#الفـــصــل_الثاني : #خريف_العشق 🍂
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
قطعات عليه و هي مشتتة ، عقلها مرون و قلبها حتى هو ... مالو كايهضر هاكا بحال ايلا كايودع ، علاش عيط تاني .. و علاش نبرة صوتو كانت شابعة حزن ... نفضات ديك الافكار من راسها و مسحات دموعها منين عيطات ليها ساندية من الكوزينة ... خواوها و عمرو الماعن ديالهم وسط الكراطن ، هزو غير الماعن لي شراو و هوما كبار ، مخليين كاع داكشي الاساسي و لي تقدر تحتاحو هي .... معولين على الرحيل قبل ما تجي سعاد ...
خرج حبيب باش يفطر ، لقا الروينة نايضة فالكوزينة ... جا راجع و هي توقفو هادية ...
هادية : فين غادي ؟ و مال عينيك ؟
حبيب : غير عيان و صافي !
هادية : ياك لاباس ؟ وليت نجي تلقاك ناعس ، ما كاتعمرش فالدار بزاف ، ما بقيناش كاع نقفلو عليك ؟ شواقع ؟ ، اشنو مرونك ؟
حبيب : والو غير مع القراية و صافي ! و الله كان عندي واحد البروجي نقادو مع الكروب ..
هادية : (صغرات عينيها فيه) متأكد ؟ هاد الايام ما عاجبنيش !
حبيب : (باس راسها) اه غير كوني هانية
هادية : و اجي تاكل ..
حبيب : غير خلي بلا ما نرونكم !
هادية : فطر شمن ! حنا سالينا اصلا ! هزينا غير حاجتنا ...
حبيب : فين وصلتو ؟
هادية : كملنا الكوزينة ! كملنا كلشي صراحة ، بقا ليا غير بيتك و صافي !
حبيب : و قاديتو امور الدار ؟
ساندية : ما عايشش معانا ؟ هادي ثلت ايام و حنا كانقلو ليها الحوايج .. تفاهمنا و تكاتبنا ...
هادية : ساندية رهنات ... رهناها على ثلت سنين بخمسطاش المليون و تفاهمنا على خمسمية فثلت اشهر ... الضو و الما خلص لي عليه و دار الماݣانة بسميتي و صافي الحمدلله ربي يسر لينا فهاد الدار
ساندية : حتى عصراتني انا
حبيب : هههههه ، اللهم يسر
هادية : و ما قلتيش ليا عحباتك بعدا ؟
حبيب : (هز كتافو) ع عادي
هادية : (تنهدات و شدات وجهو بين يديها) انا عارفة نتا ما باغيش تخوي و لكن
حبيب : (قاطعها) و ما نبغيش نخليكم بوحدكم ، فين ما كنتو انا معاكم
هادية : يرضي عليك...
حبيب : حوايجي غادي نجمعهم اليوم ...
هادية : صافي .. و انا غادي ندي الماعن للدار قبل ما نمشي للخدمة
ريا : و حنا غادي نمشيو معاك ، نحطوك و نمشيو ورا عمي سيزار ! (شافت فحبيب) تمشي معانا ؟
حبيب : ا ل ل لا غير خليني نبقا مع الواليد ..
ريا : (حطات الصينية ديال الفطور) على راحتك ...
جلس كاياكل و هو مرون ، باغي يهضر و خايف من ردة فعلهم ، كايقول غادي تجي و تمشي و يسد الموضوع بحال ايلا عمرو ما كان ، فنفس الوقت عمرو دار شي خطوة بلاا خبارهم و خايف يتقلقو، و الخوف الاكبر هو لي عندو من ناحية هادية ! ما قادرش يتوقع بتاتا رد فعلها .
تعشات العشية و علاين وصلات السبعة، لبسو البنات حوايجهم ، غادي يدوزو يحطو الماعن فالدار بالخف باش كلها يتيسر يقضي اش عندو ..
هادية : حبيب ها حنا مشينا ..
خرج من بيتو و هم الجبال مثقلو ، عنقها مزير عليها و الدموع فعينيه بحال ايلا غادي يتفارق معاها ...
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
