🍇الوصية 🍇(مكتملة)

part53

🔱 الوصية 🔱
بقلمي الكاتبة هند المتقي
👈 الجزء 53

خرج علاء من الحمام و لقى ماريا مازال ناعسا ف الفراش ديالو .. و مغمضة عينيها زعما راه ناعسة ... دوز يديه على وجهو و هو كيتنهد .. و هضر
علاء : عارفك فايقة ا ماريا ... نوضي نهضرو .
دارت راسها ناعسة زعما بصح و ماجاوباتوش .. و هو يتلاح ف بلاصتو بجهد على ظهرو شوية و طير من بلاصتها ... دازت واحد الخمسة الدقايق و هي دور ل جيهتو زعما ناعسة ... و هو عارف نعاسها كيف داير ... مني كاتكرن ناعسة ماكاتحركش ف خطرة لا نعسات على جنبها ليمن كاتبقا على داك الجني حتى تفيق .. و عينيها كايبقاو مشققين فحال عينين الغزال.... دور و جهو شاف فيها ...
علاء : عارفك فايقة ا مااااريا ... صافي بلا تبرهيش . .
حلات عينيها ديك الساع و شافت فيه و هي تصغر عويناتها .. و جمعات فمها بحالا كاتحلف فيه ..
ماريا : الاه فايقة و ماغاديش نمشي يالاه ... بزز منك غانبقى هنا
دارت عطاتو بالظهر ....
علاء : مارسا واش كيعجبك تعدبيني ..
قالها وهو كيتامل ظهرها .. واخا مع الظلام جزء منه كيبان عاري وقربو .. مد يديه يلمس كتفها .. كيحس بالعافية شاعلة فداتو كاملة .. ولكن تراجع فاخير لحضة ...
دازت واحد النص ساعة و هي غير كاتگلب فيها حتى تعصب علاء بصح ..
علاء : وااااااا مارياااا وااا ريحي رييييحي من التبربييص ااااو !!!
سكتات شوية عاد هضرات
ماريا : علااااااااء
نطقات سميتو بشوية و بتلحيين .
علاء ( بتأفف ) نعاااام
ماريا : نرغبك !
علاء : شنو ؟؟
بعفوية منها و بلاماتقصد حيت مولفة منين كاتكون كاترغب شي حيد قريب منها كاتنزل يديه على دراعو ...
داكشي لي دارت بغير قصد حطات يدها على دراعو و بدات كاتلعب بصباعها ببطئ .. قبل ماتهضر علاء شاف ف يديها و شاف فيها ... و واحد الرعشة سرات معاااه و خلات دقات قلبو يتسارعو .. الاحاسيس تخلطو عليه .. الشوق مع توكشها وهي قدامو .. وعاد مراتو وماقادرش يقرب منها .. كبريائو غالبو ...
ماريا : تشهيت ناكل ماكدو ...
علاء : هههه شنو !!! ماكدو ؟ دابا ؟؟
ماريا : اممم... عافااك .. ( عضات على فمها) واش ماغاديرش ليا خاطري
سكت شوية و غمض عينيه .. كيتنفس بزز .. بعد مدة تفكرها مع سيف و هو يتغير مزاجو ..
علاء : لا ..
ماريا ( عقدات حجباتها ) كيفاش ... لا ؟
علاء : لا هي لااا كاين شي كلمة بلاصتها !!
عقدات حواجبخا وماضت جلسات قريبة منو .. كيحس بريحتها واصلة لعنده ..
ماريا : ي.ياااااك قبايلا خرجتي ياسمين ..
ماريا : ي.ياااااك قبايلا خرجتي ياسمين .. و انا .. وانا وانا ... ( استمرت بطفولية ) ياك انت واصي عليا و راجلي .. علاش ماديرش ليا داكشي لي كانبغي .. وكاتبغي تشد معايا ضد .. علااء ..
علاء ( و هو باقي مغمض عينيه ) ماريا ...
دورات يديها عليه بحاللا معنقاه و كاترغب فيه .. حس براسو صافي مابقاش قادر يصبر ..  وشوقو غالبو .. خصوصا الكريقة باش كتهضر كانت كتجيب ليه التمام وتسالي معه  .. كتولي فمها وصوتها فيه بحة خاصة بها ... يديها الرطبين كيقيسو فكتافه ..
ماريا : عااافاك عافاك كاتفضل عليا ياسمين و انا لا ياكا ياكا ياكا
علاء ( زاد تزير منين عنقاتو ) ماديريش هاكا ا ماريا ...
ماريا ( ببرائة) شنو كاندير ؟
فتح عيينه حمرين .. وشدها من عنقها حتى قربها لعندو ...
علاء : عارفة شنو كادير وكاتعمدي تشعلي فيا العافية ياك .. كاديريها بلعاني !
بغات تبعد ... وزاد زيرها حتى ولاو أنفاسو كيضربو فعنقها .. حارين .. وسخان ..
ماريا : (بطفولية) لا ماكاندير والو ..
حسات بالحرارة طلعات معها .. وكلشي قدامها ولا كيتحرك بشكل بطيئ .. كتشوف غير فمو كيف كيحركو عينيه لي كايشوفو فعينيها ويعاودو يهبطو لفمها كيتنفس بزز .. وطويلا ...
هضرات بتلعثم ..
ماريا: صافي .. صهد .. امم بغيت لاگلاص فيا الحرارة...
فحالا كان خصه غير تحرك عيينها ببراءة .. باش صافي يتسالا جهده ويتسالا داك البرود لي مثلو وهي قدامو ... 
زفر بغضب .. وعصبية ...
علاء: مابقيتش قادر نصبر ...
انقض على شفتيها بقبلة طويلة  .. جامحة .. كلها مشاعر وشوق .. يديه فعنقها كيجرها لعنده اكثر ويحرك كفه فشعرها الاحمر .. واليد الاخرى جارها عنده من ظهرها ... متحكم فيها كليا ...