Chapter 35 : They are the champions!
🔮တုနှိုင်းမဲ့အမြွှာဝိဥာဏ် ၊ တူညီသောဘဝတစ်ခု🔮
ဖျက်ခနဲလက်သွားပြီး...ရုတ်ခြည်းပျောက်သွားသော ဖာ့ဟွားကြောင့် ... ဟော်လိကျီ လေကိုသာ လွှဲခုတ်မိလိုက်ပြီး သူမရဲ့ ခြေထောက်အောက်ကနေ ရေတံတိုင်းတစ်ခု ဝုန်း ကနဲ ထွက်လာကာ သူမကို ဝါးမြို ငုံ ဖို့ ကြိုးစားတယ်...
မီးဒြပ်စင်နှလုံးသား ကို သူမ အသုံးပြုခဲ့တာကြောင့် စွမ်းအင်ဝုန်းကနဲတက်လာတာမှန်ပေမဲ့ ရေရှည်တော့မကြာခဲ့ဖူး ...
ကြီးမားသည့် စွမ်းအင်ကန်ထွက်မှုကို သူမ အချိန်ကြာကြာမထိန်းနိုင်ဖူး..
ဒါ့အပြင် ... တိကျလှသည့်သူမရဲ့ တိုင်ကွက် က ဘာလို့ ချွတ်ချော် ရှူံးနိမ့်သွားခဲ့ရတာလဲဆိုတာ နားမလည်နိုင် ဖြစ်နေတယ် ...
ရေတံတိုင်းဝါးမြိုမှုကနေ ရုန်းထွက်လိုက်ချိန် သူမရဲ့ ပတ်ပတ်လည်တွင် ရွှေရောင်တွေ ရစ်သိုင်းနေတာကို သတိထားမိပြီးနောက် ... သူမ နဲနဲလေးတောင် လှုပ်မရတော့ဖူး!
အဆင့်-၇ ဖြစ်နေတဲ့သူမ .. ဒီထိန်းချုပ်မှုကနေ လွတ်အောင် မရုန်းနိုင်ဖြစ်နေတာက !!!
နတ်ဘုရားချီးမြင့်သည့်ကျမ်း ၊ စာမျက်နှာ (၅) ၊ မိုးကောင်းကင်နှင့်မြေကြီးကို အကျဉ်းချခြင်း!
ထိုအချိန်တွင် ဖျက်ခနဲပျောက်သွားသည့် ဖာ့ဟွား ကား အရင်နေရာမှာ ပြန်ရောက်လို့နေပြီ ...
ဟော်လိကျီ ဓါးနှင့်လွှဲခုတ်လိုက်ချိန် ဖျက်ခနဲပျောက်သွားပြီး လန်ကော ဘေးနားမှာ သွားပေါ်ခဲ့ပြီးနောက် ရေတံတိုင်း ဟော်လိကျီ ကို တိုက်ခိုက်နေချိန် သူက အရင်နေရာ ပြန်ရောက်လာကာ ကျမ်းကိုဆင့်ခေါ် ၊ အကျဉ်းချခြင်းမန္တာန် ကို ဖန်တီးခဲ့ခြင်း ...
လန်ကော လေထဲကို ခုန်ပျံလိုက်ပြီး ညာဖက်လက်ကို ဆန့်ထုတ်ကာ ထိန်းချုပ်ခံထားရသည့်ဟော်လိကျီရဲ့ ကျောကို ရိုက်ချလိုက်တယ် ...
လန်ကောကိုယ်တွင် ခရမ်းရောင်လျှပ်စီးတွေ တဖျက်ဖျက်လက်နေသည့်အပြင် ခန္ဓာကိုယ်ကလည်း ထွင်းဖောက်မြင်နေရသည့် ကြည်ပြာရောင် အလွှာတစ်ခုလို ဖြစ်နေတယ် !
ရေဒြပ်စင်ခန္ဓာကိုယ် နှင့် မိုးကြိုးလျှပ်စီး ကို ပေါင်းစပ်အသုံးချ ရိုက်ချလိုက်ခြင်း !
YOU ARE READING
The Land of Miracles ((အံ့ဖွယ်များနှင့် နယ်မြေ))
FantasyTwo young men Encounter the Destiny. Can they break their fate or ??? Magic & Fantasy ((Both Unicode & Zawgyi Available)) ကံကြမ္မာ၏ စီမံမှုဖြင့် အလိုဆန္ဒမပါပဲ တစ်ဦးနှင့်တစ်ဦး နှစ်ကိုယ့်တစ်စိတ်လို ချည်နှောင်မိချိန် ... ကျိန်စာလား ? အကျိုးပြုစေမဲ့ ချ...
