The Land of Miracles ((အံ့ဖွယ်များနှင့် နယ်မြေ))

Chapter 25+26

Chapter 25 : The Son of Darkness...

အမှောင်သခင်ရဲ့ သားတော် နှင့်ပတ်သတ်ပြီး ဒဏ္ဍာရီတွေအများကြီးပေါ်ထွက်ခဲ့တယ်... အပြာရောင်နယ်မြေမှာတင်မက လူသားနယ်မြေ (၃)ခုစလုံးမှာ ထင်ရှားကျော်စော လူသိများခဲ့ခြင်းဖြစ်သည်...

အမှောင်ဒြပ်စင် ၊ အနက်ရောင်ဒြပ်စင် ဟာ မွေးကတည်းက ခန္ဓာကိုယ်ထဲတွင် ပါခဲ့သည်မို့ မွေးမိခင်ရဲ့အသက်ပါစတေးခဲ့ရသည်...
ဒြပ်စင်ပင်လယ်ထဲကို ဆင်းသက်ချိန်မှာလည်း ပင်လယ်ထဲက ဒြပ်စင်တွေအကုန် ဖယ်ကျဉ်းခံလိုက်ရပြီး ပင်လယ်တစ်ခုလုံးက အနက်ရောင်ပြောင်းသွား၏...
ထိုနေ့မှစ အမှောင်မြို့တော် တွင် အနက်ရောင်ဒြပ်စင်ပင်လယ် ဟူ၍သာ ကျန်ရှိခဲ့တော့သည်...

နယ်မြေ(၃)ခုပြိုင်ပွဲတွင် အသက်အငယ်ဆုံး ချန်ပီယံဆုကို ဆွတ်ခူးရရှိထားသူလည်း ဖြစ်၏..
အမှောင်မြို့တော် ရဲ့ မင်းသားတစ်ပါးဖြစ်သလို အနာဂတ်မှာ အပြာရောင်နယ်မြေတစ်ခုလုံးရဲ့ ဘုရင်ဖြစ်လာလိမ့်မယ် လို့လည်း ယူဆထားကြသည်..
အမျိုးသမီးများကြားထဲတွင်လည်း ရေပန်းစားလှပြီး ပျိုတိုင်းကြိုက်နှင်းဆီခိုင်ဖြစ်သည်အထိ ရုပ်ရည်မှာ အင်မတန်သန့်စင် ချောမောလှသည်..

ကုန်ကုန်ပြောရရင် .. သူ့မှာ ချီးကျူးစရာ ၊ အံ့အားသင့်စရာတွေ များလွန်းလှလို့ စာဖွဲ့၍ပင် မကုန်နိုင်ပါ...

အဆင့်-၆ ထိပ် ရောက်နေသော ဖုန်းညီနောင် .. ပြိုင်ပွဲမှာ ဒုတိယနေရာကိုပဲမှန်းပြီး လာရောက်ယှဉ်ပြိုင်ရသည်က??
ပြိုင်ပွဲအတွက် မာန်အပြည့် ဖြစ်နေခဲ့သော လန်ကော .. ရုတ်တရက် စိတ်ဓါတ်ယိုင်နဲ့ သွားရသည်က??

လန်ကော ရဲ့ idol က ချွင်းလွန်ကို အနိုင်တိုက်ခဲ့ပြီး လက်ရှိမှာ ဘုရင်တစ်ပါးဖြစ်နေသည့် သူ့ဖခမည်းတော် မဟုတ်နေပဲ ... သူ အသက် ၁၀နှစ်တုန်းက ပထမဆုံးတွေ့ဖူးခဲ့သည့် 'အဲ့ဒီလူ' ကို သူ့အသည်းနှလုံးထဲမှာ ယုံကြည်ကိုးကွယ်ခဲ့သည်...

"ရှောင်ကော"
လန်ကော နှင့် ဖာ့ဟွား ရပ်နေရာဆီ အမှောင်သားတော် တစ်လှမ်းချင်းလှမ်းလာခဲ့သည်... အနီးနားရောက်လာသည့်အချိန် ဖာ့ဟွားသေချာကြည့်လိုက်မှ အမှောင်သားတော်၏နောက်တွင် အမျိုးသမီးတစ်ယောက် ပါလာသေးသည်.. အမှောင်သားတော်ရဲ့ ပတ်ပတ်လည်မှာ အခိုးအငွေ့အမဲတွေ ရစ်သိုင်းနေသည်မို့ ရုတ်တရက်ဆို သတိမထားမိလိုက်...