Chapter 47 : What the hell are they all?
"ဟိုင်း"
ထျန်းဟွေ့ရူရှီ လန်ကော ရှေ့မှာရပ်ကာ ခေါင်းအသာညွတ်အရိုအသေပြုပြီး ယဉ်ကျေးသည့်အမူအရာအပြည့်ဖြင့် နှုတ်ဆက်လာတော့ ...
လန်ကော တုံ့ဆိုင်းခြင်းမရှိ...
"ဟိုင်း!!"
ထျန်းဟွေ့ရူရှီ က ရှင်းယွမ် ကြိုတင်ပြောပြထားသည့် အရည်အချင်းရှိသော မိန်းမလှလေး ၊ အသက်၂၃နှင့် အဆင့်-၇ ရောက်နေပြီဖြစ်သည့် မိန်းမပျိုလေးဆိုသူဖြစ်သည် ... သူမ မှာ နောက်ခံအာဏာ ၊ အိမ်တော်ဟူ၍ မရှိပေမဲ့ သူမဟာ ပါရမီရှင်တွေထဲက တစ်ယောက်... အလင်းမြို့တော်မှာဆိုလျှင် သူမကို - အလင်းသူတော်စင်မိန်းမပျိုလေး လို့တောင် တင်စားခေါ်ဝေါ်ကြသေး၏..
ထျန်းဟွေ့ရူရှီ အပြုံးတစ်ခုကိုဆင်မြန်းထားလျက် -
"မေးခွန်းမေးနိုင်ပါပြီရှင်"
လန်ကော အနဲငယ်စဉ်းစားပြီးမှ -
"မင်းမှာ ချစ်သူကောင်လေးရှိခဲ့ဖူးလား?"
ရူရှီ ခေါင်းယမ်းပြပြီး -
"မရှိဖူးပါဘူး"
"ဒီကြင်ယာရွေးပွဲကို မင်းကိုယ်တိုင် လာတက်ချင်လိူ့ တက်ခဲ့တာလား?"
"ဟုတ်ပါတယ်"
"ဒါဖြင့်ရင် ... မင်း ငါ့ကို နှစ်သက်တယ်ပေါ့?"
လန်ကောရဲ့နောက်ဆုံးမေးခွန်းက ဒဲ့တိုးဆန်တယ်..
ရူရှီ ခေါင်းကိုယမ်းပြပြီး -
"ကျမ မသိတတ်ဖူးရယ်"
မသိတတ်ဖူး??
သူမရဲ့အဖြေစကားက လန်ကော ကို ကြောင်သွားစေ၏..
ရူရှီ ပြုံးလျက်ပင် -
"ကျမရဲ့ ခင်ပွန်းလောင်းဖြစ်လာရမဲ့သူက သန်မာရမယ် ၊ ကျမရဲ့အထက်မှာ အမြဲရှိနေနိုင်တဲ့သူ ၊ ကျမ က ကြည်ညိုကိုးစားတဲ့သူ ဖြစ်နေရမယ် .. တစ်နေ့မှာ ကျမတို့နှစ်ယောက် ကမ္ဘာကြီးရဲ့ထိပ် ၊ မျိုးနွယ်အားလုံးရဲ့ထိပ်မှာ ရောက်နေရမယ်! ကျမနဲ့အတူ မခွဲမခွါ တစ်သက်လုံး အတူရှိနေနိုင်မဲ့သူဖြစ်ရမယ်... ဒါက ကျမစိတ်ကူးထဲက ကျမလိုချင်တဲ့ ခင်ပွန်းလောင်းမျိုးပါရှင်"
လန်ကော နှုတ်ခမ်းတွေ လှုပ်ရွသွားပြီး -
"မင်းစိတ်ကူးထဲကအတိုင်းလိုချင်တာဆိုရင်တော့ .. အဲ့ဒီလူက ငါတော့ လုံးဝမဖြစ်နိုင်ဖူး ..' ပိုင်ယွဲ့ရှန်ချန်း ပဲ ကွက်တိကျလိမ့်မယ်"
အိုင်း ... ပြိုင်ဖက်ကလည်း ဖြစ်မဲ့ဖြစ်တော့ အမှောင်သခင်ရဲ့သားတော်တဲ့! ကောင်းကြသေးရဲ့လား??!!
KAMU SEDANG MEMBACA
The Land of Miracles ((အံ့ဖွယ်များနှင့် နယ်မြေ))
FantasiTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
