#الفـــصــل_الثاني : #خريف_العشق 🍂
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
وقف عند باب الإقامة فين ساكنين ، دار شاف فميسان لي حداه و تبسم ليها ...
عثمان : جبتك تونسيني و منها النيت تتعرفي عليهم ... غادي تسكتي ، ما غادي تقولي حتى كلمة على خالتي هاينة .. تفاهمنا ؟
ميسان : (حنحنات) واخا (هزهزات راسها) كون هاني ! و لكن ..
عثمان : اشنو !
ميسان : حبيب عارف بلي ماما مرت بابا، و عارف انا خت بهاء يعني ...
عثمان : (تنهد) هادشي كامل ما فراسيش تال دابا ! واخا ا ميسان الحساب على تالي .. نزلي ...
فتح بابو و نزل منها هاز صوابو فيديه و اليد الثانية شادة فيه ميسان كاتحايل عليه ...
ميسان : ما يبقاش فيك الحال ، راه حتى نتا خبيتي عليا و هضرت معاك نهار العملية ديال بهاء و وصيتك و ما قلتي ليا والو ... و عذرتك .
عثمان : (شاف ليها باغي يضربها براس يخلطها) كاتردي الصرف دابا ؟
ميسان : هههههه الا ، و الله ما خبيت عليك غير مشات من بالي حتال دابا !
عثمان : يكون خير، مزال عندي الوقت نهضر ما حد باقي الحال ! (عاود كلامو مأكد) ما حدو مزال ما هضر خاصني انا نقول !
ميسان : يكون خير ...
صوناو فالانترفون ، و فتحات ليهم ريا الباب ، دخلو و طلعو فالمصعد ... و هو حاس بتوتر رهيب بحال ايلا غادي يخطب ماشي غا يعزي ...
صونا فباب الدار و فتح ليهم حبيب ... مبتسم و مرحب بيهم فدارهم ، سلم عليه عثمان و هو ينطق بهمس ...
حبيب : قول ليها اش كاين قبل من العشية عفاك !
عثمان : (علا حجبانو مستغرب) واخا ... ما غاديش نزيد نتعطل ..
حبيب : (هزهز راسو) مرحبا ... (سلم على ميسان) مرحبا بيكم
ميسان : شكرا ..
دخلهم للصالة و خرجات هادية من الكوزينة هي و ريا ، وقفات عليهم مرحبة بيهم ...
هادية : مرحبا بيكم ... شرفتونا ... مرحبا .
سلمات عليهم و هي كاتبسم بذبول ... باين عليها خاطرها مقصحة ...
هادية : كنت كانتمنى نتلاقاو فوقت حسن من هذا ..
عثمان : البركة فراسكم !
ميسان : الله يرحمو و يوسع عليه ..
هادية : ما مشا معاك باس ، اللهم امين ..
عثمان : هادي ميسان ... ختي .
ريا : تشرفنا بيك ..
ميسان : شرف ليا ، (زيرات على يد هادية) عرفتي مؤخرا وليت مدمنة عليك .. تبارك الله فمك كاينقط بالعسل !
هادية : شكرا حبوبتي ، شرف ليلي. .
ميسان : (سلمات على ريا) كنت متحمسة نتلاقا بيك ... عثمان كايقيل يهضر عليك ، راه ما يمكنش ... و ما تخيلتش تكوني كات(بلعات ريقها مبدلة الكلمة فاخر لحظة) كاتفتني بالزين لهاد الدرجة
ريا : بارك الله فيك، شرفت بيك حتى انا ... عثمان عاود ليا عليك و على بهاء ، على عمي ابراهيم و خالتي هاينة ، واخا باقي ما تلاقيت بيهم دخلو لقلبي غير بالتعاويد ديالو .
هادية : (علات حجبانها) هاينة ؟
ميسان : مرات بابا ، هي لي رباتنا كاملين ..
هادية : (تبسمات ليها) فهمت ، الله يحفظها ليكم
ميسان : امين ..
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
