The Land of Miracles ((အံ့ဖွယ်များနှင့် နယ်မြေ))

Chapter 45+46

Chapter 45 : The Statue of Liberty...
လေဘာတီရုပ်ထု a.k.a လွတ်လပ်ရေးမိခင် ...

လန်ကော က ကတိစကားတည်သူတစ်ယောက်မို့ သူ့မယ်တော်ကို ပေးထားသည့်ကတိအတိုင်း ပွဲသွားတက်မည်!!

ရိုးရိုးသားသားပြောရကြေးဆိုရင်တော့... ကတိကြောင့်ဆိုတာထပ် ကြင်ယာရွေးပွဲကို သူသာ သွားမတက်ခဲ့ရင် ရှင်းယွမ်က သူ့ကို မရရအောင်ရှာပြီး ပွဲကို ဂုတ်ကနေဆွဲပြီးတက်ခိုင်းမှာ အသေအချာပဲမို့...

အဆင့်-၇ ... ဘာလို့ အဆင့်-၇ ရောက်ဖို့ ခက်ခဲနေရတာလဲ!? လန်ကော ထိုင်ရာမှထကာ မရှိသည့်ဖုန်သဲ တချို့ကို ခါချပြီး တောင်ပေါ်ကနေ စိတ်ပျက်လက်ပျက် ဆင်းခဲ့၏...

..

မိုးကြိုးမြို့တော်တွင် အလွန်စည်ကားနေသည့် နေ့တစ်နေ့ ...
လမ်းကြိုလမ်းကြားပါမကျန် လူတိုင်းနှုတ်ဖျားမှာ ရေပန်းစားနေသည်က ဘုရင့်သားတော် ကြင်ယာရွေးမည့်အကြောင်း ...
ပိုစိတ်ဝင်စားဖို့ကောင်းသည့်တစ်ချက်က - ကြင်ယာရွေးပွဲတွင် နောက်ခံမိသားစုအရှိန်အဝါတွေကိုကြည့်မည်မဟုတ် ၊ မည့်သည့်မိန်းမပျိုမဆို ဝင်ရောက်ယှဉ်ပြိုင်နိုင်သည်...

လွန်ခဲ့တဲ့ (၃)လအတွင်း ရှင်းယွမ် က အေးဆေးငြိမ်နေခဲ့ခြင်းလုံးဝမဟုတ်...
နိုင်ငံအနှံ့မှ ဝင်ရောက်အရွေးခံမည့် မိန်းမပျိုလေးတွေကို ပထမအဆင့် စာမေးပွဲပင် သူမ စစ်ခဲ့တယ်...
တစ်မြို့ဝင်တစ်မြို့ထွက် သင့်တော်မဲ့သူ လိုက်ရှာဖွေခြင်းထပ် မိန်းမပျိုလေးတွေကို သူမ နန်းတော်ဆီအကုန်ဖိတ်ခေါ်ပြီး စာမေးပွဲကျင်းပပေးလိုက်ခြင်းက ပိုမြန်ဆန်လွယ်ကူမည်...
အသက် ၁၈ နှစ် နှင့် ၂၃ နှစ်ကြား မိန်းမပျိုတိုင်း ဝင်ရောက်ယှဉ်ပြိုင်ခွင့်ရှိပြီး စာမေးပွဲတွင် ရေးဖြေ ၊ နှုတ်ဖြေ ၊ အရည်အချင်းပြ စာမေးပွဲတွေပါမည်ဖြစ်ပြီး အဆင့်ဆင့်တွင် အောင်မှတ်ကျော်ခဲ့တဲ့ သူတွေသာ နောက်ဆုံးဖိုင်နယ်အဖြစ် ရှင်းယွမ် ကိူယ်တိုင် စိစစ်ရွေးချယ်ကာ စကာတင် အယောက် ၆၀ ကို စစ်ထုတ်ခဲ့တယ်...

ရှင်းယွမ် ရဲ့ ခမ်းနားသည့်အစီအစဉ် ဖြင့် ပွဲကျင်းပမှု ၊ လန်ကောသည် မင်းသားတစ်ပါးဖြစ်ရုံမက နယ်မြေ(၃)ခုပြိုင်ပွဲတွင်လည်း ချန်ပီယံ ဖြစ်ခဲ့သူ ၊ ခန္ဓာကိုယ်ချို့တဲ့နေသည့် မိဘမဲ့ကလေးများစွါကို ကယ်တင်ပြီးမျှော်လင့်ခြင်းဂေဟာ တည်ထောင်ခဲ့သူ... ဂုဏ်ပုဒ်များစွါတို့ကြောင့် အပြာရောင်နယ်မြေတစ်ခုလုံး လန်ကောရဲ့ကြင်ယာရွေးပွဲအတွက် အုတ်အုတ်ကြတ်ကြတ် ဖြစ်လို့နေတယ်...