The Land of Miracles ((အံ့ဖွယ်များနှင့် နယ်မြေ))

Chapter 17+18

Chapter 17 : Holy City ...
((မြင့်မြတ်သောမြို့တော်...))
((သူတော်စင်မြို့တော်...))

မှော်နယ်မြေ ၏ အရှေ့မြောက် ၊ မြင့်မြတ်နယ်မြေ ၏ အနောက်တောင် ၊ မိစ္ဆာနယ်မြေ ၏ အရှေ့တောင် ဖက်တွင် ပင်လယ်ကြီးတစ်ခုရှိ၏... ထိုပင်လယ်ကြီးကို နယ်မြေ(၃)ခုနယ်နိမိတ်ပင်လယ် ဟု ခေါ်ဆိုကြသည်...
လက်တွေ့မှာတော့ ထိုပင်လယ်ဟာ အဆုံးမဲ့ပင်လယ်ပြာကြီးရဲ့ တစ်စိတ်တစ်ပိုင်းသာ ဖြစ်ပေမဲ့ သူ့ပတ်ပတ်လည်တွင် နယ်မြေ(၃)ခုက ဝန်းရံထားပြီး ကုန်းတွင်းပင်လယ်လို ပုံစံပေါက်နေသည်မို့ ပင်လယ်တစ်စင်းအဖြစ် နာမည်ခွဲထွက်လာခဲ့ခြင်းဖြစ်၏...

နယ်မြေ(၃)ခုနယ်နိမိတ်ပင်လယ် ဟာ အဆုံးမဲ့ပင်လယ်ပြာကြီးလောက် လှိုင်းမထန်သလို သူ့ရဲ့ရေပြင်ဟာလည်း ထိစပ်နေသော ကုန်းမြေတွေကြောင့် အရောင်တွေစုံလို့နေသည်... သူ့ကို အရောင်အစုံဆုံး ပင်လယ်ဟုလည်း သမုတ်ကြသေးသည်...

ထိုပင်လယ်၏ အလယ်တဲ့တဲ့တွင် ကျွန်းကြီး တစ်ခုတည်ရှိပြီး ထိုကျွန်းကို မြင့်မြတ်သောကျွန်းဟု ခေါ်ဆိုသည်...
ထိုကျွန်းသည် နယ်မြေ (၃)ခုအလယ်တဲ့တဲ့တွင်တည်ရှိနေသောလည်း မြင့်မြတ်သောကျွန်း ဟု အမည်တွင်ခံထားရသည်က အနည်းငယ်ထူးဆန်းတယ်ဟုထင်ကောင်းထင်နေလိမ့်မည်...

မြင့်မြတ်သည့်နယ်မြေရှိ လူသားတို့သည် မိစ္ဆာနှင့် နတ်သူငယ်/သားရဲ တို့ပေါင်းစပ်ရာမှ ဖြစ်တည်လာကြသည်ဟု ယုံတမ်းရှိခဲ့သည့်အလျောက် မြင့်မြတ်သည့်နယ်မြေကို အင်အားကြီးမားသော မိစ္ဆာနယ်မြေက နောက်ကွယ်ကနေ အထောက်အပံ့ပြုထားပေး၏ ... မိစ္ဆာတွေအနေနဲ့ ကျွန်းလေးတစ်ကျွန်းကို မျက်စိထဲတောင် မထဲ့ ၊ မလိုချင် သလို မှော်နယ်မြေသည်လည်း လူသားနယ်မြေတစ်ခုဖြစ်ပေမဲ့ မိစ္ဆာတို့ရဲ့ ကျောထောက်နောက်ခံရထားသော မြင့်မြတ်နယ်မြေကို မယှဉ်နိုင် ...
ဒါကြောင့်ပဲ နယ်မြေ(၃)ခု ရဲ့ အလယ်တဲ့တဲ့မှာ ရှိသော ကျွန်းလေးကို မြင့်မြတ်နယ်မြေ က အပိုင်စားရသွားပြီး မြင့်မြတ်သောကျွန်း ဟု ခေါ်တွင်စေခဲ့ခြင်းဖြစ်သည်...

မြင့်မြတ်သောကျွန်း တွင် ရှားပါးတွင်းထွက်ပစ္စည်းတွေ မထွက်ပေမဲ့လို့ ပတ်ဝန်းကျင်ရှူခင်း က သိပ်ကိုလှပ၏..
ထို့ကြောင့်လည်း ထိုကျွန်းကို မိစ္ဆာနယ်မြေ မှ တော်ဝင်မျိုးနွယ် ၊ ဂုဏ်သရေရှိကြေးရတက် တချို့အပန်းဖြေခရီးအဖြစ် လာတတ်ကြတယ်...