#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
الطريق كاملة وهوما كايهضرو، او بالاحرى هي كاتهضر وهو كايسمع ليها ... حتى وصلو لوجهتهم ... نزلو قدام باب الدار، خدا من عندها الكادو لي كانت حاطاه فوق رجليها و مد ليها مرفقو ...
بهاء : ياله امراتي ديالي
شدات فيه و تبسمات ..
هادية : هيا بنا !
دخلو للاقامة وطلعو فالمصعد نيشان حتى لعند باب دارهم ... صوناو وبقاو واقفين كايتسناو ثواني قليلة و هوما يفتحو ... كان واقف طارق و وراه انتصار .
هادية : السلام عليكم ..
انتصار : اهلا وسهلا ، مرحبا بيكم عندنا ، شرفتونا
سلمات عليها،صافحات طارق ... و دخلو وراهم للصالون ..
طارق : مرحبا بلالا هادية و السي
هادية : (تبسمات) بهاء
طارق : مرحبا بالسي بهاء عندنا
بهاء : الله يكبر بيك شكرا .
هادية : بهاء هذا طارق لي كنا خدامين انا وياه .. وهادي انتصار صاحبتي ...
بهاء : متشرفين ... و مبروك ما درتو
انتصار : الله يبارك فيك شكرا .. جلسو خودو راحتكم
هادية : اجي جلسي حدانا.. ما عندناش الوقت بزاف
انتصار : بلعاني درتيها جيتي قبل من البرنامج بساعة باش ديري السبة .
هادية : ياله خرج بهاء من الخدمة ...ماشي باش ندير السبة .
انتصار : واهاني جايا ..
طارق : دابا قوليلي علاش ما جيتيش .
هادية : كنت مرونة بشي مشاكيل غير خليها على الله ...
طارق : الله يفك ضيقتك .
هادية : امين ... كي داز داكشي ، حضرو صحابنا ؟
طارق : تحفة، عمري تخايلت عرسي غادي يدوز هكاك ... العقبة ليكم حتى نتوما
هادية : امين الله يحفظك .. بالحق ما غاديش تردو ليا الصرف .. غادي تحضرو
طارق : هذاك هو النهار الكبير نجي و نجيب عيساوة معاي .
رجعات عندهم انتصار .. حطات الصينية ...
انتصار : ونهار كبير هذا .. (شافت فبهاء) هي لي كانت السبب باش تلاقينا انا وطارق
طارق : كانت هي الفراشة لي قلبات العالم ديالنا
بهاء : بالصح ! كيفاش ؟
هادية : (تزنكات) ماشي هكاك .. غير زعما كنت مرتبطة بيهم بجوج وصافي ...
ياله بغات تهضر انتصار صونا شي حد فالباب ... جا طارق نايض وهي تحبسو .
انتصار : خليك انا غادي نشوف شكون ...
ناضت وهي كاتدعي فسرها ما يكونش هذاك لي فبالها ... فتحات و نطقات بتعلتم ..
انتصار : حا تم !
حاتم : السلام ...
جا داخل وهي تحبسو خلاتو يعقد حجبانو و ينطق ..
حاتم : ما غاديش دخليني ؟
انتصار : همم .. لا مرحبا ، غير بغيت نعلمك بلي عندنا ضياف وصافي !
حاتم : (باشمئزاز) من عائلتو ؟
انتصار : (علات حجبانها) توء ...
حاتم : ماعليش ندخل نتعرف عليهم ... دارت معاي ماما نتلاقاو هنا .
انتصار : ع علاش ؟
حاتم : انتصار مالك على هاد الاسئلة ؟ قالت ليا دي هادو لختك وسبقني عندها حتى نلحقو عليكم .
أنت تقرأ
LET IT SNOW (بالدارجة المغربية)
عاطفية#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
