🔱 الوصية 🔱
بقلمي الكاتبة هند المتقي
👈 الجزء 54
ماريا كانت تهزات .. بل ترفعات على الارض لي حنا عايشين فيها ... غمضات عينيها مستمتعة هاد المرة بكل قبلة جاية من عند علاء .. كانو شفايفو كيجرو شفايفها باحترافية ... لقات يديها دارو على عنقو ... هاد المرة هي باغا ... باغا تكون معاه باغا تكون ليه ماباغا حتى حاجة تفرقهم ... يديها ضغطو على عنقو بقوة كأنها باغا تضمن بقائها معاه ... و انها اتبقى ديما معاه مايسيفطهاش للبيت لاخر .. كاتدوز بيديها من اسفل راسو ل ضهرو و هي كاتستشعر الجسد ديالو الفولادي ... تسسلات يد علاء لتحت البيجامة لي لابسة ... و بدات كاتسارااا على جسمها كامل ... حياتو كاملة و هو كيحلم بهاد اللحظة ... اللحظة لي غاتكون ماريا تحت من يديه و يدير فيها مبغا ... نزلات يديه لواحد الشورط قصيييير لابساه ماريا و بغا يحيدو ليها . .
حتى حبساتو ماريا و حطات يديها على يديه و بعدات عليه و هي كاتفصل القبلة ....
حل علاء عينو و عاود غمضهم و هو كيلهث بغضب و صدرو طالع نازل ... قرب لها كثر و تكلم بحرارة حدا شفايفها و هو كيقضهم بسنانو و هو معصب
علاء : ماريا ..ماريا ماتحبسينيش ..
ماريا : ش..شنو .. شنو باغي دير ..
علاء ( بصوت خلا ماريا تزيد تدوب ف بلاصتها ) هاد الزواج غادي يولي حقيقي ... غادي تولي ديالي ا ماريا ...
ماريا ( غمضات عينيها ) علاء ..
علاء ( طبع قبلة على شفايفها و هضر ) هممم...
ماريا : ف..فيا ... احم ... مانقدرش ..
علاء ( بعد شي شوية بقلق ) شنو فيك؟؟
نطقات ماريا بخجل ..
ماريا : اممم .. je suis dans ma période ..
انتفض علاء من فوق منها و حجبانو معقوديييين ...
علاء : و ... علاش ماقلتيهاش ليا من الاول ا ماريا ...
سكتات ماريا وهزات كتافها و حناكها حمرين ..
علاء دور يديه على شعرو و هو كيحس ب نفسو غادي ينفاجر ... اشنو غادي يدير فواحد المسكين لي وصل لأوج الانتصاب ديالو ههههه هاز العلام ^^
ماريا : ما يحساب ليش انوصلو ل هادشي ...
علاء : جايا ناعسة حدايا ا ماريا ... اشنو كاتسناي مني ؟؟؟
زادت ماريا خجل على خجل .... ولا غادي تطرطق بالحمورة ... و حسات هادالمرة بالاحراج من هادشي لي قال عليها بحالا رماتو راسها عليه و لكن هي ماكانش هادشي ف نيتها، كل ما في الامر انها مابغاتش تبعد عليه و ماعجبهاش الحال منين جرا عليها ... عينيها بداو كيبريو... كان هاداك غير بريق د الدموع ف عينيها ... حس بيها و عاد عرف راسو اش قال ليها ... ماقصدش داكشي لي فهمات ... قرب ليها ف الحين و بدا كيطبع قبل على جبينها ...
علاء : شششت... صافي ا حبيبي ... صافي ... ماقصدتش ماقصدتش ..
"حبيبي" هاد الكلمة اول مرة يقولها ليها ... حسات بالفراشات كاتلعب ليها ف كرشها ...
علاء : مازال باغا لاگلاص ؟
ماريا ( ترسمات ابتسامة على وجهها ) اه اه اه ...
علاء ( طبع قبلة على نيفها ) يالاه سيري لبسي انا اندخل للحمام و نخرج و نمشيو
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
