🔱 الوصية 🔱
🖊 بقلمي انا الكاتبة هند المتقي
👈 الجزء 50
كحزات ماريا على سيف .... حتى انسحب بوحدو .. بقات واقفة واحد ثلاثة دقائق حتى شافت سيارة علاء وقفات عليها ... طلعات معاه و هي مبتسمة ... و كادير حزام السلامة ..
ماريا : سلااام ...
علاء "هز راسو ليها و هو مخنزر و كيشوف قدامو " وعليكم السلام ...
شافتو مخنزر و هي تختفي ابتسامتها ... و شافت قدامها ماقدراتش عاود تهضر حيت خلعها منيت شافتو مخنزر و خافت لايكون معصب و يبدا يغوت عليها على والو ...
وصلو للقصر .. و نزلات ماريا هبط موراها علاء و طلعات هي ل بيتهم لاحت المحفظة ديالها بتعب و تلاحت على السرير ... حتى دخل علاء ... و تكلم و هو كيحل صدايف د الشوميز
علاء : رجعي ل بيتك ا ماريا ..
غوبشات و تقادات ف الجلسة
ماريا : نعام ؟؟
علاء : كيف سمعتي ا ماريا رجعي ل بيتك ... ماغاتبقايش هنا معايا ف البيت
ماريا " حسات بقلبها تشد عليها " و .. وعلاش ؟
علاء : هاكاك .. كلامي واضح و ماكانبغيش نعاودو ... عيطي لخدم يهزو لك حوايجك
ماريا : السبب ؟؟
علاء " بابتسمامة مستفزة دار ل عندها " ياكما عجباتك الگلسة معايا !!
سرطات الريق و تلاعبت ب عينيها و ناضت من بلاصتها
ماريا : لا، انا ... انا اصلا ماكانش عاجبني الحال و لكن غير بغيت نعرف علاش انا غانمشي ل بيتي
هزات شكارتها و هي كاتشوف فيها و باركة على سنانها ... بحالا فيها البكية لكن كبرياءها ماسمحش لها تنزل حتى دمعة. ..
خرجات من بيتو و زدحات عليه الباب بجهد حتى سمعات زدحة ف الڤيلا كاملة ...
ها علاء رجع كيف كان... قلبها كان مزير عليها لاقصى حد .. لكن مابغاتش تبين ف خطرا .. علاش دار هاكا ... ولفاتو الكذوب على الله حرام ...ولفات فكل ليل كيبدا يهضر معاها و شي مرات كيشد فيها حتى كاتسخط و كاتولي باغا تمشي و هو كيبدا يضحك و كيحزرها ... عاشت معاه شي مواقف زويييينة بزاف .... ماتقدرش تنساهم
بقات جالسة شحال ف البيت ... حتى قررات تخرج و تمشي تعاود هادشي ل ضحى ... مع الخرجة لي خرجات من البيت كاتلقا شي رجال كيخرجو من بيت علاء داك الفراش لي كانت كاتنعس عليه هي ... عينيها غرغرو .... بقا فيها الحال بزاف ... شنو دارت ليه باش يدير هاكا !!!
نزلات كاتجري فالدروج كاتقلب على ضحى .... حتى كاتسمع واحد الضحك مخلط .... مشات بشوية ... حتى كاتشوف ضحى جالسة مع شي بنت و كيضحكو بجهد
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
