرة، حيت من تماك غادي تكون الانطلاقة باش يمشيو للقاعة ...
اللغا و الشطيح على برا وهي وسط البيت مع جيلو معاوناها تلبس الكسوة من بعد ما قادات لراسها ماكياج خفيف ولكن مناسب لعرسها ...
اصرت عليهم باش يخليوها بوحدها معاها حيت باغا تشوف رد فعلهم من بعد ما تكمل كلشي، تشهات دير ليهم مفاجأة وهوما خلاوها على خاطرها .
سدات جيلان السنسلة وشافت فيها بينما هادية كاتلعب بصبيعاتها مع بعضياتهم ...
جيلان : ما قاداش نهضر !
خدات نفس وهزات عينيها فالمراية، بمجرد ما لمحات راسها و ديك الصورة لي كانت متخايلة فعقلها تجسدات قدامها فالواقع ... عضات على شفتها ونطقات بتلقائية ..
هادية : جيت زوينة !
ضحكات بفرحة و قربات اكثر للمراية مركزة فتفاصيل كسوتها و ما سايعاهاش الدنيا بحال ايلا اول مرة غادي تلبسها ...
جيلان : ديال بالصح سنوايت هاربة من ديزني و واقفة قدامي ... جيتي زوينة بلا قياس (هزات قبضتها ودوزاتها قدام عينيها وفتحاتها فاللخر ديال الطريق الوهمي لي كانت راسمة فبالها ...) Bomba gibi... (مثل القنبلة)
ضحكات بافتخار ...
هادية : حتى نتي !
جيلان : واخيرا البلية فادتني فشي حاجة ... Stunning, amazing, beautiful.. شي حاجة اللخر ديال التخت !
هادية : (بمزاح) حسن من ساندية ؟
حلات عينيها على وسعهم مصدومة !
جيلان : احا !
هادية : هههههه (باست خدها) يخليك ليلي ، هكاك، ما كاينش لي حسن من ساندية ! هي فاللول وعاد انا وريا ..
جيلان : كاملات قد قد غير كلها و كفتو ..
هادية : يخليك ليلي ...
دارت ثاني كاتشوف انعكاسها فالمراية .. عاجبها راسها وفرحانة..
كي شي لوحة متكاملة ... خصوصا مع الماكياج الخفيف و الشعر لي صبغاتو ما بين الاحمر و الاورنج، جاها زوين مع لون بشرتها و الكسوة زادت كملات، كلشي جا عليها بحال ايلا دار ليها ...
كانت كسوة بيضة توبها كايلمع ... كمامها من الدونتيل من تحتهم دوبل نيود ... طوقها معري شوية مخلي عظم التروقة لي تحت عنقها يبان وهو مزيناه السنسلة لي هداها بهاء نهار زواجهم الوهمي .... مزيرة من ناحية الصدر جايا على قدها ومن الخصر للتحت منفوشة وطويلة كاتجر من وراها على بعد متر ...
جلسات فوق الكرسي وجات تهز تاجها وهي تاخدو من عندها جيلان ..
جيلان : انا نتكلف ... درتي الكثير، خلي ليا القليل ..
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
