#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دقات فالباب ودخلات بكل حيوية .. باست خدو ورجعات للور واقفة ويديها ورا ظهرها ...
ميسان : مراحب !
عثمان : اهلا .. Hoşgeldiniz
ميسان : hoşbulduk (تبسمات) باقا ساعة للسونطر قلت ندوز نشوفكم و نشوف ريا ساعة قالولي. ..
عثمان : (هزهز راسو مكمل هضرتها) ما جاتش ...
ميسان : مدابزين !
عثمان : مشا خوك جيتي نتي .. لا ما مدابزينش غا ضد فيكم ..
ميسان : (تبسمات) هاد الجواب ديال اه ..
عثمان : (ضحك لا اراديا) لا حول ولا قوه الا بالله..
ميسان : ندخل بخيط بيض ..
تنهد ونطق ...
عثمان : نتوما راه ماشي ولاد العابد ، نتوما راكم ولاد نسيمة الحر ! عزيز عليكم ديرو الخير لهاد الدرجة!
ميسان : ايوا شفتي يعني مدابزين .. شواقع ؟ (غمزاتو) نقدر نحل المشكيل ايلا بغيتي
عثمان : بالسيف خاصو يكون مشكيل ؟ .. قلت ليك ما واقع و والو بغات ترتاح خليتها ترتاح ...
ميسان : (قرنات حجبانها) الله هذا كامل خاطر عندك ؟ بغات ترتاح خليتها ترتاح، بغات تمشي لدارهم ديتها !
عثمان : (هز كتافو و تنهد) خاصك دير الخاطر !
ميسان : فاللخر غا تبقا بلاش ..
عثمان : ياك !
ميسان : ما كانش عليك تديها للدار (تنهدات) انا متأكدة مليون فالمية ما تناقشتيش معاها و ما حاولتيش حتى تفهم علاش بغات تمشي ... يمكن هي قالت حاجة و قصدات حاجة .. يمكن هاد الخاطر لي درتي ماشي فصالحكم ! حنا العيالات ... (تبسمات) لا هي لي عيالات انا بنت ... المهم الجنس اللطيف عامة ما كايبغيش دير ليه الخاطر بلا قياس حيت فاللخر كلشي غا يتقلب عليك .. كان خاصك تجلس معاها و تحطو كلشي فوق الطبلة ، تقولك ديني لدارنا قولها غذا وسيري دابا عندنا مشكيل خاصنا نحلوه ... لا نتا ماشي غير ديتيها قلتي ليها ما تجيش اليوم و زدتي بعدتيها عليك .
عثمان : ياك الالا !
ميسان : (بثقة فنفس) اه اسيدي و نهار تصالحو ان شاء الله .. ايلا ما سمعتيها قالت ليك علاش ديتيني لدارنا ... نرد لابراهيم الطموبيل كاع ...
تبسم وهو كايهزهز راسو دايها على قد عقلها ...
عثمان : با با با ياختي على ثقة ..
ميسان : (ردات شعرها ورا وذنيها) غا كانبغيو نتواضعو معاكم..
عثمان : و نوضي على سلامتك هادشي اصلا ما منوش ..
ميسان : (ركزات فيه الشوفة) كديديب ...
عثمان : ههههههه لا حول
ميسان : انا ما قلتش ...
عثمان : وانا قلت !
ميسان : من حقك تخلي مشاكلك مع مراتك بعيدة، ولكن خود بنصيحتي .. راه ما جاتش بالعمر ...
عثمان : (حط يديه على خدو) و باش ؟
ميسان : بالتجربة اصاحبي ...
عثمان : ميسان 19 لعام غا الحبس لي ما دوزاتوش ياك !
ميسان : الا ويلي انا دارنا وخارجة منها بالحساب ..
عثمان : كاتقطعي فالقلب ... ونتي لي كاتقولي التجارب
ميسان : (بلعات ريقها) بغيت نقول المسلسلات ..
عثمان : (بسخرية) ميسان خانوم ..
ميسان : نعم يا بييك !
عثمان : البيرو ديال باك هو اللخر فهاد الكولوار .. حسبي الخطوات .
أنت تقرأ
LET IT SNOW (بالدارجة المغربية)
Romantik#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
