🍇الوصية 🍇(مكتملة)

part28

🔱 الوصية 🔱
بقلمي الكاتبة هند المتقي
👈 الجزء 28

يالاه نوات تنفس الصعداء و فنفس اللحظة حسات  ماريا بالفوطة بدات كاتنزل ليها من على صدرها متجهة للاسفل..
انتابتها موجة من الذعر .. حاولات تعز يديها باش  تهز الفوطة .. لكن يديها كانت ماكاطيعهاش .. بحالا يديها مشلولة ولا ماشي منها ...
حاولت  معاها مرة اخرى ... حاولت مرارا و تكرارا .. لكن ماقدراتش، كأن  سحرا ملقى عليها ...
استسلمت ماريا بالنهاية  تأكدات اخيراً انها غادي تكون عارية تماااااما قدام علاء ... قلبها كون ماسكتش لها هاد المرة عمرو يسكت ..

لكن فجأة امتدت يد علاء و تبتات طرف الفوطة على صدرها قبل لحظة واحدة من السقوط ... حلات ماريا عينيها باتساع حتى شافت زوج من الاعين الداكنة و الساحرة و الصارمة ايضا كاتشوف فيها ..
حلات فمها على وسعه  بحال البهلة محدقة في هذه العيون بدورها ..
هز علاء احدى حاجبيه باستغراب ثم اتجه بنظره  ناحية يده المستقرة على الجزء العلوى من صدرها .... متبت طرف الفوطة لي على وشك السقوط ف اي لحظة لولا يديه ...
ماريا حسات ف المكان فين كانت يديه منزلة  ب حرارة رهيييييبة بحالا العافية شعلات لها ف ديك المنطقة  ...
حتى سمعات صوت علاء و فيقها من ذهولها ..
علاء :  شدي الفوطة ا ماريا
كان صوته آمر ... حاولات هي ترفع ثاني يديها باش تشدها ولكن واااالو والو ... ماقدراتش 
لحظات دازت  بدون اي كلام من احدهما ... ماريا جاب لها الله  بحال الزمن توقف ف هاد اللحظة .. كاتحس بالصهدة طالعة معاها ... قلبها سينخلع من مكانه بمعنى الكلمة ..
اخيييييييرا...  خرج علاء زفيييير حاد حتى صدره طلع  ... و شد يديها ليمنية و ثبتها على الفوطة على صدرها ..
تلاعب ب فمو شوية و تكلم بهدوء
علاء : بغيتك ف المكتب ديالي مور الغدا ، مفهوم ؟
حركات راسها بطاعة
ماريا ( همست بخفوت ) م..مفهوم ..
ابتعد علاء بخطوات  بخطوات  ثابثة ناحية الباب  و حلو و خرج ... شافتو ماريا حتى خرج ... و حتى سمعات صوت اغلاق الباب و طاحت على الارض مرتعشة لدقائق و اخيييييراً اخيييرا  سالاو هاد الدقائق المعدودة لي دازو عليها بحال الاعواااام ..  و عاااد قدرات تحرك يدها و لامست اعلى صدرها بالضبط ف المكان لي كان منزل علاء  يديه 
حسات بالسخونية و دقات قلبها العنيفة ماقادراش ترحمها  ...  بدات كاتنفس بعمق اكثر من مرة .... عاد قدرات تهدن  شوية ...
عاد ناضت و لبسات حوايجها و  نزلات  ديك الساع  حتى من شعرها ما نشفاتوش  .. و جلسات قبل مايجلس علاء ف الطبلة ...