🔱 الوصية 🔱
🖊 بقلمي انا الكاتبة هند المتقي
👈 الجزء 41
علاء ( هضر من تحت سنانو ) : نعااام ؟؟؟؟؟ من نيتك ا ضحى ؟؟
ضحى : امم... شوف .. ( لعبات بأصابعها بتوتر ) واش بصح بستي ماريا
عاصفة من الاعصاب اجتاحت علاء ... واش يتعصب من ختو لي جايا كاتخبر عليه هادشي او من ماريا لي مشات عاودات ل ضحى على اش وقع بيناتهم ... لاحظات ضحى تغير ملامح وجهو و انه غادي ينفاجر ف وجهاا
سبقات هي الهضرة قبل مايبدا يغوت و اش جا مايكتو ديك ساع
ضحى ( كلمات بزربة ) غا بلا ماتتعصب راه ماقصداتش، البنت باقا صغيرة و من التوتر زلقات ليها من فمها، ماتلومهاش الغلط ماشي ديالها
من جهة باغي ينوض يحيح عليهم بجوج ، و من جهة حشم من اختو و الموقف اللي حطاتو فيه معاها، بقا ساكت و التخنزيرة مافارقاتش ملامحو بل زاد احمرار غمض عينيه بقوة العصب و جمع يديه على شكل قبضة
ضحى: باش نجيك من الاخر و بلا مانبقاو نطولو بزاف فالهضرة، نتا ماكتعرفش تتعامل مع البنات ، سمحليا اخويا ولكن مافهمتكش انا اللي يشوفك الزين و الشخصية و الحالة يقول هدا يشد البنت يدوبها فالعسل و نتا حتى اللي كتبغيها غادي تنفرها منك ببسالتك اوو!
زاد خنزر فيها و حاول انه يكدبها باية وسيلة كانت
علاء: ضحى !!!! شكتخربقي تا نتي، ماعندي مانتلف والا نجمع ماريا بنت خالتنا .. و تحت وصايتي تزوجنا فالوراق باش نحميها و نحكمها لا غير ! و من واجبي نكون قاصح معاها باش تعرف هادشي ماشي لعب .. شتكم بحال الا تيقتو هاد القضية؟
ضحى (دارت شوفة جانبية بنص عين بمعنى بنيتك) : الله يهديك رطب داك الراس شوية و تنازل ماعندك ماتخسر .. نتا كتبغيها و هي كتبغيك لاش كتبقاو تكبرو راسكم مافهمتش انا؟
علامات الصدمة كانت واضحة على ملامحه ، ماصدقش داكشي اللي سمع ، زعما بصح تكون تا هي كتبغيه؟ تا هي الليل تبات كتحلم به و بالنهار مايفارقش خيالها؟ تا هي غادي توقد فيها نار الغيرة الا شافت شي وحدة كتقرب منو؟ ماعرفش علاش ولكن حس بفرحة تغلغلات فقلبه ، و الابتسامة ظهرت على شكل التواءة صغيرة فشفته .. حس بضحى كتشوف فيه و بحالا قرات مشاعره اللي بانت على تقاسيم وجهه و هو يجمعها ديك الساع و خنزر
علاء (معلي حاجب و منزل لاخر) : ضحى ... شتك عيقتي و ضسرتي ... ماتنسايش انا خوك الكبير ... و منين جبتي هاد الهضرة اصلا ؟ نتي شكتخربقي؟
ضحى : علااااااء ... واخا نتا قاصح معايا و مع ماما عااااااارفينك حنين ... و اصلا ماكنخربق والو را غا العمى اللي مايردش ليكم البال ، نتا ديما تابعها كيف خيالها ، و هي كتعاند و تكابر تا تعيا لكن ماتقدرش تنكر داكشي اللي كتحس بيه تجاهك ، المشكل هي ان مشاعرها مازلت جديدة ، و نتا ماكتعاونهاش انها طورهم و تحتافظ عليهم بالعكس ، غير ماكتنفرها منك و تخليها تبعد منك و تمحي مشاعرها تجاهك
علاء (بلا مايحس جاوب بانفعال ) : هي اللي كتعصبني كتبقا تبرهش و دير الفعايل د الزمر ماكتراعيش لا لموقفي كرجل باغي يحميها و يحسسها انه كيي... ( دغيا قلب منحى كلامو) هي اللي كدير علاش ...
ضحى (حطات يديها على يديه و تكلمات بحنية): يا اخي يا حبيبي البنت راها صغيرة ماتنساش راها كدوز من مرحلة مراهقة ، و ماتنساش يتيمة ماعندهاش ماماها اللي تنصحها و تعلمها الصح من الغلط ، هي ماكتحتاج والو و ماكتطلب والو من غير التعامل بالحسنى ، شفتي نتا مدير دورك مزيان و على احسن ما يكون لكن لو فقط تغير من اسلوبك شوية راه صدقني هي اللي غتجي لعندك بكامل ارادتها ماتحتاجش نتا تجري موراها هادشي كولو .. هي نصيحة مني ليك ، كون ليها اخ حنون و اب يعطف عليها كل ما غلطات ، غتكون ليك كلشي فالدنيا.. واخا؟
ربتات على كتفو و وقفات خلاتو ساهي و كيدور هضراتها ف راسو ... حتى تكلم موجه كلامو ليها
علاء : منين القضية هاكا ا ضحى ... اتلعبي معايا واحد اللعبة . .
نقزات لحداه بحماس و عنقاتو
ضحى : انا معااااك ف أي حاجة
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
