#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دخلات للشركة كاتجري ... طلعات فالمصعد، طللات على عثمان ما كانش فالمكتب ديالو ... تبسمات و عقلها مشا بعيد .
ميسان : نزل يتحاب .
قصدات مكتب بهاء .. كان منزل الريدوات، عارفاه ما كايهبطهم غير فاش كاتكون طالعة ليه القردة للسما ، صونا تلفونها قبل ما دق فالباب و هي تجاوبو .
ميسان : وي عزيزي ؟
بهاء : وصلتي ؟
ميسان : (فتحات الباب) وصلت ..
بهاء : ههههه سيفطتك للدار
ميسان : و هانية حتى نتا مصاب غير الصحة و السلامة
سلمات عليه وعلى عثمان لي كان جالس حداه خدامين على شي حاجة ...
عثمان : عرفتي تاخدي طاكسي بعدا !
ميسان : ما جيتش فطاكسي ...
بهاء : وفين بالسلامة ؟
ميسان : دابا انا سولت حبيب و منين عزيت عليه مسكين جابني ...
بهاء : (بعدم فهم) اش خايدة كاتروني ؟
ميسان : اش عندي ما نرون ؟ راه قلنا ليك شنو كاين ... تلاقيت بحبيب و ما خلانيش نجي بوحدي ...
بهاء : (بلع غصتو) ما قال ليك والو ؟
ميسان : شفتك ا عزيزي بغيتي دخل ليا فعظامي ..
بهاء : ميسان !
ميسان : اش عندو ما يقول انا مزاوكة ؟ قلت ليه منين ناخد طاكسي قالي ركبي نوصلك ، عارفني ماشي ديال التجرجير الله يجازيه بالخير
بهاء : (تنهد) ايه الله يجازيه بيخير ...
عثمان : جا ورا ريا ؟
ميسان : اه داكشي ...
عثمان : ولكن فين تلاقيتو ؟
ميسان : فالسونطر، دفع باش يخدم تماك
عثمان : ايه الله يسهل عليه
ميسان : امين ... (جلسات و خدات شكلاطة) ساليتو التحقيق ؟ تكملو خدمتكم دغيا باش نمشيو نتغداو راني جعت
بهاء : ما سولتيهش على هادية ؟ كي صبحات ؟
شافت فيه مطولا وهي غير كاترمش ...
بهاء : مالك ؟
ميسان : خويا شنو واقع ؟
بهاء : (بانفعال) والو، سولتك جاوبيني ... عندك ما يتقال قوليه ما عندكش قولي لا و هني السوق، شحال عزيز عليك التفلسيف
عثمان : وهي مالها حتى تلصق فيها و تبقا تفلسف عليها .
بهاء : (ناض واقف) صافي انا لي غالط ... انا غالط معاها و معاك و مع هادية ... ما كانش خاصني نسول من اصلو و ها حنا هانيبن .
عثمان : ياودي تهدن ...
هز عثمان تلفونو من فوق المكتب يقطع ليه الصوت ولكن منين لقاها ريا ... شاف فبهاء و تبسم ...
عثمان : ها حنا غادي نجيبو ليك خبار ... ونتا وليتي بحال المقطوع خاصك غا علامن ترمض فعز الظهر .
جاوب فالتلفون و بلا ما يحس غلى راسو وساعت تبسيمتو منين سمع صوتها.
ريا : هيللو ..
عثمان : السلام !
ريا : خرجت و مالقيتكش ... عرفتك غادي تكون غرقان بالخدمة داكشي لاش عيطت نقولك ربي عوين
عثمان : اللهم امين ... رتاحيتي بعدا ؟
ريا : الحمدلله بيخير ... واخا الجو مكهرب عندنا فالدار
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
