🔱 الوصية 🔱
بقلمي الكاتبة هند المتقي
👈 الجزء 71
من بعد رحلة ليست بطولية ... كانت ماريا قابطة فيد علاء واقفين في الاستقبال كيقاد معاهم شي حاجة كان فندق خمسة نجوم ماريا ماقدراتش تنزل عينيها غير كاتشوف و مبهورة بهاد الفندق اللي اعتادت ان تراه فقط ف الافلام و المسلسلات .... غير سالاو .. طلعو ف الاسانسور متجهين نحو السويت ديالهم ...
دار علاء لاكارط و تحلات ديك السويت .. و دغيا غفل ماريا و هزها بين يديه
علاء : هوووپ
تعلقات فيه ماريا و هي كاضحك و تم داخل بيها ...
هزات عينيها كاتشوف ف السويت كااان اقل مايمكن ان يقال انه راااااائع ... دخل بيها لغرفة النوم كان السرير كله عاالمر ورود هاد الباك كيديروه للعرسان الجداد ...
ماريا: واااو ..
علاء ( حطها بشوية على الفراش ) عجباتك ..
ماريا : هادشي زوييين ...
ناضت ديك الساع و مشات للبالكون كاتطل على البيسين .. كانو ناس كيعومو ...
حتى جا علاء ودور يديه على خصرها و خشى راسو ف عنقها كيستنشق عطرها وتكلم بصوت خفيف
علاء : فرحانة ؟؟؟
ماريا ( دارت عندو و هزات فيه راسها و عينيها الفرحة كاتبان خارجة منهم) بزااااف ... شكرا
علاء : شكرا ؟؟؟
ماريا : امم مابغيتينيش نشكرك
علاء :(مدد يديه حتى دارها على الحديدة د البالكون وحنى شي شوية و هي حات محصورة بين يديه ) داابا اش انقولك ! ( شاف بعيد ) ماشي هاد الطريقة لي كاتعجبني باش تشكريني ...
ماريا : و شنو بغيتي ؟؟؟
علاء ( شاف فعينيها ) تبوسيني ..
ماريا ( خرجات عينيها و تزنگات ) ها ؟؟؟
علاء : علاش اول مرة زعما ( قرب لودنها و همس ) فتنا هاد المرحلة ب بزاااااف
ماريا ( شافت ف ليمن و ليسر ديالها ) و .. وا غادي يشوفنا شي حد . .
علاء : ماكاين لي غادي يشوف .. و اصلا حتى لا شافو من بعد ؟؟ مراتي و انا جاي هنا باش نشبع عسل
بقات ساكتة و حناكها غادي يطرطقو .... و خاصتا و هي صهباء اي شعرها حمر و النمش لي فيها حمر ههه تخيلو معايا منظرها كيف دايرة عبارة عن حبة فراولة يجوووز اكلها
هز ليها علاء راسها بطرف صبعو .. و بقا كيشوف ف عينيها نيشان و هو مغوبش ولكن ااااااه من تغوبيشتو ...
بقات مترددة كاتتعلى على اطراف اصابع رجليها ... و تم راجعة حتى قربها ليه بزاااف و هي دير شفايفها على شفايفو و غمضو بزوج بيهم عينيهم ضحك هو وسط ديك القبلة و عض شفايفها عضة خفيفة و هي تبعد عليه حشمانة ... بقا علاء مبتسم و باسها ف نيفها و هو كيضحك
علاء : حيدي منك هاد الحشمة ...
دار يديه قلب الجاكت ديالو وجبد انڤولوپ و عطاه ليها .. قبطاتو و شافت فيه
ماريا : شنو هذا ؟
علاء : حليه
حلاتو ماريا و هي تلقا كمشة ديال الفلوس غير الزرقاوات غوبشات و هزات راسها فيه
ماريا : شنو هادشي ؟؟
علاء : صداقك، حيت ماعطيتوش ليك من قبل ...
ماريا : و .. ولكن ا علاء ..
علاء : اشنو ولكن ؟ هذا حقك و حلاااال عليك ايلا ماعطيتوش لك انا لي غادي نتحاسب عليه
ماريا : نتا .. نتا اصلا مامخصصني من حتى حاجة
علاء : واخا هاكاك .. غادي تاخديهم ديري بيهم لي بغيتي ..
ابتسمت بتردد و حدرات راسها
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
