🔱 الوصية 🔱
بقلمي الكاتبة هند المتقي
👈 الجزء 27
علاء و هو هاز حاجب واحد ... واخا يعيا ما ينكر مشاعرو الرجولية تحركات .. وهي امامو بهاد الحالة لي ممكن تودي به للجنون ماشي غير تغويه ..
خرج تحنحينة رجولية و هو كيزفر
علاء : واخاا ..( سمت شي شوية و زاد كمل ) اش هاد الاستعراضات ؟؟ ياكما قال لك شي حد راني حال سيرك ف داري ؟؟؟؟ ( زاد من حدة نبرة صوته و كمل كلامو و هو كيآمرها بلعاني ) ماتعاوديش تديري هادشي مرة اخرى ! مفهوم ؟
حسات ماريا بجميع الوان الطيف دازو عليها ... كاتعرفو داك الاحساس بحالا شي سطل ديال الما سخوووون كيتخوا عليكم ؟ هاكاك حسات ... ولا بحال لا ضربها بشي صقلة حتى تقلب وجهها .
كاتحس ب حناكها ولاو سخوونين .. لكن هادشي مادامش بزاف حيت ماريا قررات تتمرد على اوامره كيف العادة واخا حاولات تبدا هاد النهار وهي مسالمة و حاولات ماتجاحدش معاه او تشد معاه الضد لكن مايمكنش ... علاء شخصية لا تحتمل ... مايقدرش انسان عادي ... انسان يكون طبيعي و ف كامل قواه العقلية يسكت ليه و بالخصوص ماريا ... وهو كايدير علاش تتعاند معهز
قالت بسرعة شديدة
ماريا : لا ما مفهومش .. وماشي شغلك هادا بيتي .
شاف فيها و هو مخرج عينيه فيها للحظة واحدة ... و لكن ديك اللحظة حسات بيها ماريا بحال الدهر .. بدا علاء كيقرب ليها ببطء في حين هي بدات ترجع للخلف مع كل خطوة كيخطيها علاء ..
حتى اصطدمت بالحائط موراها ... كانت كاتحس ب دقات قلبها سريعة بحالا قلبها غادي يطير من صدرها و رجليها ماقاديش يتحركو ...
هادي هي المرة التانية لي كيشوفها غير بالفوطة .. ونفس اللقطة كتكرر قدام عينيها الخضراوين .. وهي ماقادرة دير والو .. كتحس برجليها مكتفين مع يديها ..
زاد علاء قرب منها اكثر حتى ولا على بعد خطوة واحدة منها ... و حنا راسو كيشوف فيها ...
اشاحت ماريا بوجهها ... و غمضات عينيها كاتسنا العقوبة ديالها .. وفلحظة جنون فكرات انه ممكن يخنقها بأنفاسه ..
زاد هو حنا شوية و همس ف ودنيها بصوت منخفض
علاء : عاودي شنو قلتي ا ماريا !
ارتعشت ماريا .. حسات بالحرارة كاتختارقها ... و بأنفاس علاء الحارة كاتلفح ف وجهها .. و ريحتو ... ريحتو حكاية من نوع آخر ... كاتختارها ... مسكرة .. مدوخة
حسات بالدوار من الوضع لي هي فيه ... عاود علاء كرر اسمها و الحروف خارجين من تحت سنيه تقال وهادئييين ..
علاء : ماريا ..
حلات فمها باش تهضر و هي مازال مغمصة عينيها .. مغمضاهم بشدة .. شادة على مشاعرها باش مايفلتوش من بين لسانها .. تكلمات و هي كاتلعتم و كاضغط على عينيها كثر باش يبقاو مسدودين
ماريا : مفهوم ..
علاء : امممم مزيان ( ابتسم بانتصار و كمل جملته بإصرار) خطأ بحال هذا .. ماغاديش يتكرر ا ماريا ... ياك ؟؟
ماريا : (همست بخفوت ) اه ..
شدات فراسها بزز باش ماتنهارش قدامه وتبين ضعفها .. خصوصا كان كيشوف فيها بواحد الشكل خربقها .. وديك الابتسامة الشريرة على شفايفو فحال لا لقا شي كنز .. واش استفزازه ليها و رضوخها ليه بهاد الشكل كيفرحو حتى ل هاد الدرجة ؟؟؟؟ واش علاء انسان عادي بحالها و لا حمق و مريض ؟؟؟
يالاه نوات تنفس الصعداء و فنفس اللحظة حسات ماريا بالفوطة بدات كاتنزل ليها من على صدرها متجهة للاسفل ..
#=#=#=#=#=#=#
البنات ياكما راكم زيازن و انا مافي خباريش 😅 واش ماكاينش لي تخلي شي تعليق ؟ ^^
أنت تقرأ
🍇الوصية 🍇(مكتملة)
Боевик🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
