الوصية
بقلمي الكاتبة هند المتقي
الجزء 58
حلات ماريا عينيها بتتاقل ... كانت بين احضان علاء، مزير عليها وسط ضلوعو كأنه خايفها تهرب ... كان وجهها مخشي ف عنقو .. وهو فكه كان على شعرها .. تحركات بشوية ... و هزات يديها كاتلعب ف اللحية ديالو .. و تتأمل ملامح وجهو ... حس بيها علاء و فاق ... فاق و هو مبتسم ... اخيراً و كيف ما حلم ها ماريا فايقة و هي بين يديه ... ابتسمت ماريا حتى هي منين ضحك معاها ..
ماريا ( بصوت خفيف و فيه بحة ) صباح الخير ...
علاء : صباح النور ..
هز يديه كيبعد بعض الخصلات على وجهها
علاء : نعستي مزيان ؟؟
ابتسمت حتى احمر وجهها ... و هي ف خاطرها كاتقول نعست بين يديك و مانكونش ناعسة مزيان .... اكتفت بأنها تهز راسها ب "اه"
خلاته حتى دخل للدوش .. وخرج كيلبس حوايجو .. تاهت ف عظلات صدرو فحال كل مرة كتشوفهم ... حسات بالتزنيكة و الخلعة ... وقلبها بدا يضرب بزاف .. والفرشات كيلعبو فكرشها ..
دخلات هي ملي خرج وقضات واجبتها الصباحية ...
خرجاات وتساطحت معه ضرباتها ريحته لي لاصقة فيها خلاتها تتلف ..
ماريا :اي اي ... امم راسي ..
علاء: قصحتك ؟
هزات راسها ب اه ... و عينيها كيبريو ببراءة باسها فراسها وباسها ف شفايفها بهدوء ... حتى غمضات عينيها واستحلاتها ..
علاء: يالاه نهبطو نفطرو
مع الخروج ديالهم من البيت وهو شاد فيديها مشابك اصابعهم ... لقاو ضحى كتخرج من بيتها ..غير شافتهم دارت ابتسامة عريضة على فمها ..
ضحى : صباح الخير ... (قربات ليهم) ااااه ماريا كنت كنقلب عليك ف بيتك ..
ردو عليها بزوج بالتحية .
تزنكات ماريا وحشمات .. وهزات يدها لاخرى كاتحك على عنقها
ماريا : اامم كنت غير هنا..
حسات بيد علاء كتمشي على ظهرها حتى تبورشات ..
ضحى : محتاجاك فواحد الحاجة .. ضرورية
مابغاش يحكر علاء ..
علاء: ماتعطلوش ... راكم عارفين ..هبطو تفطرو دغيا
ضحى: ( ضحكات) واخا اخويا ..
دخلات ماريا مع ضحى لبيتها .. هاد الاخيرة لي شدات الباب ودايرا ابتسامة شريرة على وجهها ..
ماريا : شنو فاش محتاجاني
ضحى: همممم اذن نتي وعلاء
وغمزاتها .. ماريا ولات حمرااا
ماريا : حنا شنو ؟؟
ضحى: (ضحكات) نتوما نتوما درتو داكشي ..
ماريا : ( حاولات دير راسها مافهماتش ) شنو داكشي لي درنا انا وعلاء ... مادرنا والو .. خوك ضريف واخا باسل ..
ضحى: اهاااه وشنو كاديري الالة ف بيت علاء دابا .. منين شفت لبارح كيخرجو السرسر ديالك حساب ليا رجعتي ل بيتك ... تا شفتك خارجة نتي وياه و مقابطين هممم ... (غمزاتها ) وشنو سر هاد النظرات الولهانة ..
..
ماريا : ك ..كنا غير ناعسين .. اصلا انا باقي صغيرة على داكشي ..
مابغاتش تحكر عليها ضحى كثر ... و بقات كاضحك
ضحى : ياسمين غاتكون لتحت يالاه نهبطو ..
عينيها خرجو وحسات بالمواس ف معدتها ..
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
