Chapter 61 : Inland Sea, Outer Sea...
အတွင်းပင်လယ် ၊ အပြင်ပင်လယ်
တစ်ခါတစ်ရံမှာ မိတ်ဆွေဖွဲ့နိုင်မှုက ရုတ်တရက်ဖြစ်ပေါ်လာပြီး အကျိုးရလဒ်တွေလည်းရှိလာတတ်ပြီး
တချို့များဆို တစ်ယောက်နဲ့တစ်ယောက် အကြည့်ချင်းဆုံမိတာနဲ့ ခင်မင်ချင်စိတ်တွေတဖွားဖွားပေါ်ပေါက်လာတာမျိုးတွေတောင်ရှိကြတယ်...
ဖာ့ဟွားနှင့်လန်ကော ... ရှုဟိုင်မျိုးနွယ်စုရဲ့ ဂုဏ်သရေရှိမိတ်ဆွေတွေအဖြစ် အသိအမှတ်ပြုခံလိုက်ရခြင်းဟာ အချိန်ကိုက်ပဲ !
အကြီးအကဲ ရှူရွှမ်း ရဲ့ကြေညာသံအဆုံး ပတ်ပတ်လည်ရှိ ရှူဟိုင်မျိုးနွယ်တွေဝိုင်းဝန်းဩဘာပေး ချီးမြှောက်ကြတယ် ...
ကလေးငယ်ကိစ္စနှင့်ပတ်သက်ပြီး အပြင်သူစိမ်းဖြစ်သည့် လန်ကော နှင့် ဖာ့ဟွား ကို ရန်လိုနေခဲ့သည့် အဖွဲ့သည် ပြေပြေလည်လည်ပဲ ထောက်ခံပေးကြသည့်အပြင် ဒေါသအကြီးဆုံးရှူဟိုင်အမျိုးသားသည် ရှက်ရွံ့နေသည့်ဟန် ခရင်းခွတွေနှင့်သူ့နားရွက်ကို ခပ်ဖွဖွပွတ်နေရင်း -
"ကျေးဇူးတင်ပါတယ်... ကျွန်တော်တကယ်ကျေးဇူးတင်ပါတယ်...ရှောင်ရှူလင်လေးက ကျွန်တော့်သားလေးမို့... ကူညီပေးတာ ကျေးဇူးအများကြီးတင်ပါတယ်...ဟို ... ဒါနဲ့လေ ... အကြီးအကဲ ရှူရွှမ်းခဗျ ...ဟီဟီး ... ကျွန်တော့်သားလေးက ဒီအရွယ်နဲ့ အဆင့်-၂ ရောက်သွားပြီဆိုတော့ သူက ပါရမီရှင်ကလေးတစ်ယောက်ဖြစ်ပြီမဟုတ်လား? ဟဲဟဲ"
ရှူဟိုင်အမျိုးသားသည် ပါးစပ်နှင့်နားရွက်တက်ချိတ်မတတ် တဟီးဟီး တဟဲဟဲ နှင့် အူမြူးနေတော့သည်...
အကြီးအကဲရှူရွှမ်းက -
"အမှန်ပဲပေါ့ ... ဒါက လူလုပ်ဖန်တီးလိုက်တဲ့အရာဖြစ်တာမို့ ရှောင်ရှူလင်လေးက ဖန်တီးခံ ပါရမီရှင်လေး ပေါ့... ရှေ့လျှောက် ငါတို့ရှူဟိုင်မျိုးနွယ်ရဲ့ ကလေးတွေကို ဒီက ဂုဏ်သရေရှိဧည့်သည်တော်နှစ်ယောက်သာ ဆက်ကူညီပေးနိုင်ရင် ဖန်တီးခံ ပါရမီရှင်လေးတွေ တန်းစီ ထွက်လာပြီပဲ!"
"ဟားဟားဟား"
ရှူဟိုင်အမျိုးသားသည် အားပါးတရအော်ရီရုံမျှမက ကပါကလိုက်သေး၏...
ဖာ့ဟွားနှင့်လန်ကော အတွက်တော့ - ရှောင်ရှူလင်လေး က ဘာကြောင့် ပါရမီရှင်ကလေးတစ်ယောက် ဖြစ်သွားရတာလဲဆိုတာ နားမလည်နိုင်ကြပေမဲ့ ... ဒီအခြေအနေကသူတို့အတွက်ကောင်းဖို့ ဖြစ်လာတာမို့ အသံတိတ်နေလိုက်ကြသည်...
KAMU SEDANG MEMBACA
The Land of Miracles ((အံ့ဖွယ်များနှင့် နယ်မြေ))
FantasiTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
