🔱 الوصية 🔱
بقلمي الكاتبة هند المتقي
👈 الجزء 55
خرج علاء من الحمام ... لقا ماريا لبسات واحد التوني سخون شوية .. مع الليل كيكون البرد محرك و دايرة القب على راسها و خاشية يديها ف جيبها ... لبس عليه هو عليه تيشورت و بقا بالشورط ديالو و هز سوارتو ..
علاء : يالاه ..
تبعاتو ماريا ب فرحة و بقات غادة موراه حتى نزلو و ركبو ف السيارة .. داز على ماگدو و خدا ليها menu و معاه المثلجات ... حطات داكشي بين يديها و و الفرحة خارجة من عينيها... شاف فيها علاء و حس بالفرحة منين شافها فرحانة حتى هي و ب جيست صغير قدر يخليها تحس فحال هاكا رجعو للقصر ... و نزلات و هي هازة داكشي و مشات لواحد الطبلة و جلسات تماك باش غادي تاكل ..
علاء : ماغاطلعيش ؟ البرد عليك ..
ماريا : ننن اناكل هنا و نطلع ... اجي بقا معايا ..
علاء: صافي غير بقاي هنا .. غير تسالي طلعي ..
حركات راسها ب نعم ... و بقات كاتاكل ...
طلع علاء فحالو و هو يالاه غادي ف الرواق ناحية غرفته حتى سمع لي كيعيط ليه ... التفت و لقا ياسمين واقفة قدام الغرفة د الضياف لابسة قميص نوم حريري واصل حتى ل رجليها ...
علاء : نعم !
ياسمين : عافاك علاء واخا تجي تشوف ليا الحمام مافيهش الما ..
شاف فيها بتعحب و اتجه نحو غرفتها و دخل للحمام كيطلق الما ..
علاء : ماعرفتش مالو ..
بقى كيقلب غير بعينيه حتى شاف هاداك لي كيطلق الما داير ... و هو يدورو ثاني و رجع التطلق ..
علاء : و هو كيمسح يديه من الما : صافي ها هو ..
ياسمين ( و هي مدورة يديها بحالا مربعاهم ) شكراا ..
علاء ( اومى براسو ) العفو ..
يالاه جا خارج و هي تعاود تعيط
ياسمين : علااااء ...
علاء ( ضار عنذها ) : هم !! نعام ؟
ياسمين : اممم جلس معايا شي شوية نهضرو ..
علاء ( جبد تيليفونو من جيبو كيشوف ف الساعة ) ماكرهتش ا ياسمين و لكن ... راك عارفة الخدمة
ياسمين ( بينات زعما بقا فيها الحال و خنقات صوتها ) امم ... هي كاتعطيها وقت تخرجها تشري ليها و انا خمسة دقايق ماتعطيهاش ليا من وقتك
علاء ( دار راسو ماكيفهمش ) كيفاش ؟؟؟ على من كاتهضري نتي ؟
ياسمين : ماريا .. علاء .. احم .. واش بصح زعما مزوجين مزوجين .. ماشي برهوشة ؟
علاء ( عقد حجبانو ) شنو بان لك نتي ؟؟
ياسمين : كاتبان ليا بحال شي واحد داير فيها الخير و صافي ... م..ماشي من مستواك ا علاء .. و صغيرة اصلا .. حتى سبعطاش ماعندهاش ..
ماريا منين طلع علاء ... يالاه بدات تاكل و هي تجنع داكشي و قالت اطلع تاكل ف البيت ... لحقات عليه و شافتو دخل عند ياسمين ... خنزرات ديك الساع و مشات كاتسلت تصنت ليهم ... و سمعات حوارهم كامل ...
علاء غير نبرة صوتو ماعجبوش الحال من هضرة د ياسمين و انها تستصغر مراتو ف وجوده هو ..
علاء : ياسمين .. سمعي .. ماريا مراتي و انا مامضطرش نبرر ليك علاش و كيفاش تزوجتها .. لابغيتيني نبقا معاك مزيان ماتجبديهاش ...
ياسمين : ولك..
مازال ماكملات هز صبعو و دارو على فمو بمعنى تسكت ...
ماريا رجعات اللور منين حسات بيه غادي يخرج و مشات كاتجري ل بيتهم ... و حطات الماكلة فوق الطبلة و دارت راسها كاتاكل ..
أنت تقرأ
🍇الوصية 🍇(مكتملة)
حركة (أكشن)🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
