#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
وقفو بجوج بيهم قد قد قدام باب الاقامة ... تقابلو مع بعضياتهم، ريا ما عارفاش سبب الزيارة و هاينة ما عارفة منين تبدا ...
هاينة : السلام !
ريا : (هزهزات راسها) وعليكم السلام.
هاينة : ب بغيتك فموضوع !
ريا : خبار الخبر
هاينة: تبغي نمشيو لشي بلاصة ؟
ريا : (هزات راسها فالبالكون ديال دارهم) ما تتقالش الهضرة وسط الدار؟
هاينة : بيني و بينك احسن !
ريا : (هزهزات راسها) تمام تسناي .
صونات فالانترفون ديال الدار و بقات كاتسنى حتى جاوبها حبيب ...
ريا : خويا انا غادي نمشي معاها ، ما تخلعوش عليا واخا !
حبيب : واش يمانا ؟
ريا : ايه ايه .. (حنحنات) هاني مشيت
حبيب : تمام ، بسلامة .
رجعات للطموبيل فتحات الباب و طلعات كاتسناها تطلع حتى هي .. و غير سدات الباب و دارت السمطة نطقات بلا ما تشوف فيها .
ريا : لين تبغينا نمشيو ؟
هاينة : فين ما بغيتي ؟
ريا : ما عرفتش انا ! غير قولي شي بلاصة بالخف نقضيو غرض و كلها يمشي لدارو
هاينة : كاتعرفي ****** ؟
ريا : (تنهدات) توء من غير
هاينة : (هزات كتافها) ما عرفتش .. ما كانخرجش بزاف داكشي علاش ما كانعرفش شي قنت من غير هذاك
ريا : واخا .
ديمارات و زادت فالسكات، الفضول واكلها و فنفس الوقت ما باغاش تبين اهتمامها ... ما مشاو غير للبلاصة لي قالت عليها هاينة، و كانت نفسها البلاصة لي قررات ريا فيها تعطي لعثمان فرصة باش يزيدو بعلاقتهم لقدام .
نزلو من السيارة واقفين مقابلين مع منظر الجبال و الخضورة ....
ريا : اهاه كانسمعك !
هاينة : (حنحنات) بغيت غذا نحضر لخطبتك !
ريا : (بعدم فهم) ايه ، راك غادي تكوني
هاينة : بصفتي ماماك ، بغيت نكون من عائلة العروسة وماشي العريس
ريا : (بدون تفكير) الا ... (تبسمات) ما يمكنش ، ما غاديش نخليك تاخدي حق ختي ... هي لي حلمات و هي لي غادي تحقق ، من غيرها ما غادي يعطيني حد ..
هاينة : (نزلو دموعها و تبسمات) كنت متوقعة يكون هذا هو جوابك
ريا : يعني منين متوقعة ؛ لاش حارجة راسك ؟
هاينة : قلت الله اعلم تكون نفسك فشي حاجة و نصدق انا حارماك منها
ريا : كان نفسي ف*أم* و حرمتيني منها ! ما بقيت بغيت والو منك ..
هاينة : عندك الصح ا بنتي
ريا : جيتي لقتيني واجدة ، العذاب الوحيد لي تعذبتيه عليا هو فاش ولدتيني من غير (نفات براسها) ما كاينش، ما عرفتش كيفاش جاتك فبالك تعطي لراسك الحق و تسولي هاد السؤال. ما فهمتش شنو كنتي كاتسناي مني ؟ (تنهدات) غير باش نوضح ليك باش ما تعاوديش تحرجي راسك مرة اخرى معاي، انا ما كانبغيكش و فنفس الوقت ما كانكرهكش ... ما كانحسش من جيهتك بحتى حاجة و ما كانشوفش بلي بيناتنا علاقة دم، نتي مرات الحاج لي تكفل بعثمان صافي ، لا اكثر ولا اقل.
هاينة : (هزهزات راسها) اللهم هادشي ولا والو
ريا : ماشي انا لي بغيت نحطك فهادشي .. (بلعات غصتها و دورات وجهها جنب مسحات دمعتها) مشينا ؟
هاينة : أهاه ياله
ريا : ياله نتيسرو على الله .
أنت تقرأ
LET IT SNOW (بالدارجة المغربية)
Любовные романы#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
