🔱 الوصية 🔱
بقلمي الكاتبة هند المتقي
👈 الجزء 32
مر اسبوعان بسرعة البرق ما بين التحضيرات .. و المسائل ... كانت ضحى و ماريا ف نفس الغرفة و كل وحدة كاتقاد لها المصففة الماكياج و المشطة د الشعر ....
سالات ماريا هي الاولى .. و خرجات من الغرفة د ضحى باش تمشي لغرفتها تجيب شي حاجة .... يالاه غادي تدخل و هو يخرج علاء من غرفتو و هو لابس كومبلي شيك .. مامنعش باش يبين عضلات جسمه المنحوت ... و مع قريب ل غرفة د ماريا لمحها و خلف دغيا حتى وقف عليها دخلها ديك الساع للبيت و هو شاد ف دراعها بزربة و هو مخنزر و كيطلع فيها و يهبط
علاء : اش هادشي ؟؟؟
ماريا ( شافت فيه بعد فهم ) اشنو هو هادشي !
علاء : هاد اللبس ا ماريا ...
كانت مارية لابسة تكشيطة غير هي مفتوحة من جهة د الصدر بزااااف الشيء لي خلا صدرها يبان وضوح الشمس ف نهار جميل هههه اما الفتحة لي كانت لتحت تقريبا شادا من ركبتها لتحت ....
هزات ماريا كتافها و هي مامسوقاش
ماريا : مالو لبسي ؟ عادي تكشيطة و لا قفطان ماعرفتش شنو كيسميوه
علاء ( ضرب على الباب بجهد حتى قفرات و عروقو ولاو باينين بقوة الغضب )واش باغا تجهلي ملتي ؟؟؟؟؟ باغا تجعري طواصل مي ؟
تخلعات و رجعات اللور بخوف
علاء : شوفي صدرك ا ماريا كيف باين و الفتحة لي لتحت باغا لي يسوى و لي مايسواش يشوف فيك ولا اش ؟؟؟
عوجات فمها و سرطات الريق
ماريا : وا ... وا دابا اشنو ندير ؟ c’est trop tard
علاء : il est jamais trop tard غادي تبدلي عليا هاد الزبل
ماريا : منين انجيب انا هاد التكشيطة الجديدة ؟؟
علاء ( هز يديه و هو معصب ) ماااا عرفتش ماشي شغلي ف هاد الزمر د البنات ديالكم لا مابدلتيش هادشي مااتنزليش مانشوفش حسك كايدور لتحت ا ماريا و لا والله القسم تا ماغايعجبك حال
يالاه دور و جهو باش يخرج و هو يعاود يشوف فيها و ركز على شفايفها
علاء : و مسحي عليا هاد العكار حمر
ماريا : ياااااااه وا حتى ضحى دايراه
علاء : ضحى عروسة و كبيرة و هذا نهارها .. نتي اش ؟؟؟ مافهمش واش باغا طيري باغا تباني كبيرة ولا شنو ؟؟؟ تكالماي ا ماريا راك كاتقلبي عليا
خرج و زدح عليها الباب .. شداتها البكية بغات تبكي غير فكرات ف الماكياج لي غايمشي ليها و بدات تريح على عينيها
ماريا : صافي ا ماريا ماتبكييييش ماتبكيش اتلقاي حل ..
هزات واحد الصاك جات عليه و خرجات من البيت في اتجاه غرفة ضحى ..
ماريا ( هضرات مع الكوافورات ) واش ماكاينينش شي تكشيطات اخرين هنا
= لا ا حبيبتي كاينين غير لي غاتبدل بيهم ضحى ... واش ماعجباتكش ديالك ولا شنو ؟؟
ماريا : هم لا لا بالعكس عجباتني ..
ضحى ( هضرات معاها من المرايا ) مالك ا ماريا
ماريا ( بحزن ) والو ا ضحى ..
تنهدات و خرجات من البيت و مشات ل بيتها زولات سباطها و جلسات على فرشتها بحزن ... تحلف فيها ... خايفة منو بزاف ... واش شحال و هي كاتوجد مع ضحى فلخر ايجي و يحرمها عليها .. بدات كاتسمع لتحت التعشاق و ناس تصلي على النبي عرفاتهم هبطو ضحى ... غوبشات و بدا ضرب ب رجليها ف الارض حتى وقفات و لباست سباطها
ماريا : ليييي فجهدك ديرو ا سي علاء بيا و لا بيك حتى انا
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
