🔱 الوصية 🔱
🖊 بقلمي انا الكاتبة هند المتقي
👈 الجزء 40
خرجات ضحى من بيتها و هي كاضحك ... و ماريا مخنزة بدات لي كاتجي قدامها كاتلوح بيها كانت هازة بانطوفتها و هي تشير بيها .... مع التشييرة مع الحلة د علاء باب بيتها و جات فيه ..
دارت يدها على فمها كاتما شهقتها بالخلعة
شد علاء البانطوفة ف يديه و هو كيشوف فيها بتخنزيرة مصطنعة
علاء : شهادشي ؟ مالنا !
ماريا ( بتلعتم ) ام..اممم ماشتكش ..
علاء : اواا ... المرة الجاية ردي بالك ..
ماريا ( غوبشات ) اشنو جاي دير عندي ؟
علاء ( بابتسامة مستفزة ) جاي عند مرتي
ماريا : ما مراتكش اناا
علاء : لا ... مراتي و غير قبيلا وافقتي على الزواج و سنيتي ... و وليتي ديالي
غمضت عينيها و هي كاتنفس بقلة صبر
ماريا : علاء .. نتا بززتي عليا ...
علاء : bon ... هاد الزواج غير باش ديري عقلك ... و لا الوصية مامقنعاكش ... تزوجتك باش قبل ماديري اي حاجة تفكري انك على ذمة راجل ( هز صبعو لفوق ) و ربي راه فوق مني و منك .. مانبغي نسمع لا حس سيف .. لا حتى حد. .. غادي ديها ف قرايتك لا بغيتي شي حاجة قوليها ليا ماغاديش نقولك لا
شافت فيه بصمت .. لاحظات واحد التغير صغير كاين ف تعامله معاها .. ولكن مازال كيتحكم فيها
ماريا : ما .. ماتبقاش تحكم فيا ..
علاء : انتحكم فيك ا ماريا حيت انا راجلك
ماريا : ف الورااااااق
علاء ( هز حاجب واحد ) بغيتيه يولي د بصح ؟
سرحات بيها مخيلتها ل شي حوايج ماشي هما هادوك و هي تزنگ بقوة الحشمة .... لاحظ علاء احمرار وجنتيها و ضحك بابتسامة جانبية .
علاء : شنو قلتي ؟ اه ؟
حركات رسها برفض طفولي بلا ماتجاوب
علاء : ههه اوا هههههه ديري عقلك معايا ...
ابتسامته مابغاتش تزول ليها من بالها .... ماكاتشوفوش كيضحك من غير ضحكة د الاستفزاز او الاستهزاء ... اما باش كيضحك بصح من نيتو ... لا ... لكن هاد الابتسامة كانت من قلبه ...
خرج علاء من بيتها و هو يلقى ضحى واقفة و باينة فيها كانت كاتصنت عليهم .. خنزر فيها علاء
علاء : كانتصنتي علينا !!!
ضحى : همم !! اا .. لا لا ا خويا
علاء : شكاديري مثلا ...
ضحى ( شدات ليه ف يديه ) خوياااا ... اجي نهضرو ..
جراتو ل بيتها و دخلات
ضحى : جلس ..
علاء ( وهو كيتأفف ) هاااانا ا لالة شنو كاين ؟؟؟
ضحى : امم ... نتا .. نتا واش كاتبغي ماريا ...
بقا علاء كيشوف فيها لحظات غير مستوعب سؤالها واش يكون دار شي تصرف بين على انه كيبغيها .... عقد حجبانو في الحين و هو على وشك الصراخ
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
