🔱 الوصية 🔱
بقلمي الكاتبة هند المتقي
👈 الجزء 33
خرجات و هي كاتعثر ف حوايجها
ماريا : ديما تحرمها علياا ! ايوا نسيتي راسك راك مع ماريا اقصح راس و اقصح جبهة على وجه الكرة ارضية ...
و صلات للدروج ضربات طليلة مابانش لها علاء و هي تنزل حتى وصلات كانت الدنيا عامرة و ناس واقفة بقات كادور في عينيها ... حتى دخلات بين ناس دازت مدة مابانش لها علاء كانت مرتاااحة
حتى لواحد اللحظة لمحها ... هو في الاول ماصدقش عينيه حساب ليه غير جاب الله لكن منين جات عينيها ف عينيه الدخااااان خرج ليه من نيفو بالاعصاب عض على شفايفو بالعصب ماسمعاتش ليه مرة اخرى .. هاد المرة ماريا غادي تنال عقابها ... كاتتحدته ؟ اوا دابا تشوف
هي شافتو ركابيها فشلو بدات غير كاتخبا بين الناس حتى تخبات ف واحد البلاصة ...
لكن واحد اليد جراتها خلاتها تشهق بخوف
ماريا : هئئئئ ئ اويلي ا بسم الله الرحمان الرحيم من..منين كاتخرج ليا
سيف ( ابتسم ) : حاضيك ..
ماريا ( شافت يامينها و يسارها ) ا..امم سيف سير راه غايشوفك علاء
سيف :.. علاء لا شافني عادي انطلب يديك منو ..
ماريا : همم .. و شنو راك دير هنا
سيف : ضحى عرضات عليا ... انا وياها اصدقاء ... كاتدرب عندي .
حركات ليه راسها ب آه و بقات كاتبعد عليه شوية بشوية بلا مايحس ... لكن هو عاود جرها و هو مكاليها حاني لعندها .... على وشك يدير شي حاجة ماشي هي هاديك .... خاصة و انهم ف مكان مخبييي
لكن ماحسش لا هو لا ماريا غيييير بالدقة لي جاتو ف الوجه حتى جا طايح للارض
علاء : ز******* ااااااااععععع
رجع هزو من الارض و نزل عليه مرة اخرى
علاء : مااااتقربش ليييييها مااااتقربش لها سمعتيييي
مع كل كلمة كيعطيه بونية الوجه ماعطاهش الفرصة فين ينوض و يدافع على راسو و باش يهضر .... نزل عليه بحال الوحش كيضرب و يضرب ويضرب و يخسر الهضرة كلام من السمطة للتحت . .
ماريا كانت كاحزة لور لاسقة في الحيط كانت اتموت ب الخلعة ... خاصتا منين هز علاء راسو و شاف فيها و شعرو مبعثر و وجهو عرقان و العرووووووق خارجين ليه ف وجهو .... دوك النظرات لي كيدير فيها لوكانت تقتل لكانت ميتة الان .. قلبها غادي يسكت بالخلعة
قرب لها بعنف و صدرو كيطلع و يهبط شدها من دراعها و دخلها نيشان للمكتب ديالو حيت كانو حداه مع الزدحة لي زدح الباب التفت ناحيتها و يديه تهزات حتى تهزات و نزلات على وجها بصفعة ...
دوى صوت الصفعة في الهواء بينهما ... ماريا تسمرت في مكانها و هي تشعر ب حر الالم من اثر الصفعة ... و ف نفس الوقت مامتيقاش ... .. كيفاش قدر علاء يضربها كيييفاش ..
دموع سريعة ساخنة انهمرت من عينيها .... حاولات تهز يديها تتحسس حنكها لكن ... يديها كما العادة خانتها ....
كان علاء كيشوف فيها بغضب .... و هو كينهج ..اه صرفقها .. هو براسو ماقادرش يتيق انه ضربها ... ماعمرو مد يديه على شي مرا ف حيااااتو ... لكن ماريا استفزاتو الى ابعد الحدود ..
اول حاجة هي اللباس ... ماسمعاتش لهضرتو قال ليها ماتخرحش و خرحات .... و منظرها و هي بين احضان سيف ... شافها شحال و هي كاتهضر معاه ... باين بلي كيعرفو بعضهم ... يعني انه شي حاجة كاينة بيناتهم .... داك المنظر خلا كل عصب ف جسده ينبض بالغضب ..
#=#=#=#=
أنت تقرأ
🍇الوصية 🍇(مكتملة)
Ação🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
