#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
طلعات فوق الفراش وجلسات مربعة رجليها... متبعة ليه العين وهو داخل خارج من البيرو للبيت ... ما عرفات مالو ، داكشي علاش نطقات متساءلة !
ريا : تالفة ليك شي حاجة ؟
شاف فيها و تبسم ...
عثمان : لا غير كانوجد شي ملفات كنت ديتهم معاي ..
ريا : (هزهزات راسها) غا يجي وراهم بهاء ؟
عثمان : (تبسم) لا، انا لي غا نمشي نخدم ..
ريا : ولكن باقي ما سالينا ؟
عثمان : ولكن را غير انا لي غا نرجع ...
قرنات حجبانها مستغربة ..
ريا : وعلاش ؟
هي سولات فقنت وهو مجاوب فقنت اخر ...
عثمان : وشنو نبقا كاندير النهار وما طال فالدار ؟
ريا : هاء شهر العسل !
عثمان : و شكون قالك انا باغي غير شهر ... ان شاء الله حياتنا كلها عسل ..
ريا : (تبسمات) ايه واخا دوخني، علاش ما قلتيش ليا ؟
عثمان : عاد عوال ..
ريا : وايمتا راجعين ؟
عثمان : (شاف فيها و نفا براسو) راه قلت ليك انا لي غا نرجع
ريا : (علات حجبانها) ، علاش مالي انا !
عثمان : (تبسم) و صافي انا خدام لاش نتي
ريا : كيفاش لاش انا ؟
عثمان : جربي ايلا ما عجبكش الحال ولا احتاجيتي شي حاجة ما قدرتش نوفرها ليك تقدري ترجعي ..
ريا : (قرنات حجبانها) عثمان !
عثمان : الدينا ..
ريا : كاتفلى عليا !
عثمان : علاش غادي نتفلى واش قلت شي حاجة ما كاتقالش ؟
ريا : (بعصبية) بزاف كاع ... كيفاش ما ترجعيش ؟
عثمان : (ببرود مصطنع) ما بغيتش مراتي تخدم !
ريا : كنتي تقولها ليا قبل ما نكون مرتك ..
عثمان : كانت غادي تبدل شي حاجة ؟
ريا : بزاف !
علا حجبانو ونطق بلا ما يوعا ... ما كيفاش غادي يتبدل بزاف ... جوابها قلقو ..
عثمان : اهيا !
بلعات ريقها ونطقات مغلغلة ...
ريا : من نهار عرفتيني و نتا عارفني كانحلم غير بديك النهار لي يجي و نكون خدامة ... وببلاصتي ، حتى كنتي مساندني ... قلتي ليا غا تخدمي ، و زيد غا تخدمي معاي ، وهضرنا فالموضوع ما مرة ما جوج، و بالحرف قلت ليك فات الفوت كنتي تاخدها ما قارياش .. ماشي انا دوزت حياتي كلها قراية باش نخدم وتجي تقولي لا ... كثر خيرك ما قلناش محتاجة ولكن انا باغا نخدم .. (بنفس طريقتو) اش غا نبقا ندير فالدار النهار وماطال ؟
طول مدة هضرتها كاملة وهي كاتحاول ما تبكيش ... ولكن ماقدراتش ... نزلو دموعها مقهورة وحاسة بالحݣرة ....
هزات يديها مغطية وجهها خلاتو يمشي ناحيتها وهو عاقدهم ... غير جلس كحزات عليه..
عثمان : الدنيا !
دورات وجهها ونطقات بصوت مخنوق ..
ريا : عثمان عفاك خليني عليك ..
عثمان : وبلا بكا الله يرضي عليك ...
ريا : و غير بعد عليا !
عثمان : نمو*ت !
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
