Unicode
Chapter 146 : Field...
စက်ကွင်းထောင်ခြောက်...
လန်ကော ဘာကြောင့်အရောင်အဝါတွေပြောင်းလဲတောက်ပနေရတာလဲဆိုတာကို ကြယ်နတ်ဘုရားဖြစ်တဲ့ ထျန်းမိုယဲ့မင် သေချာပေါက် သိတယ် ... ဒါက စွမ်းအင်ဥပဒေ ကို ထိတွေ့နိုင်သွားတဲ့လူတိုင်း ဖြစ်လာမဲ့ တိုးတက်ပြောင်းလဲမှုပဲ ...
သေးနုပ်တဲ့လူသား က ဘယ်အချိန်တုန်းကများ ဒီအဆင့်ထိရောက်အောင် ကျင့်ကြံနိုင်သွားရတာလဲ?
တုနှိုင်းမဲ့ပုလဲအစွမ်းကြောင့်များလား??
ထျန်းမိုယဲ့မင် ပေါ်လာသည့်အတွေးနှင့်အတူ -
"မင်းမှာ ပုလဲကို ထုတ်ပေးလိုက်ဖို့ကလွဲပြီး တခြား ရွေးစရာမရှိဖူး"
လန်ကော ပုခုံးတွန့်ပြလျက် -
"ငါက ဒီပုလဲကိုသိမ်းထားချင်နေတယ်လို့ မင်းထင်နေလား?"
ထျန်းမိုယဲ့မင် ခေါင်းရှုပ်သွားရတယ်..
ထိုအချိန်သူမရဲ့အနောက်မှာ တိမ်စိုင်တိမ်မည်းတွေထပ်ရောက်လာပြီး လေထုထဲမှာ ဖိအားတွေလည်း တိုးလာတယါ !
ကပ္ပတိန် (၅)ယောက် သာမက လန်ကော ပင် တစ်စုံတစ်ခုက သူတို့ကို ဖိနှိပ်ချလိုက်သလို ခံစားရကာ မြေပြင်ပေါ်သို့ အတုံးအရုံးပြုတ်ကျလာကြ၏ ...
"အချိန်တွေမဖြုန်းစမ်းနဲ့"
ဩရှရှ အာဏာပြင်းလှသည့် အသံတစ်ခုက ထိုတိမ်မည်းတွေကြားကနေထွက်ပေါ်လာတော့ ထျန်းမိုယဲ့မင် အနောက်ကိုလှည့်ကာ ရိုသေစွါ ဦးညွတ်၏ ..
မြေပြင်ပေါ်ပြုတ်ကျကာ အရှိန်အဝါတွေဖိနှိပ်ခြင်းခံထားရသည့် လန်ကော ကို သူမ ငုံ့ကြည့်ပြီး -
"ကြားတယ်မလား? မင်းတို့လူသားတွေဆိုတာ ငါတို့အတွက် ပုရွတ်ဆိတ်အဆင့်သာသာပဲရှိတယ်... မင်းတို့ကို သတ်ပစ်ဖို့ဆိုတာ ငါတို့အတွက် အဓိပ္ပါယ်မရှိနေဖူး.. တုနှိုင်းမဲ့ပုလဲ ကို ထုတ်ပေးလိုက်တော့ . မဟုတ်ရင် စက္ကန့်ပိုင်းအတွင်း မင်းသေရမယ်"
လန်ကော မျက်နှာက မဲမှောင်လို့နေ၏ .. ဖိထားသည့် ဖိအားက ကြီးမားလွန်းလို့ သေခြင်းတရားနှင့်ပင် ထိတွေ့နေပြီဟု သူမြင်ယောင်လာမိသည့်အထိ !
လနတ်ဘုရားအဆင့် ဖြစ်သည့် အနီရောင်ဘုရင်မ နဲ့ သူရင်ဆိုင်ခဲ့ဖူးပါတယ် .. ဒါပေမဲ့ အနီရောင်ဘုရင်မဆီကထွက်လာတဲ့ ဖိအားအရှိန်အဝါ က ပြင်းထန်ပေမဲ့ ၊ အခုလို မိူးပြိုကျလာသကဲ့သို့ ပြင်းထန်သည့်ဖိအားမျိုးမဟုတ်ခဲ့ဖူး ...
ဂြိုလ်ကြီးတစ်ခုလုံး စိစိညက်ညက်ကြေအောင် ချေမွခံရပြီး ထိုအထဲမှာ သူက အမှုန့်အဖြစ် လွင့်သွားတော့မည်ဟုတောင် ထင်လာမိသည်...
STAI LEGGENDO
The Land of Miracles ((အံ့ဖွယ်များနှင့် နယ်မြေ))
FantasyTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
