🔱 الوصية 🔱
🖊 بقلمي انا الكاتبة هند المتقي
👈 الجزء 48
داز روتين داك النهار ... حتى الليل و غير بدات تعاشى العشية بدات ماريا كاتحس بعينيها بحال شي جمرة د العافية ... وراسها بدا يحرقها ... ماتعشاتش و كانت قالت لهم مايتسناوهاش ف العشا..
ديك الساع كان علاء مازال مارجع ... كانت ماريا كانت ناعسة ف بيتهم .. فيها التبوريشة.... و ملوية ف الغطى ديالها ... و فنفس الوقت كانت كتحس بالسخانة طالعة لها وراسها ثقييييل عليها .. ماقادراش تحركو من كثرة ما كيحرقها ..
فتحات عينيها وعاودت غمضاتهم بشوية ... كتحس بهم حتى هما تقال .. والحرارة كتخرج منهم ..
سمعات باب البيت لي تفتح وعلاء دخل .. منين عرفها مانزلاتش تعشات معاهم جاتو عجب ...
اما ماريا واخا هاد الحالة المرضية لي كتحس بها قدر يخلي قلبها يضرب بالجهد .. وتفكرات كلام ليلى زادت تعصبات بلا سبب ..
شافها ملوية ف بلاصتها و سولها بقلق ..
علاء : ماريا ؟؟
ماريا: (بغضب جاوبات ) انا ناعسة .
مافهمش سر تغيرها ... حرك راسو بعدم فهم و دخل للدوش ..
بعدة مدة خرج .... لابس غير شورط قصير و على عنقو المنشفة ... مشى لبلاكار ديالو غادي يجبد ما يلبس .... حتى كيسمع انين جاي من جهتها ... التفت ليها و بقا طالق ودنيه
علاء : ماريا ..!!!
قرب بخطوات تقيلة حتى وصل ليها و كيسمعها كاتنين حنا ل عندها و جر عليها الغطى بشوية ... لقاها مغمضة عينيها بقوة و شي دميعات نازلين من عينيها و شادة ف الغطى و كاترعد ....
ماريا : امممممم ... ننن فيا البرد .. فيا البرد
حط علاء يديه بقلق على جبينها لقاها سخووووووونة ... طايبة ....
علاء : ماااريا .. ماريا .. ااااو ... طالعة لها السخانة ...
لبس في رجليه و نزل بالخف و مشا لواحد الدولاب د الاسعافات الاولية ....
جبد واحد الدوا ... و جبد الميزان د الحرارة .. و مشى للكوزينة جبد الثلج و واحد المنشفة و طلع كيجري ... حط داكشي و دار ليها الدوا ف واحد كاس د الما ... و مشى كيقاد ليها المخدة و قادها ف الجلسة .... دار ليها الميزان د الحرارة ف فمها ... و خدا ديك المنشفة كيديرها لها ف الما و الثلج و حطها لها فوق راسها ...
لقا عندها 38.5 ... عض على شواربو ... و هو خايف عليها .... كون غير جاتو هو السخانة و ماتجيهاش هي ... بغا يشربها الدوا
علاء : ماريا ... ماريا ... حلي فمك
ماريا : نننننن لاااا ... همم اهئ بعد .. بعد مني ... سير عندها هيا بعد مني
علاء : ماريا الله يهديك شربي غير الدوا باش تصحي
ماريا : حيييد عليا امممممم اهئ .. الحروف الحروف كبار ...طالعين فوق مني
عرف بلي السخانة كاتلعب ليها بعقلها.... شربها من ستة و ستين كشيفة نوضها من بلاصتها ... و دارها حداه باش يبقى مقابلها مزيان ... و كل ساع يطل عليها و يدير لها المنشفة ف الما و يحطها على راسها ... حتى نعسات .... قدر حتى هو ينعس من بعد شحااااال ....
حتى فاق على صوتها عاوتاني ... كاتعيط ب سميتو .. حل عينيه و شاف شحال في الساعة لقاها 4 د الصباح ... كانت هي سادة عينيها و كاتهضر
ماريا : علاء ... انممم علاء ...
علاء ( دار يديه على جبهتها كيتفقد الحرارة ) هانا .. ها انا حداك ا ماريا ...
ماريا ( كاتهضر و هي ناعسة ) بغات تزوج بيك امممم
علاء : شكون هي ؟؟؟
ماريا : انتفها ممم.... انتتتمنمننم انمم
تنهدات وسط نعاسها و رجعات نعسات ...
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
