LET IT SNOW (بالدارجة المغربية)

(44)

#الفـــصــل_التالث : #دعيها_تثلج
#Let_It_Snow ❄️ 
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

....←←
خرجات من الباب ديال البالكون وهي تعقد حجبانها منين لمحاتو واقف وفيديه بيدو ... شمشات الريحة وحلات عينيها على وسعهم منين عرفاتها ديال المازوط .

تبسم ليها وهز يديه كايلوح ببلاهة ..

بهاء : السلام !
سعاد : ش شكون نتا ؟ واش كادير هنا ؟
بهاء : شكون انا ؟ فاعل خير ، اش كاندير ؟ (ضحك) كاندير الخير، بغيت نسيفطك لعند التويمي ديالك، قالو ليا بلي منين كايموت النص، النص لاخور كايعيش ناقص قلت ندي الاجر و الثواب خصوصا حتى فايزة لي تحطي عليها الراس ماتت .. ولاد خوك ما درتيها معاهم زوينة باش يعناو بيك ايوا قلت نحرقك، تموتي و تولي رماد ما نحتاجو ليك جنازة ولا دفين .. صافي !

هزات العود باتجاهو ... وقرنات حجبانها ..

سعاد : هادية لي رسلاتك ؟ شفتك البارح معاها ! اش بغيتي مني !
بهاء : (حيد ليها العود و تبسم) لا ما رسلاتنيش ولكن حيت شفتك لبارح تفكرت حسابي معاك وقلت نجي نفريو هاد المنامة...
سعاد : خرج عليا من داري ما تفكرني ما نتفكرك ..
بهاء : عرفتي انا فبالي شي تشاش وبغيتك توضحيه وصافي، اشنو السبب ؟
سعاد : ما قلتش السبب لولاد سعيد و باغي تسمعو نتا !
بهاء : علاش هوما جربو يشويوك ونتي حية ؟
سعاد : واش حماقيتي ؟ خرج عليا قبل ما نجمع عليك الجيران!
بهاء : (نفا براسو) يوسف السبب ؟

غير سمعات سميتو تبهرات ... بقات ساكتة وكاترمش بينما هو كمل كلامو ..

بهاء : شفتي كون صرفتو الخير فعائلتكم كون جمعكم القدر عاوتاني
سعاد : اش كاتخربق ؟
بهاء : كون عرضاتك ريا لعرسها وكون عرض العريس عمو وكنتو غادي تلاقاو تحييو الزمن الماضي وعلاش لا تجيبو لينا شي بيبي هاد المرة ! (حنحن) لا ما يمكنش ..  المهم ما كنتيش غادي تبقاي بوحدك ! لا عائلة ، لا راجل ، لا ولاد ..  شفتي العاقبة ؟
سعاد : (نزلو دموعها بوهن) اش بغيتي مني ... ؟
بهاء : بغيت نعرف السبب لي خلاك تشتتي هاد العائلة ... ما كاتشوفيش بلي يستاهلو تفسير وجواب على اسئلتهم ... بغينا نلمو الشمل و ندعيو عليكم فكل صلاة .

                                         🎞️#عودة🎞️

مسح فمو بالمنديل بعدما كمل ماكلتو وكلامو ونطق ...

بهاء : و هاكا سيدي سيداتي عرفت الحقيقة...
ميسان : كنتي ناوي تولي قت**ال ؟
بهاء : لواه ... راه كبيت المازوط فجنب الدار غير شوية باش تعطي الريحة، و تاباقي ما... المهم هو حليت اللغز لي عشرين عام وسؤالو مطروح .
هاينة : و العجب هضرات !
بهاء : فعينيها باين اليأس ... عرفات ما غا تدي لا حق لا باطل مني ... ويمكن شافت بلي صافي ما بقا ليها قد ما فات اللهم تقول اش كاين فقلبها الكحل .
هاينة : (تنهدات) سمحت لسعيد، سمحت لفايزة ولكن هي عمرها تحلم تسمعها لا حية لا ميتة ... عمري نسمح ليها فحياتي، فكل صلاة كاندعي عليها ، وفكل صدقة كاندعي عليها وفكل ليلة نعست وانا مفزݣة وسادتي كاندعي عليها .
ميسان : (عنقاتها جنب) من حقك ...
ابراهيم : لا تقهريش راسك، لي فات مات، والحمدلله على كل حال .. اللهم مظلومين ولا ظالمين
ميسان : (هزهزات راسها) بالصح ، تدعي عليها و ما يدعيوش عليك .. (باست يديها) وشوفي نص الكاس العامر ، ربي جاب ليك ولادك حتى لبين يديك، يعني باقي مخبي ليك ما حسن، (مسحات دموعها) غا يسمحو ليك، و غا يتقبلوك، و غا يعيطو ليك ماما (تبسمات وهي كاتبكي) انا عارفة بلي واخا تسمعيها مني مليون مرة ما غادي تجيك فوذنيك بحالهم بالحق ما عندك ما ديري (غمزاتها) عدي بيا .