🔱 الوصية 🔱
🔱 الوصية 🔱
بقلمي الكاتبة هند المتقي
👈 الجزء 56
دخل علاء للغرفة لقى مارية جالسة كاتاكل تماك ... شاف فيها بتكشيرة
علاء : ياك خليتك لتحت ..
ماريا ( كاتاكل لاگلاص و هازة كتافها ) جاني البرد
علاء ( و هو كيحيد حوايجو ) قلتها لك .. ماكاتسمعيش الهضرة ..
ماريا : فين كنتي ؟
علاء : عند ياسمين
ماريا : فهاد الليل؟؟؟
علاء ( شاف فيها بنظرة قاتلة ) فين المشكل ؟؟ شنو هاد دخول الصحة ؟؟
ماريا ( حطات داكشي من يدها ) اهااااا ؟؟؟؟ نتا تدخل ليا ف صحتي و مسارني تجبدهم ليا .. وانا نشوف و نسكت
علاء ( غمض عينيه محاول يتفادى الصداع هاد الليل ) ماريا .. كولي و سيري فحالك لبيتك
ماريا : ياااااك ؟؟؟ نمشي ل بيتي باش تعيط لها هيا ؟؟؟؟
علاء كيحر راسو و هو مخنزر على هاد التخربيق لي كاتقول
علاء : ماريا واش ça va pas ؟ واش طالعة لك السخانة هاد الليل ...
بدات ماريا كاتغزف بسنانها و سيناريوهات كيطيحو ف بالها مابين علاء و ياسمين و الغيرة كاتاكلها ..
ماريا : كاانقووول لي كاين ا سي علاء، نتا كاتعرف غير تتحكم فيني انا، و كادير مابغييتي و باغي تجري عليا باش تاخد راحتك مع لالهم ياسمين ههه ماشي عليا انا
علاء بقا صاااابر صابر حتى حنا و ضرب على ديك الطبلة بجهد حتى ماريا ولات صفرااااا و ماكلا طارت من الطبلة و بدا علاء كيغوت
علاء : منننن الصباح و انا ساكت لك من الصباح مابغيتش نهضر .. انااا ماشي بحالك ا ماريا انا ماكانسايركش و نمشي عند اخر
ماريا ( عقدات حجبانها ) كيف..كيفاش ؟؟؟
علاء : شفت ف الصبااااح مع داك ال***ل د سيف حساب لك انا حمار .. شفتو كيفاش شاد لك ف يديك ا ماريا ... و مابغيييتش نهضر .. مابغيتش و بغيت نبعدك عليا
ماريا : س.. سيف ؟؟. انا ..
علاء : ماريا .. شفت بعيني ..
ماريا : ع.. علاء .. والله مابيني و بينو شي حاجة اقسم بالله ...
غمض عينيه وتنفس بصوت مرتفع و ضحك باستهزاء و عطاها بالظهر و هي تمشي كاتجري قدامو
ماريا : علاء .. والله مااابيني و بينو شي حاجة هو .. هو جا كيسولني علاء بلوكيت نمرتو... و قلت ليه انا تزوجت و يبعد مني و لا شفتيه نتا ماغاديش ترحمو ...
بقا ساااكت علاء ... وكيتفكر اش وقع اليوم
فلاش باك ..
علاء وصل ضحى و ياسمين للمول ... خلاهم دخلو يالاه هو راجع مارش اريار و هو يبان ليه سيف نارل من طوموبيلتو .. ابتسم ابتسامة شريرة ...
نزل ديك الساع من سيارتو و تبع سيف ... وقف عليه ... و مع علاء تبارك الله مگدر عليه بزااااف واخا حتى سيف مفورمي ولكن علاء كثر منو ...
سيف قبل مايستوعب الامر كان علاء دخل فيه بقنت دوخ مو على القبلة فين جات ماعطاهش فرصة يهضر ... نزل عليه بالضرب بالضرب .. حتى السيكيريتي و الناس كاتفك و حتى واحد ماقدر يفك سيف من يدين علاء لي كان جااااااعر و كايجيه غير داك المنظر و هو شاد يدين ماريا بين يديه ... برد فيه غدايدو و اصبااعو كاااااملة داكشي علاش منين رجع بالليل رجع مكاااالمي كأنه فرغ كااااع داكشي لي كان كيحس بيه مثقل عليه ... و منين سالا قال ليه
علاء : بااااش تعلم تحط يديك على مراتي ا ز***
أنت تقرأ
🍇الوصية 🍇(مكتملة)
Action🔱 #الوصية 🔱 اربطو الاحزمة ... بعد غياب طويل ها أنا عدت بقصة من قصصي .. قنبلتي الموقوتة ههه ، جامعة بين الرومانسية والدراما والتفرشيخ والكوميديا والخيال وبزاف د المفاجآت 😻 ✒ بقلمي أنا #الكاتبة_هند_المتقي ❌ أول حاجة ممنوع النشر الا بإذني ❌ تفاعلك...
