#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
جالسة فالبالكون ملوية فملايتها و عقلها ماشي معاها ... كاتخمم فعثمان و حالتو ... مرة مرة كاطلل على التلفون زعما ايلا عيط واخا موحال ... غمضات عينيها و هي مكنززة منين تفكرات شنو دارت.
دق فالباب و دخل عندها ... جلس حداها و حط راسو على كتفها ...
حبيب : هادية تعطلات .
ريا : قالت غادي تعطل .. مشات تحل مشكلتها مع بهاء .
حبيب : وعلى الله، ما تبقاش مثقلة بهم ديكشي .
ريا : ان شاء الله.
حبيب : ونتي مالك ؟ عارفة بلي تقدري تقولي لي لي بغيتي وقتما بغيتي بلا ما تخممي فحتى حاجة ياك ؟
ريا : (هربات عينيها) عارفة ولكن علاش كاتسولني مالي ؟
حبيب : (شاف قدامو و هو كايلعب للوكا فراسو) ما رجعتيش مع عثمان !
ريا : (حنحنات) همم ، غير حيت كان عندو شي شغال وصافي قلت ليه نمشي بوحدي
حبيب : و هاد الشغال هو يتبعك ؟ (كمل موضح الغموض) منين نزلتي من الطاكسي كان وراك ..
ريا : (تمتمات بهمس) ما عرفتو خايف عليا ولا شاك فيا، وحتى لو من حقو .
حبيب : قلتي شي حاجة !
ريا : (بلعات غصتها) ماشي شي حاجة ضرورية ..
حبيب : تمام ... على راحتك .
بقا جالس حداها و هو عارف بلي شحال ما بقات ساكتة غادي تهضر، ماشي فضولي ولكن حالتها مأزمة وهادية ما كايناش .. ما يقدرش يخليها ترد لقلبها ... بقات ساكتة و كاتهزهز فرجليها حتى نزلو دموعها فصمت و نطقات بخفوت ....
ريا : خ خفت منو اليوم.
دار لعندها لقاها كاتبكي وحيت عارفها ما كاترضاش عاود شاف قدامو ...
حبيب : دار ليك شي حاجة؟
ريا : (مسحات دموعها و نفات براسها) عمرو ما دار ليا شي حاجة ولكن (شهقات) منين دخلنا للدار وسد الباب خفت .... تقطع فيا النفس .. ما عرفتش علاش المهم هو شكلي بان خايب قدامو ..
حبيب : (تنهد) واش كاتبززيه على راسك !
ريا : (نفات براسها) الا .. انا كانبغيه .. وباغا نتزوج بيه .. ولكن ما فهمتش شنو وقع ليا ... ولا اش كايوقع منين كايقولي ياله للدار .. ما كانتخايلش راسي انا وياه تحت سقف واحد بوحدنا ..
حبيب : باغا تزوجيه يعني غادي تكونو تحت سقف واحد و ففراش واحد
ريا : وعارفة ولكن ... (تنهدات) فاللول كنت كانتقزز حتى منين كايقرب ليا شي حد من غيرك، ولكن معاه منين عرفتو ناوي المعقول حاولت نتطلق ..
سكتات على حين غرة .. خلاتو يدور لعندها، شاف فيها و تنهد ..
حبيب : غير هضري نشوفو شواقع ! غادي ننسا شنو قلتي ليا منين نخرج من البالكون .
ريا : (بلعات ربقها) كانخليه يشد فيدي، ولا يبوس حنكي ... شوية بشوية صافي ما بقيتش كانترعد ..
حبيب : ديما المرة اللولة كاتكون صعيبة، الغلط لي درتي هي مشيتي بوحدك المرة اللولة ، سيري مع شي حد، طمني على الاوضاع و عاد من بعد جربي تمشي بوحدك، غادي تجيك صعيبة ولكن ماشي بنفس صعوبة هاد النهار ، هاكا شوية بشوية حتى تولفي .. ما يمكنش نتي عمرك مشيتي لشي دار و عمرك كنتي مع شي راجل بوحدكم فبلاصة وحدة و تجي ديري كلشي فرد مرة .
ريا : انا كانتيق فيه ولكن ما عرفتش شنو وقع دابا، خرجت كانجري من تماك بلا ما نشرح ليه شي حاجة و لا نفسر سبب هاد التغيير ... و لدابا هو ما سولش وانا ما قديتش نرسل ليه .
حبيب : (حط يديه على كتفها) ايلا قلتي ليه شنو عندك يقدر يعاونك .. هو لي غادي يواجه هادشي يعني هو لي خاصو يشوف كيفاش يتعامل ... ما تخليش شي حاجة تضغط عليك ولا تزيرك ..
ريا : ما عرفتش .
حبيب : عنداك تبقاي تهزي هم شي حاجة ثقل منك.. تعاهدتو باش تكونو بجوج فالحلوة والمرة ...
ريا : (بلعات ريقها) وايلا شك فيا ! زعما يقول خايفة حيت ديجا عشت نفس التجربة ... وهو من حقو حيت انا اصلا كرهت الرجال غا بسبب التحر*ش ولكن
حبيب : (قاطعها) واش نتي مريضة، اش هادشي كاتقولي ... تفهم هو هذاك ما تفهمش يشرب البحر ما محتاجاش تزيدي تبرري ليه ... ما يستاهلكش اصلا .
ريا : يعني كاتوقع غادي يتيق ؟
حبيب : شاكة فيه ؟
ريا : خايفة نتصدم ..
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
