🔱 الوصية 🔱
بقلمي الكاتبة هند المتقي
👈 الجزء 31
مر اسبوع على ماريا .... من داك النهار و سيف كيرسل ليها رسائل و يعيط و هي ماقدراتش تجاوبو خوفا من علاء ..
حتى ل هاد النهار و هي خارجة مع 12 كاتسنى علاء يجي عليها حتى ماعرفاتش منين بعث معاها سيف شهقات و دارت يدها على قلبها و هي مغمضة عينها
ماريا : خلعتيييييني بسم الله منين خرجتي !!
كان واحد الغضب مدفون ف عينين سيف شد ف يديها و هو معصب
سيف : علاش ماكاتجاوبينيش ا ماريا
ماريا ( بعدات عليه بخوف و شافت حولها ) امم سيف عافاك سير ايجي علاء و ايلا شافك ايقلب دنيا
سيف : مافهمتش انا اش كاديري نتي مع عائلة برادة ؟
ماريا : علاء ولد خالتي .. اعني زعما ولد خت ماما رقية الله يرحمها لي تبناتني
سيف ( حل عينو بصدمة ) هي نتي دابا منهم ! و علاش عاد رجعتي ل عنذهم ؟
ماريا : كانت واحد الوصية و عاد شافوها حتى مات بات ماما رقية و دابا انا تحت وصاية د علاء و ايلا عرفني كانهضر معاك هاد النهار ماغادي يطلع فيه شمس
سيف : شكون بغا يكون اصلاا هاد علاء لا كان المدير ديالي ف الشركة على برة ماعندي بيه صلة
ماريا : امم نتا خدام عندهم
سيف : اه .. عندهم خدام ا ماريا ..
ماريا : صافي صافي ا سيف عافاك سير ... ماقادرة على صداع يقدر يجري عليك من الخدمة ...
خلاتو واقف و مشات كاتجري للجهة المقابلة باش علاء يشوفها و يوقف لها تماك ... بقى سيف كيشوف فيها و حس ب حسرة ف قلبو ماريا قدامو و حداه و ماقادرش يوصل لها ..
و لكن غادي يلقى شي حل مايمكنش يبقى ساكت. ... و مربع يدو
دازو ايام قليلة حتى للنهار لي غادي دخل ضحى فرحااانة ل عند ماريا شافتها ماريا لي كانت هازة واحد الكتاب و هي تحطو و تسناتها حتى جلسات حداها
ماريا : ههه اش كاين تماك ؟
ضحى ( شدات يديها ) ناري ا ماريا انا مامتيقاش اما مصدومة ... ( حطات يدها على قلبها ) انا قلبي ايسكت بالفرحة
ماريا : فرحيييني معاك
ضحى : امممم عرفتي مروان ؟؟ صاحب علاء
ماريا : اه مالو ؟
ضحى : المهم باختصار انا كنت كانبغي مروان و لكن تفارقنا ... و دابا يا لالة راه خطبني من علاء و ماما ... ااااي انا فرحااانة .. و من هنا زوج د سيمانات غادي نديرو خطبة كبييييييرة هنا و غادي نعرضو على الناس
ماريا ( عضات على شفايفها ) اي نااااري كايعجبني هادشي د الخطوبات و العرسات و التوجاد ( بحماس ) اتخليني نوجد معاك ياك ياك ياك !!!
ضحى : لااا
ماريا شداتها البكية و هي تضحك ضحى
ضحى : يا على حمقا اكيييييييد نتي دابا ختي الوحيدة ... اكيد انوجدو بزووووج و اصلا كانظن نتي ممكن تكون عندك خبرة عليا ف هادشي البلدي انا ماكبرتش هنا دونك راكي عارفة
ماريا ( هزات كتافها ) امم الصراحة غي كانسمع و نشوف ف التلفازة عمرني حضرت ل شي عرس هههههه
ضحى : ماعليييش المهم دابا نلقاو لي يعاوننا
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
