🔱 الوصية 🔱
بقلمي الكاتبة هند المتقي
👈 الجزء 75
غير وصلهم طلبهم، كلاو و ناضو ... في الباب ديال الريسطو سولها
علاء: اشنو نديرو دابا؟ تبغي نطلعو و لا نخرجو ؟؟
ماريا: الصهد دابا و مافيا لي يخرج من شي اوطيل عرفتي ( شدات فيديه بحماس ) يالاه نمشيو لبيسسن دابا. .. و حتى الليل و يبرد الحال و ديك ساعة نمشيو نخرجو
حرك راسو و التغوبيشة مرسومة على وجهو ... عندو فطرية ههه ولكن غير كيوصل للحلاوة معاها ماكيعرف الضحكة منين كاتخرج
علاء: واخا لي بان ليك..
قبط فيديها شابك اصابعهم و مشاو لبيسين، مشى شد ليهم زوج كراسا، يالاه كلسات و هي تبدا تفشش عليه ..
ماريا: علاااااء (بتلحين ) كاين موت ديال الصهد، ماكرهتش شي كاس العصير بااااااارد
كتهضر و هي كتلوحن عليه ، ... علاء دار قلب على شي سرباي و لكن لمح غير واحد في الباب غادي داخل الاوطيل، بعيد عليه باش يعيط ليه، اضطر انه ينوض حتى لعندو بتش يجيب لحبيبتو المفششة لي بغات.
علاء : هانا جاي ..
مشى علاء .. و ماريا شافتو تعطل عليها و جاها الصهد بزاف، رغم انها كانت بغات تسناه حتى يجي و يعومو بزوج الا انها اتنزل تعوم حتى يتبعها ... ناضت و زولات الكسوة و نزلات لما يالاه تبرد شوية و تحس بالانتعاش ...
علاء يالاه كيهضر مع السرباي و دور وجهو ينعت ليه فين جالسين ... حتى كاتبان ليه ماريا ف الما ... لا و الطامة الكبرة واحد البراهش كيشووووفو فيهاا و كيتغامزو عليها و واحد ناوي يهبط ل حداها .. دييييك الساع طااار
ما هي الا دقائق قلييييلة حتى حسات براسها مهزوزة من الما و بالجهد، حسات بيد جاراها من دراعها و جارا معاها حتى شعرها لي لصق على لحمها
ماريا: اييي علاء قصحتيني طلق من يدي
ماهضرش، ضار عندها و عينيه كانو كيف زوج جمرات، قدرات تعرف انه غضبان لدرجة الانفجار من الاحسن ماتهضرش،
علاء: قطعييييي حسك
جمد ليها الما ف الركابي و سكتات و ماقالت والو ... خرجها من البيسين و مشى نيشان لاح عليها الفوطة و هز ليها الكسوة بطريقة مزنفلة ... و كمل جارها حتال المصعد و هوما كيقطرو بماهم ... تجرأت و سولاته
ماريا: اااي .. ع..علاء اش كاين ؟ اشنو طرا ؟
دار كيشوف فيها و عينيه حمرييييين و مخنزر شوفات كون كانو يقتلو كون كاتت .... هضر و هو بارك على سنيه و زاد زير على دراعها ونطق الهضرة مقطعة
علاء: س كتي ما نبغيييييش نسمع حسك حتى ندخلو لداخل
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
