🔱 الوصية 🔱
بقلمي الكاتبة هند المتقي
👈 الجزء 62
ف الغد ..
من بعد يوم البارح لي عاشتو احسن نهار ف حياتها .. تعشاو برا ورجعو حتى لنص الليل .. ماشافو حد ماشافهم حد ... نهسات عاوتاني معاه ف البيت و حداه ... و كل شوية ماكيرخاش من البسالة ...
هاد النهار كان السبت صبح الحال سخون ... فاقت كاتكسل ف بلاصتها .. الساعة كانت 11 تعطلات ومافطراتش معاهم .. وعاد دابا ملي ولات مرات علاء خلاص ماكيتحكمش فيها على ساعة الفطور ..
لبسات حوايجيها .. كسوة قصيرة زرقة .. ولفات هاكا بالخصوص و علاء مانع الرجال يدخلو للداخل من غير لا عيط لهم هو .. لبسات صنيدلة د الصبع ف رجليها .. فطرات ف الكوزينة بوحدها ...
يالاه خرجات مع الباب وهي تلاقا ضحى
ضحى : ( ضحكات) صباح الخير .
ماريا : صباح النور ...
دورات عينيها ملي ماشافتش ياسمين ..
ماريا : فين ياسمين ؟ واش مشات فحالها ..
هزات راسها ضحى والابتسامة فلتات من فمها ..
ضحى : بغات تمشي من بعد داكشي لي درتي ليها ولكن حلفت لا خليتها ..
ماريا : (تعصبات ومابغاتش تبين) ااه .. كون غير مشات فحالها ملي اصرت ..
ضحى : الله يهديك ا ماريا .. داكشي لي درتيه ليها حشومة راه كانبقى ضيفة
ماريا (ربعات يدها و طلعات راسها للسما ) و حتى الضياف ماكيتطاولوش على مالين الدار تقول ليا بنت الزنقة ا ضحى ... نتي ماغاديش تحسي بهاد الكلمة. . و اتجيك عااااادية
ضحى : ماقلتش لك هي عندها الصح ....ولكن ... نتي لي جبدت
ماريا ( اشارت بصبعها ليها ) اااانا ؟؟؟ انا ا ضحى ماشتيهاش اش كادير ل علاء وتعيوج عليه ... و نزيدك سمعتها ول بارح بالليل كاتقوليه ماجاتش معاك و معرفت اش ... و بغيتيني نسكت ليها ؟
ضحى : دونك نتي مشكلتك هي علاء !
ميقات ماريا بعينيها و خلات ضحى واقفة وهي تجرها ضحى من يديها و تمرات فيها شوية
ضحى : ماريا ... مالك كاتميقي .. ماتنسايش انا بحال ختك الكبيرة راه كانضحك معاك و واقفة جنبك ... و لكن باش تميقيني هاكا و تزيدي لاا ..
سرطات ماريا الريق و حدرات راسها و بدات كاتلعب بيديها بتوتر ..
ماريا : وا ... سم..سمحيلي (هزات عينيها فيها ) راه ديك ياسمين كاتعصبني دابا غير وحودها هنا معانا تخت سقف واحد موترني ... كاتدور ليا بعلاء ..
ضحى : كاتبغيه ؟؟
بقات ساكتة ماريا و حناكها تزنگو ...
ضحى : ماريا
هزات ماريا ساكتة شوية و هزات كتافها
ماريا : ماعرفتش ... المهم .. انا كانحس فشكل كانكون حداه كانفرح و كانفكر فيه غير هو ... مابغيت حتى وحدة تقرب ليه ...
ابتسمت ضحى بتلاعب ... و دفعاتها بمرح
ضحى : سيري ا بنيتي عند راجلك سيري هههه
خرجات ل برا وخرجو عينيها .. ملي شافت علاء ف المسبح .. كيعوم .. بقوته وعظلاتو كيتحركو ملي كيغطس ...
ابتسمت وقبل ماتقرب كانت غافلة على ياسمين لي تلاحت ف الما حتى هي كتعوم
أنت تقرأ
🍇الوصية 🍇(مكتملة)
Acción🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
