#الفـــصــل_الرابع : #باقة_حب_لا_تذبل
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
لم أكن قبل لُقياك أدري
أنَّ في الأرضِ كل هذا السرُور .
•
•
•
#بعد_مرور_سنة ✨
25/02
الايام كاتجري، و الحياة مستمرة مرات فرحانين مرات مقلقين .. عادي ماشي ديما السعادة كادق بابنا .. واصلا كون ما كان الغم و الحزن ما غاييش يحسو بطعم الفرحة ...
عام داز وماشي بزاف ديال الحوايج تبدلو ... الامور باقية كيما كانت، من غير الحب نهار على نهار كايزيد يكبر، و كريشة ريا و ساندية حتى هي كاتزيد تكبر ...
ريا دخلات فشهرها و حاضيين معاها غير ايمتا تقول جا الوقت و ساندية دخلات فالسابع ...
خرجات من الاستديو الخاص بيها، البيت لي كان خلاه بهاء خاوي ردوه استوديو، كانت عندهم نفس الفكرة و طبقوها ... ودابا ولات تلقا فاش تلهي راسها منين كايكون فالخدمة ...
نزلات للكوزينة ردات الغذا يسخن حيت قرب يوصل بهاء ... وجدات الطبلة وجلسات كاتسنى، وما هي الا قسمين وكانت سيارتو واقفة برا الدار...
تبسمات و ناضت واقفة مقابلة مع الباب باش تستقبلو ... العادة هي العادة
بهاء : هانا جيت!
هادية : مرحبا بيك ..
علق الفيست ديالو و نزل مقبلها ...
هادية : كي دازت الخدمة ؟ عييتي اليوم ؟
بهاء : الحمدلله مزيان! عثمان ربح واحد الصفقة و ان شاء الله مزال الخير فالطريق ...
هادية : الحمدلله، جات مع الكونجي ..
بهاء : و داكشي ...
غسل يديه وجلسو حدا بعضياتهم فالطبلة ... كاياكلو و يهضرو على نهارهم كيفاش داز ... واخا الروتين مكتاسح حياتهم على الجهد ما قادينش يملو من بعضياتهم ولا منو بالعكس كايعحبها تسمع تفاصيل نهارو و كايعجبو يشوفها كاتعاود و تعبر على اش دارت مع عائلتها وزادت كملات القضية ورا الحمل ديال ريا و ساندية كل شوية خارجين بمناسبة .. ها gender reveal (اكتشاف جنس المولود) ها baby shower .. مزهيين الوقت و ما كايفلتوش الفرصة باش يضحكو .. غير بينها وبينو ضروري ما يخرجو يومين فالسيمانة ليهم يخرجو فيها ولا يديرو شي حاجة من غير الخدمة ...
هادية : غا نمشي هاد العشية عند ساندية و نبات مع حبيب !
بهاء : (تنهد) عارف ... غير كانفكر بلي غاتبعدي عليا سيمانة ورا ما تولد ريا كاتشدني الدوخة !
هادية : (تبسمات) غا تبقا تجي عندي طبعا !
بهاء : وراك حداي وماساخيش بيك امولات الشي ...
هادية : (حطات راسها على كتفو) ودابا شنو ندير ؟ نسمح فيهم ؟
بهاء : ما قلتش غير خليني نعبر ...
هادية : عبر عبر ..
بهاء : غانمشي نبات فدارنا!
هادية : فينما نبغي نبات فدارنا تمشي حتى نتا ... متأكد كاتمشي لداركم ماشي كاتبتني ؟
بهاء : الدار بلا بيك خاوية ما كانقدرش نبقا فيها
هادية : كاتخاف !
بهاء : بزاف ... (باس يديها) ما كانتخايلش راسي بوحدي بلا بيك ..
هادية : (ردات ليه البوسة) وانا عمري نخليك ان شاء الله.. و ما غاديش نبقاو بوحدنا ! حتى حنا قربات نوبتنا
بهاء : عرفتي شحال قلتيها ليا من مرة ؟
هادية : و قربنا، تولد ساندية دوز 40 ديالها و ها حنا واجدين
بهاء : ما ماتش غير ربع اشهر وصافي
هادية : غير تسد عينيك تحلها تلقاها فاتت
بهاء : (تبسم) ايه دغيا دغيا ...
هادية : (طبطبات على يديه ونطقات مطمناه) دغيا دغيا ...
بهاء : (تبسم) الله يبشرك بالخير
هادية : وراه غا نبات غبر باش نتأكد بلي كلشي واجد على قبل الحفلة باقي نرجع بينما ولدات ريا
بهاء : فاي لحظة !
هادية : الله يفكها على خير .. بنتي غا تجيب ليا بنيتة ... والله حتى قلبي كايتكت على هاد الشراغيش لي غا يجيو قبل حتى ما يتزادو ... فهمنا الام كاتحس بمسؤوليتها نهار كاتحمل ولكن انا علاش كانحس بيهم مسؤوليتي ...
بهاء : حيت نتي حنينة ... و على هاد الحنية لي فيك ربي عمرو يخيبك ..
هادية : اساسا الحمدلله عمرو خيبني .. منين عطاني عائلة بحال هاديك، منين رزقني براجل بحالك .. و ان شاء الله يعطيني وليدات على قد نيتي ..
بهاء : ان شاء الله .. (باس يديها) ما تخمميش ..
هادية : نوضو نغمضو واحد الساعة بينما اذن العصر ؟
بهاء : فيك النعاس ؟
هادية : لا غير بغيت نبقا معنقاك ..
بهاء : عندي خطة احسن
أنت تقرأ
LET IT SNOW (بالدارجة المغربية)
عاطفية#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
