🔱 الوصية 🔱
بقلمي الكاتبة هند المتقي
👈 الجزء 39
ماريا تعد الان حرم علاء على سنة الله و رسوله ... غير سالا العدول طلعات كاتجري ل بيتها ... و انفجرت باكية على هادشي لي كيدير فيها شافتها ضحى و طلعات كاتجري حتى هي تبعاتها .. و دخلات عندها للبيت لقاتها مرمية على سريرها و كاتبكي بحرقة ...
ضحى : ماريا ... حبيبة ديالي .. و عافاك ا ختي باراكة راك كاتقطعي ليا قلبي
مدات يديها كاتطبطب عليها .. و حاولات تجرها
ضحى : راه حتى حاجة ماغتبدل ... راه داكشي غير حبر على ورق و راكي ف نظر علاء بحالي انا اي ختو الصغيرة و حيت خايف عليك داكشي علاش
ماريا ( انفجرت صارخة في وجه ضحى ) ختو ؟؟؟ نتي ماااشتيييهش داك النهار ا ضحى منين باسني كون كن..ت
سكتات ماريا في الحين و دارت يدها على فمها ساداه ... بقوة الاعصاب ماعرفاتش راسها اش خرجات على فمها ... وجهها ولا طاغي عليه الخجل ..
ضحى اتعسو عينيها بصدمة ... بقات مبلوكية كاتشوف ف ماريا ..
ضحى : ع..علاء باسك اماريا ؟؟
غمضات عينيها ماريا بقوة الخجل و ماقدراتشي تجاوب
ضحى : ماريا .. ( سكتات واحد الشوية عاد هضرات ) واش بينك و بين علاء شي حاجة ..
ماريا : هم ... بحالاش هاد الحاجة ؟
ضحى ( و هي كاتهز كتافها ) ماعرفتش ا ماريا انا كانسولك ... واش كاتبغيه و لا كايبغيك ولا شنو ؟؟
ماريا : همممم!!! نن لاااا لا انا في عار الله حتى نبغي هاداك الوحش انا كانكرهووو و هو ماكيبغينيش غير ( سكتات شوية و كملات و هي كاتهضر بخفوت و كاتشوف جنب ) غير كاتشدو لي ماكاتعلمش و كانجيه انا اقرب فريسة ..
ضحى : دونك زواجكم ايولي حقيقي !
ماريا ( شافت فيها بسرعة ) كيفاش حقيقي ؟
ضحى : حقيقي يعني ... راكي عارفة اش كيطرا بين زوج مزوجين
ماريا ( احمرت وجنتيها خجلا ) هننم نن ماعارفاش .. و مابغيتش نعرف و انا وياه ماغايكون بيناتنا والو
ضحى ( بتلاعب ) ماريا !
ماريا ( شافت فيها حرف ) همم
ضحى : متأكدة انك كاتكرهي علاء ؟
ماريا ( دارت شافت فيها بزربة ) شنو زعما ؟؟؟ ااااه كانكرهو و اعماق اعاميق معاميق قلب قلبي
ضحى ( دارت يدها على ماريا كاتسكتها و هي كاضحك ) ههههه ا صافي صافي تيقتك تيقتك
ماريا : واخا خوك ا ضحى .. خوك خايب
ضحى : شكلا ؟
ماريا : شكلا و مضمونا بزوووج
ضحى : احمم ( تلاعبت ب عينها ) ايوا مضمونا ... امم ممكن ولكن شكلا علاش تكذبي خويا التوووووت .. تيتيييز
ماريا ( خصرات ملامحها ) تيتيز ؟؟ ايييع كيخلع فيه زوج مترو ف الطول و صدرو كبر من صدري و كل يد دير عشرة مني .. هذا تيتيز ؟
ضحى : تيتيز اه 😌 فراسك كانو كاع صحاباتي كيموتو عليه كيتصاحبو معايا غير باش يشوفوه
بقات ماريا كاتلعب ب عينيها و حنحنات و هضرات بتوتر
ماريا : احمم... و ... .. و انا مالي كو تزوجو بيه هما
ضحى : هههههه دابا نشوف ليه مع واحد صاحبتي كانت حتى هي مغربية منين كنا لهيه ف هولاندا .. الشرع عطاه ربعة .. يكفي نتي تقبلي
ماريا ( خرجات فيها عينيها ) هاااااا !!!!!! كيفاش الشرع عطاه ربعة لاااا
ضحى : ياك كاتكرهيه ... ف جميع الاحوال هو وصل ل سن د الزواج و بغاك غير باش يحميك اي ماغاتكو حتى حاجة بيناتكم.. بغيتيه يبقا ربع سنين كيتناك حتى يطلقك و يتزوج ؟ نن خصو يتزوج د بصح
ماريا ( بانفعال غير متوقع ) ااااه مايتزوجش ... هو لي بغا هاد الزواج اوا حتى انا اندير ليه العصى ف الرويدة و مانخليهش يتزوج حتى يطلقني
ضحى ( طبطبات عليها ب مرح) ههههه الله يعطيك عقل ا ماريا هذا مانقولك ..
خرجات ضحى من بيتها و هي كاضحك ... و ماريا مخنزة بدات لي كاتجي قدامها كاتلوح بيها كانت هازة بانطوفتها و هي تشير بيها .... مع التشييرة مع الحلة د علاء باب بيتها و جات فيه ..
دارت يدها على فمها كاتما شهقتها بالخلعة
أنت تقرأ
🍇الوصية 🍇(مكتملة)
Боевик🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
