🔱 الوصية 🔱
بقلمي الكاتبة هند المتقي
👈 الجزء 30
تفكر راه بغا تيليفونها و هو يحل الباب ديك الساع لقاها مازال واقفة و لكن كانت عاطياه بالظهر ..
علاء : ماريا
هي غير سمعاتو ثاني حل الباب قلبها جمد، ضارت عندو في ساع و شافت فيه و اللون مخطوف منها
ماريا : ن..نعم !
مد علاء يديه
علاء : تيليفونك
ماريا ( غوبشات و هي مافاهماش ) hain !
علاء : تيليفونك ا ماريا
عينيها تغرغرو و هزات يديها و هما كيترعدو و جبداتو من جيبها .. و عطاتو ليه و هضرات و من حلقها باينة راه شداتها البكية
ماريا : ياك قلتي ليا ديالي ف مرة
علاء ( نزل عينيه فيها ) راه ديالك .. حساب لك اناخدو لك ؟ الحاجة لي كاتعطى ماكاتردش ا ماريا
ماريا : و .. وعلاش بغيتيه ؟
علاء : نشوفك اش دايرة فيه
ماشعراتش ب راسها و هي تنتر التيليفون من يديه
ماريا : هييييه .. ماعندكش الحق
هز حاجب واحد مخنز فيها و شد يديها لي هازة بيها التيليفون و زير عليها و عينيه لو كان الشرار يخرج منهم كان يخرج و قال بصوت جليدي
علاء : اولا .. حتى واحد ماكيحيد ليا شي حاجة من يدي ا ماريا ح ت ى و ا ح د ^نطقها مقطعة ^
ماريا ( كاتنتر يديها ) امم ااااي طلق مني
علاء ( زاد زير عليها ) ثانيا، شحال من مرة انعاودها لك نتي تحت الوصاية ديالي حتى نهار تولي على ذمة شخص آخر ديك الساع ايولي راجلك هو الواصي عليك و طالما و نتي تحت وصايتي غادي تنفدي اوامري و تمتاتلي ليهم، بدون اي عصيان .. و دابا غادي تعطيني تيليفونك ا ماريا نقلبو و لا ماغايعجبك حال و بهاد الفعايل ديالك غادي تشوفي الا الجانب الاسوء مني
حجبانها تعقدو و هي كاتقول ف خاطرها واش كاين جانب اسوء من هادشي ؟؟؟جاوباتو بسرعة
ماريا : لاااا لا لا ماعندكش الحق تدخل ليا ف حياتي الخاصة علاش كاتدخل ليااااا حتى ف الما د الوضو !! ^ جملة كاتقال على شي حد كيدخل لك فصحتك بزاف كاتقولو كادخل حتى ف الما د لوضو ههه^
علاء ( برك على سنانو ) ماريااااا نتي مازال بنيتة صغيرة و ماعارفاش حتى حاجة على الحياة و على المسؤلية نهاااائيا
ماريا : بنيتة صغيرة ؟ لاااا انا ماشي بنت صغيرة و ماغانعطيكش تيليفوني ياااالاه
نتزات يدها هاد المرة بزربة و طلعات كاتجري و خلاتو كيشوف ف الريح تنفس بي عنف و خلاها طلعات. ... دابا يعرف لمن سيفطات داكشي و يتفاهم معاها هي و هاداك لي كاتهضر معاه ...
طلعات ماريا ل بيتها كاتنفخ و تضرب ب رجليها ماعرفاتش منين تشد علاء فعلا ولات كاتكرهو و لا كيعصبها لاقصى درجة و الا استمر الحال هاكا ممكن تفكر تهرب
أنت تقرأ
🍇الوصية 🍇(مكتملة)
Aksi🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
