#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
خرج عثمان من المكتب حتى هو و طلعو كايتسابقو هو و بهاء فالدروج ... وقفو قد قد عند الباب قادو حوايجهم و فتحوها ...
بهاء : اهلا و سهلا..
حبيب : شكرا ..
عثمان : مرحبا بيكم ، دخلو ...
تسالمو بعضياتهم و دخلو ... تقدمو و سلمو على الحاج و هاينة و ميسان لي كانو واقفين فباب الصالة ، عادي ، الضحكة على شفايفهم و كايتصرفو معاها على اساس شي حد غريب .... كايسولو على احوال بعضياتهم و محضرين صوابهم حتى هوما ...
حبيب : مبروك عليك !
ميسان : (بعدم فهم) همم ! علاياش ؟
حبيب : (قرن حجبانو و نطق بتردد) ما شفتيش لالسيت !
ميسان : (خرجات عينيها) اوووها ! ما تقولش ليا طلعت !
حبيب : (هزهز راسو) طلعتي ، فالليست بغانسيبال ...
ميسان : حلااف ..
لا اراديا طارت عليه باستو فخدو و ترمات عليه معنقاه مخلية توازنو يختل .. و طاحو للارض بجوج و هي ما مهولاش كاتبكي بقوة الفرحة ، مخلياهم كلهم مخرجين عنيهم فيها ....
الحمدلله يا ربي (شافت فابراهيم و هي باقا شانقة على حبيب لي مسكين ما عرف راسو باش تبلا حاس براسو يزيد لقاء اخور معاها يتلاقا بملك الموت حتى هو ..
ميسان : طلعت ... تقبلت ا بابا
ابراهيم : (تبسم ليها و هو حشمان، البنت فوق منو واخدة راحتها ما عاقت براسها) ههه مبروك علينا غا نوضي على الراجل خنقتيه ...
ميسان : (شافت فحبيب و حناكها دغيا تزنݣو) س سمحلي ..
حبيب : (هزهز راسو) ماشي مشكيل ...
ميسان : الله يفرحك كيما فرحتيني ...
حبيب : و نوضي ...
ميسان : اه اه، بالصح ، عندك الصح ، نسيت راسي ..
بهاء : (نوضها بالخف و عاون حبيب باش يوقف حتى هو) لاباس ؟
حبيب : (شد فظهرو) لا لا عادي
ابراهيم : سمح لينا اولدي ، البنت عندي كاتحمس كايتقطعو ليها الفرانات ...
ساندية : (نطقات ملطفة الجو و ناقداها من الاحراج) مبروك عليك حبوبتي ..
ميسان : شكرا
ريا : (تبسمات ليها) جات خليفتي لي غادي تحضي ليا حبيب ... امانة عندك
ميسان : هههههه ان شاء الله..
هادية : مبروك ، الله يسر ليك ما صعب و يخليك ديما فرحانة
ميسان : يا ربي امين .. (غمزات بهاء) ايوا ا عزيزي ! اش درنا ..
بهاء : (ضري يد فيد) والو ، ما عندنا ما نديرو ... هانتي ها باك ، بيناتكم ، انا منين جبت الباك ما قالوش ليا تا مبروك نتي لي عوالة نشري ليك طموبيل ...
ابراهيم : نشريها لبنتي ... ياله طرطق ...
بهاء : (ميق فيهم) دابا نمشي بحالي و يبقا فيكم الحال (شاف فهادية و هي تخرج فيه عينيها) قولي ليه ا مولات الشي اش غادي يضيع من يديه !
هادية : (شافت فابراهيم لقاتو كايشوف فيها و هي تنزل عينيها الارض حشمانة) هممم ..
بهاء : (شاف فباه ثاني) غير كاتحشم ، المهم راكم غادي ضيعو من عليكم الكنز ..
ميسان : ت تصالحتو ؟ خسارة ، كان خاصك مزال تمرمديه
بهاء : اييه زيدي !
ابراهيم : تصالحتو بالصح ! هنية علينا !
هادية : (عضات على شفتها و تبسمات) ش شكرا ...
هاينة : (تدخلات و نطقات بصوت مرعود) د دخلو، ما تبقاوش واقفين ...
ميسان : ايه مرحبا الدار داركم ...
أنت تقرأ
LET IT SNOW (بالدارجة المغربية)
عاطفية#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
