🔱 الوصية 🔱
بقلمي الكاتبة هند المتقي
👈 الجزء 69
اليوم الموالي ..
نزلات مرة اخرى ماريا معطلة حتى فاتت 11 د النهار و نزلات نيشان للكوزينة و جلسات باش تاكل ... وهي دخل ضحى و هي تشوفها ..
ضحى : أ... ماااريا من نهار دفنوه مازاروه ..
ماريا ( كاتتفوه و رجعات شي خصلات بشوية مور ودنيها ) صباح الخير
ضحى : صبااااح النووور و الانوار ا ختي هههه افين هاد الغبور . . من البارح الصباح ما بنتي ... سكنتي ف البيت ..
دورات ماريا عينيها و شافت فيها بنص عين و تجاهلاتها
ضحى ( خدات كرسي و مشات جلسات حداها ) و كيفاش القضية علاء ماكيهضرش معاك كاتنوضي تفطري وقتما بغيتي هادو راه علامات الساعة ههههه اش تم ؟
ماريا ( و هي كاتاكل ) ماكاين والو ا ضحى
ضحى : ا والله لا تفاكيت معاك هاد النهار عاودي ليا كلشييي
ماريا : اش نعاود لك (شرگات ) كح كح كح اويلي يا ختي ...
ضحى : لبارح دخلت لعندكم و لقيتك ناعسة و احممممم ( بتلاعب ) شفتك نتي و علاء
ماريا ( حطات الكاس و دارت كاتشوف فيها و هي مخرجة عينيها ) اااااش شفتي ...
ضحى : هههه كالم طواا هههه شفتك نتي و علاء ناعسين و هو معنقك يا لالة ... و دابا اتعاودي ليا و لا لا ؟
ماريا : همم .. راه ماكاين والو ..
ضحى : ... كاين .. كااااااين
ماريا : وا ...
يالاه غادي تهضر و هو يدخل علاء كان كيجري .. لابس ملابس الرياضة ... و عضلاتو منفووووخين ... شافتو ماريا بقات حالا فمها .. و نسات على الهضرة .. غير شافها هو ماداهاش ف ختو ... وحط يديه على الطبلة مكاليها بيديه و حنا لعندها و سرق قبلة من شفايفها .. و بعد و هز يديه كيديرها على شعرها ..
علاء : كي صبحتي ؟؟
سرطات ريقها ماريا و حسات بالحشمة قدام ضحى .. و حركات ليه راسها ب "اه"
ماريا : الحمد لله ...
ضحى بقات حالا عينيها و شداتها الضحكة ههههه
مشى علاء ناحية الثلاجة و جبد قرعة د الما باااااردة و نزل عليها ... و هي تنغزها ضحى و غمزاتها ... خرجات فيها ماريا عينيها و هزات عينيها ف علاء لي كان نزل على ديك القرعة كاملة شربها ... و دور وجهو و عاد شاف ضحى ..
علاء : شكاديري هنا نتي ؟؟؟
ضحى : ااااواااا هههه ( دارت رجل على رجل و كاتقاد ف سروالها ) هههه من قبايلة و انا هنا
علاء : طلعي طلعي ل بيتك و لا سيري تقضي لا عندك ماتقضي
ضحى : خووووويا ... كاتجري عليا ..
هز فيها حاجب خلا الما يجمدليها ف الركابي و ناضت ديك الساع كاتجري ...
مشا علاء ناحية ماريا و وقف حداها و هو متكي على الطبلة و كيشوف فيها ب واحد الشوفات مخلي قلبهااا غادي يسكت ... مغوبش و هاز يديه كيلعب بشعرها ... و صوته حااجة اااااخرى . .
علاء : انطلع ندوش من بعد .. نلقاك واجدة لبسي حوايجك انسافرو
ترسمات ابتسامة طفولية على وجهها
ماريا : بصح ... فين ؟؟؟ واحد النهار قالت ليا ضحى السفر ديالكم كيدوز زوين فين انمشيو
علاء ( بابتسامة جانبية و مازال التغوبيشة حاضرة) لا هاد المرة غير انا ونتي ...
ماريا : انا وياك ؟؟ صافي ؟؟ و ضحى و خالتي ؟
علاء : عمرك شفتي اللوسة و العگوزة كيمشيو مع شي عرسان جداد لشهر العسل
ماريا : شهر العسل ؟؟؟ ههننن
علاء : ياكما مابغيتيش ؟؟
ماريا : ها... لا لا نبغي نبغي .. فين انمشيو
علاء : خديت ف مراكش حيت هي لي فيها الحال سخون شوية هاد الايام .. لا مابغيتيش نبدلو ماعنديش مشكل ..
ماريا : لا لا اناا باغة نمشي ل مراكش عمرني شفتها ...
علاء ( جر راسها ل عندو و طبع قبلة على جبينها ) صافي ... طلعي تلبسي راه الحوايج و كلشي واجد نتي غير لبسي ... ولكن شوفي ... مانبغيكش تلبسي شي حاجة معرية .. شوفي شي حاجة طويلة ... مستورة
ماريا ( بابتسامة ) صافي ... واخا ..
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
