Chapter 75/76 : Queen of Red Treasure ...
အနီရောင် ရတနာ ဘုရင်မ ...
Queen of HongBao ...
ဟုန်ပေါင် ဘုရင်မ ...
ယုံကြည်စိတ်ချဖို့ နဲနဲလေးမှမကောင်းတဲ့ ပုလဲ !!
အမြဲ အလုပ် လုပ်ချင် ၊ ဆက်နွယ်ပေးချင်နေတဲ့ ပုလဲက အရေးနဲ့အကြောင်းနဲ့ အသက်အန္တရာယ်နီးနေပါပြီဆိုတဲ့အချိန်ရောက်မှ အလုပ် မလုပ်တော့ဖူးတဲ့ !!! ကောင်းကြသေးရဲ့လား !?
လုံးဝကို ယုံကြည်အားထားလို့မရတဲ့ ရှေးဟောင်းအမွေအနှစ် မှော်ပစ္စည်းကြီးပါပဲ !! မယုံကြည်ရတဲ့နေရာမှာ သူက လုံးဝကို စံပြနော်!!
ဖာ့ဟွားနှင့်လန်ကော ရင်ထဲမှာ မျက်ရည်မိုးတွေ တဖြိုင်ဖြိုင်ရွာနေပြီဖြစ်သည် ... သူတို့ဘယ်လိုမှ ပြေးလွတ်မလွတ်နိုင်တော့ဖူးလေ !!
တုနှိုင်းမဲ့ပုလဲဆိုတဲ့ဟာကလေ ... သူများနှလုံးကို သွားလုချင်တာလည်း သူ ! ဘာမပြောညာမပြော စားပစ်တာလည်း သူ ! အခုကျတော့ သေချင်ယောင်ဆောင်နေသတဲ့ !!
"ဟိုလေ ... မိန်းမလှလေး ... ကျွန်တော်တို့ကို စကားနဲနဲလောက်ပြောခွင့်ပြုနိုင်မလားဟင်?"
လန်ကော ချောင်းခြောက်တစ်ချက်ဖျစ်ညစ်ကာဟန့်ရင်း ကို့ရို့ကားယားနိုင်စွါ စကားစမိတော့ ရေခဲတမျှအေးစက်နေသော အကြည့်တွေ သူ့ထံဒိုင်းကနဲရောက်ချလာချိန် ၊ သူတုပ်တုပ်မျှတောင် မလှုပ်ရဲတော့ ...
အနီရောင်ဆံရှည်နှင့်မိန်းမလှလေးက အေးစက်စက်လေသံဖြင့် -
"ပြော"
လန်ကော အပြုံးတစ်ပွင့်ကို ဆင်ထားရင်း -
"ကျွန်တော်တို့ မမိတ်ဆက်ရသေးဖူးနော် ... နာမည်ဘယ်လိုခေါ်သလဲဗျ?"
သူက ကြင်နာတရားအပြည့်နဲ့ သူတစ်ယောက်ဖြစ်တာမို့ သေခါနီးအချိန်မှာ စိတ်ကိုလွှတ်ချထားလိုက်တော့တယ် ...
"အနီရောင်ဘုရင်မ"
<ဟုန်ပေါင်ဘုရင်မ>
အနီရောင်မိန်းမလှလေးက လန်ကောရဲ့မေးခွန်းကို တကယ်ကြီး အတည်အတံ့ပြန်ဖြေလာတယ် ..
သူမရဲ့အဖြေစကားက အားတင်းပြုံးထားရသည့် လန်ကောရဲ့ အပြုံးတွေ ကို ယိုင်နဲ့နဲ့ ဖြစ်သွားစေသည် ...
သူမကတကယ်ကြီး ပုရွတ်ဆိတ်မျိုးနွယ်စုရဲ့ ဘုရင်မ ဖြစ်နေတာပဲ !
အပြန်အလှန်စကားတစ်ခွန်းပြောပြီးသည့်အချိန် လန်ကော ခေါင်းထဲ အတွေးတစ်ခုဝင်လာကာ ၊ သတိကြီးကြီးထားပြီး -
"အရှင်ဘုရင်မ ခင်ဗျာ ... အရှင့်ရဲ့စွမ်းအားနဲ့တောင် နှလုံးသား ဘယ်မှာရှိနေတယ်ဆိုတာကို ခံစားလို့မရဖြစ်နေတာပါလားခင်ဗျ?"
နှစ်ဖက်ရဲ့အင်အားက မိုးနဲ့မြေလိုကွာနေတဲ့အချိန်မှာ ... အကယ်၍သာ နှလုံးသား က ဖာ့ဟွားနှင့်သူ့ကိုယ်ထဲမှာ ရှိနေကြောင်းကို ဘုရင်မ ခံစားမိနေပါက သူတို့နှစ်ယောက်ကို တစစီဆွဲဖြဲပြီးပြီပေါ့ ...
အခုလို အချိန်ပေးပြီး စစ်မေးနေပုံထောက်ရင် ဘုရင်မကိုယ်တိုင်လည်း သူမနှလုံးသား ဘယ်ရောက်နေမှန်း အတိအကျ မသိနေလို့ပဲ !
တုနှိုင်းမဲ့ပုလဲ တည်ရှိမှုကို သူမအာရုံမခံနိုင်ဖူးပဲ !
YOU ARE READING
The Land of Miracles ((အံ့ဖွယ်များနှင့် နယ်မြေ))
FantasyTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
