#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
ناعسة على الركبة د ساندية و مخلياها تداعب خصلات شعرها ... بلا هواها نطقات و هي ديال بالصح عاجباها الريحة لي خارجة من الكوزينة ...
ريا : نفس الريحة ديال الاكلة المفضلة ديال هادية ..
ساندية : وراه نفسها لي كاطيب، نقولك سر
ريا : اما هو ؟
ساندية : هادية عزيزة عليها هاد الاكلة غير حيت كانت اخر حاجة كليناها من يدين خالتي ...
ريا : بالصح ؟
ساندية : كانت كاديريها باش تحس بيها قريبة ليها، حتى صافي ولات هي كلشي
ريا : و لكن, (بتردد) ياك هادية ما باغا حتى حاجة تربطها بيها
ساندية : ختك اكثر وحدة محتاجة ليها، غادي تبان ليك مقصحة راسها ، وزعما ما عطالاش عليها، ولكن هادية هي اكثر وحدة تحرمات من طفولتها و كبرات قبل وقتها .. و ما تكرهش تكون معاها ام، تحط راسها على صدرها ، تبكي و تشكي.. تفرح و تنشط .. نتوما كان عندكم الزهر حيت هي كانت قبل منكم ما خلاتكمش محتاجين و لكن هي ما لقاتش معامن ...
ريا : فهمت
ساندية : (تنهدات) ايوا وصافي، عارفة بلي نتوما واخدين موقف منها ولكن ما فيها باس تعطيو فرصة !
ريا : تقدري تعطيها لخالتي فايزة ؟
ساندية : عرفتي على فرق بيناتنا ؟ انا مي شتتات شملكم، و نتوما مكم تشتت شملها ..
ريا : واخا هكاك مك عمرها سمحات فيك و انا مي دارت حتى عيات و حاربات تا تسطات فاللخر هزات الراية البيضة و رجعات فين كانت ...
قاطع حديثهم دخول هادية كاتعكز، جلسات حداهم و بدات تنشف فشعرها بالفوطة ...
ساندية : بالصحة
هادية : الله يعطيك الصحة .. (علات راسها فالساعة و تنهدات) باقا ساعتين باش يوصل بهاء للمطار
ساندية : ايوا الله يوصلو على خير ..
هادية : خايفة عليه و الله .. ما كايعطيش الراحة لراسو، من هنا للهنا
ساندية : (تبسمات و غمزاتها) انا وبهاء سالينا قبل ما نبداو ... انا وبهاء طريقنا مسدود (ضحكات) خايفة على بهاء، باقي ليه ساعتين باش يوصل ... سبحان مبدل الاحوال ...
هادية : (بقات غير كاترمش و هي حشمانة) ما فهمتش كيفاش و لكن هادشي لي وقع، من معرفة لحب، من حب لوالو، و سير قطعنا الورقة بعيد ...
ساندية : الله يسر ليكم و يحفظكم لبعضياتكم
هادية : امين (شافت فريا) اجي نتي فين كنتي قبايلة مع عثمان ! و علاش لابس تيشورت حبيب ؟
بقات غير كادور فعينيها و هي كاتمتم حتى دخلات هاينة، و ملشي ضرب الطم ..
هاينة : نص ساعة و ها الغذا واجد .. بقات الفريت قالي حبيب هو غادي يقليها ...
ساندية : شكرا اخالتي عذبناك معانا ...
هاينة : ما كاين لا عذاب لا والو...
ساندية : عاونك ولدنا لحادك ، حافض القنات ياك ؟
هاينة : عاوني الحنين .. و هضرنا شوية ..
هادية : (بصرامة ما عاجبها حال) علاش جيتي اليوم ؟
هاينة : جيت نشوفكم !
هادية : حنا راه ماشي رويضة سوكور .
هاينة : و انا عمري شفتكم هاكا ...
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
