LET IT SNOW (بالدارجة المغربية)

(16)

#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

خرج من بيتو لي فدار الحاج و نزل عندهم للصالة فين كانو حاطين الصينية ديال اتاي و دوازو .... غير هو و بهاء و ميسان ، الحاج غادي يدير قيلولة و هاينة معاه فالبيت خايدة كاتطرز فواحد الثوب .... جلس حداهم و هي تشوف فيه ميسان بحماس ...

ميسان : هضرتي مع ريا ؟
عثمان : عيطت ...
ميسان : غا يجيو ؟ زعما على قبل غذا !
عثمان : قلت ليكم ما غاديش يبغيو ..
ميسان : هاء هاء ! علاش !
عثمان : (شاف فيها بمعنى من نيتك) كاتسوليني بحال ايلا ما عارفاش ...
بهاء : قلتي ليها الحاج لي بغا !
عثمان : قالت ليا ما كرهاتش و لكن ما تقدرش .. حيت ، فشكل تتلاقا مع خالتي بحال ايلا حتى حاجة ما كاينة ... و حيت ثاني بهاء و هادية باقيين مدابزين و واخا هادشي كامل لي يقدرو يتجاوزوه بالزز ... هادية طاحت ليوم و خاصها تعطي الراحة لرجلها و كيما كاتشوفي عندنا بزاف ديال الدروج ما غادي تقدر ..
بهاء : (قاطعو) كيفاش طاحت ؟ كي وقع ليها ؟
عثمان : تعكلات و طاحت ...
بهاء : (ناض واقف و هو متوتر و خايف) ا انا غا نمشي نشوفها ...
عثمان : ما تعيقش عليها ... خلي البنت ترتاح فعظامها ، شوفتك كاترعدها !
بهاء : (تبسم ليه) هادية كون ما بغاتنيش نكون حداها كانت غادي تعرف توضح الامور النيت ، انا متفهم بلي هي مقلقة و من حقها ، و رد فعلها هاد الساعة طبيعية جدا و كانت غادي تخلعني كثر كون تعاملات معاي عادي ...
عثمان : (هز كتافو) نتا تعرف كثر .. على راحتك ...
ميسان : نمشي معاك ؟ بليز ...
عثمان : غا نمشيو كاملين ... بلاتي غير يأذن العصر ...

جبد تلفونو من الجيب رسل لريا علمها بلي جايين ، ما عندها حتى معنى يهدفو عليهم من السما ...

***

رجعات ثاني بيناتهم و ساندية شادة فيها شوية ، حتى كايوصلها ميساج عثمان ، قراتو و شافت شحال فالساعة كانت ، باقية نص ساعة على اذان العصر ... تنهدات و شافت فهادية ...

ريا : غادي يجي عثمان يشوفك ...
هادية : الله يجيه الخير و لكن علاش قلتيها ليه ، ما عندي والو لي يحتاج تشطنيه ...
ريا : ما كنتش غادي نقولها كون ما قال ليا بلي كاينة الفكرة ديال تكون شي عراضة ... زعما الحاج كايخمم فعراضة و كذا ...
هادية : و هادشي ما خاصكش ديري فيه السبة ، شنو فيها ايلا مشيتي !
ريا : باغينا نمشيو كاملين ...
هادية : و نمشيو كاملين ! فين المشكيل ! راه الزواج هذا ا ريا ، راه عائلتو هاديك و بالسيف عليك تتعاملي معاهم ، ماشي غادي تسكني نتي وياهم و لكن راه غادي تكون عندكم علاقة ... اصلا ميسان حبابة ، بهاء حتى هو قلبو كبير و ما غاديش يقلقك وجودو و الحاج بعقلو ...
ريا : و مراتو ؟ (نفات براسها) انا ما باغاش نكون مع مراتو فبلاصة وحدة ... لا و الله ماشي انا لي بنتها نقول ليها خالتي و نسمع فربيبتها عادي كاتقول ليها ماما ....
هادية : (تنهدات) كاتبقى عائلتو ، و فالحب ضروري من التضحيات ... (شدات فيديها) قدرتي تسمحي ليها ، غادي يكون حسن ، و لا اعتابري راسك ما كاتعرفيهاش ، اصلا كون ما قلناها ليك ما كنتيش غادي تعرفيها ، عادي هي وحدة غريبة عليك ، ياك كانت عزيزة عليك قبل ما تعرفي شكون هي ، صافي اصلا هي عمرها كانت قريبة و لا ماشي غريبة باش تعتابريها شي حاجة دابا ...
ريا : عمري غادي نقدر نسمح ليها ، و وقتما شفت فيك كانزيد نحقد عليها (شدات فوجهها) حليت عيني عليك ، كبرتيني ، حنيتي فيا ، وكلتني ، دوشتي لي ، درتي كاع داكشي لي كان خاصها هي ديرو ... اش غادي نسمح ، علاش غادي نسمح ، على طفولتك لي ضيعات ؟ و لا على الكلام لي سمعنا بسبابها ! هي حتى لدابا ما دايراش مجهود تخليني نشوف فيها و نشفع ليها ، مرضتي نتي و ربيبها فسيمانة وحدة ، علاش شفتها تماك و ما شفتهاش معانا ... مات بابا قدام عينيها علاش هزات راسها و خرجات مع انو كان بامكانها تبقا و حتى حد ما غادي يعرفها و حتى حد ما غادي يآذيها ... ربع اشهر كولها من ورا ما عرفات حنا فين ما عرفاتش تعاود تدق علينا فباب دارنا و تقول انا توحشتكم ، انا ندمانة ، انا و لا انا ... الا ، ما كاين والو... علاش غادي نسمح ...
ساندية : صافي اريا تهدني ... (شدات فيديها مزيرة عليها) صافي ماشي مشكيل ، ما بغيتيش تمشي ما تمشيش من حقك ... ما كاينش لي غادي يعاتبك و لا يحاسبك ، حتى عثمان ما من حقوش يهضر ، حيت نتي غادي تديه هو و ماشي عائلتو ، كيما هو من حقو يبقا معاها مزيان حيت ما شاف منها غير الخير ، حتى نتي من حقك تكرهيها و تبعدي منها و ما تبغيش تشوفيها حيت ماشفتي منها حتى خير ... (حنحنات و مسحات دموعها) هادشي كامل ما كاينش لي يعارضك فيه و لا عليه ... واخا انا مامتافقاش مع هضرتي ...
هادية : (نطقات مكرهة) اوووه، على زمر ، غير لبارح كنا فرحانين ، غي البارح الدنيا ما كانتش سايعانا ، اوف اوف ، قنطت من هاد الحريرة ... بدلو الموضوع ...
ريا : (هزات عينيها فالساعة) و واخا ... نوض نوجد الصينية ...
ساندية : غادي يجي بوحدو ؟
ريا: (شافت فهادية) توء ، هو و ميسان و بهاء ...
هادية : (تبسمات لا اراديا) همم، من الخير ، مرحبا بيهم ..
ساندية : (لمحات اللقطة و ضحكات) و انا متأكدة غادي تحطو النقاط على الحروف غذا و لكن ماشي بالطريقة لي نتي قلتي ليا عليها ...