🔱 الوصية 🔱
بقلمي الكاتبة هند المتقي
👈 الجزء 60
بقات ياسمين مسمرة ف مكانها كاتشوف ف حالتها و لي كاتقطر ... و تعاود تشوف ف ماريا و ف علاء لي بقا ساكت و ماقال حتى شي حاجة باش يدافع عليها ... واخا ماريا مراتو هي لي غالطة ف نظرها .. لكن ياسمين يمكن ماعارفاش بلي كلشي متاح ف الحب ...
ياسمين تطفلات عليها و قربات ليها ل أشياءها .... و ماشي اي حاجة ... هذا علاء راجلها يعني ماريا محقة و حتى كون دارت ماكثر تجي معاها
كانت ضحى واقفة كاتشوف بصدمة ختى هي ف ياسمين ... اه ماريا بحال ختها الصغيرة لكن ماعجبهاش اش دارت ل ياسمين نهااائياً
ضحى : ماااارياااا ... شنو درتي ا صاحبتي شنووو ... علاش اتهرقي عليها العصير ...
ماريا ( هزات كتافها ببرودة ) هي لي جبداتني
ياسمين منين شافت ماريا كاتهضر بدم بارد زااادت تعصبات ... و هي تغوت و بغااات طير على ماريا
ياسمين : اااااهعع همجيييييييية .... ماااامربياااااش
طلقات يديها باش توصلهم ل ماريا تنتفها و هو يدفعها علاء بلا مايشعر
علاء : يااااسميييين ...
ياسمين : شنووووو يااااسمين ؟؟؟ شنو ؟؟؟ حيييييد من وجهي ا علاء حييييد نوري ل هاد بنت الزنقة
كانت ف الاول ماريا جالسة مبردة ف بلاصتها و عارفاها ماعنذها مادير والو حيت بمل بساطة عارفة علاء ماغاديش يخليها .. و لكن غير سمعات بنت الزنقة... هاد المصطلح عندها معاه ذكريااااات خااااايبة ... تفكرات جدها ( اب رقية امها بالتبني و ف نفس الوقت الجد الحقيقي ل علاء و ضحى ) تفكرات جدها لي كان كيكرهها و كان دييييما كيعيط لها بهاد الكلمة لي كانت كاتجرحها .... و عمرها تنسى نهار ماتو مها و باها ... خرجها من السبيطار مجرجرة و هي كاتفركل ليه ف الارض .... غادي بيها للميتم و هي كاترغبو و تقولو جدي .... وهو كيقولها نتي بنت الزنقة بزاف عليك تا تكوني حفيدتي .... لاحها بلا رحمة و لا شفقة .....
ياسمين لعبات لها على الوثر الحساس ... ناضت ديك الساع من بلاصتها ... و هي كاتشوف ف ياسمين لي فعلا منين شافت دوك النظرات تخلعات و تراجعات اللور
ماريا : عاودي ... عاودي شنو قلتي ... بنت الزنقة ؟؟
علاء ( شاف حالتها و فهمها و عرفها باش حسات هز يديه لعندها ) ماريا ...
ماريا : حيد ا علاء ... حيد .. انا بنت الزنقة ؟؟ واخا هههه هانا انوريك بنات الزنقة اش كيديرو ....
نقرات وتلاحت ليها على شعرهااا كاتنتفووو زغبة ب زغبة .... ياسمين كاتغووووت ربي لي خلقها و مابقا من لا جا و جر ماريااا و واااالو ... بردات فيهااا جنونهاااا كااااملة .... حتى قدر علاء يخشي يديه بزز و دورها على كرشها و هزها و هي مازال شادة ف شعر ياسمين و علاء كيرجع باللور و شعر ياسمين كيزيد معاهم
علاء : ماااااااريا باااراكااا طلقيييي من البنت ...
ماريا: بعددد مني ا علاء بعد مني طلقني نورييي لهاد الحمارة بنات الزنقة اش كيديرو ...
تدخلات حياة ديك الساع و حطات يديها على يد ماريا لي شادة بيها شعر ياسمين
حياة : انااا مزاااوگة ا بنتي طلقي منهاا الله يرضي عليك ... داخلت عليك بالله
منين شافت ماريا حياة و هي تبدا ترخي بشوية من شعر ياسمين ... و هو يخرجها علاء ديك الساع من الدار .... ماطلفها حتى ركبها ف طوموبيلتوو ...
ماريا : علاااش ماخليتييييونيش نوريهااا علاش
علاء ( خرج فيها عينيه ) اتريييحي لرض ولا نخلط ملتك
جمعات فمها و هي كاتعوجو و ربعات يديها و هي كاتلهث ... و بدات تهضر بشوية
ماريا : حمارة
علاء : دااابا اش مشكلتك ا ماريا ... على كلمة وحدة نوضتي هاد الحالة كاملة ماكنتش انسكت لهاا انا ... لااا داعي ل داكشي لي درتي لداخل ... مالقيت مانشد فيك
ماريا : اسييييدي علااااااش تقولي ليا بنت الزنقة ... انا ماشي بنت الزنقة ا علاء انا ب مي و باااا ... انا ماشي بنت الحرام ( عينيها غرغرو ) اناا... غير ماما و بابا ماتو و خلاو عندي خمس شهور ... انا ماشي بنت للزنقة ....
شاف داك البريق لي ف عينيها ... و قلبو تزييير عليه ... قرب ليها و حط الجبهة ديالو على ديالها ... و هما بزوج مغمضين عينيهم
علاء : عارف ا ماريا ... عارف
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
